UDUTERONOMI 6:3 - IsiNdebele 2012 Translation

³ Yelelani nina ma-Israyeli niphethe imiyalo ngokupheleleko ukuze koke kunikhambele kuhle enarheni egeleza ibisi neliju, nokobana nande khulu njengombana uSomnini uZimu waboyihlomkhulu anithembisile.

UDUTERONOMI 6:3 Iomraidhean Croise

UGENESISI 12:2

Ngizokwenza ube sisizwe esikhulu, begodu ngizokubusisa: Ngizokwenza ibizo lakho libe likhulu, ube sibusiso.

UGENESISI 13:16

Ngizakwenza isizukulwana sakho sibe ngangethuli lehlabathi ukuze kuthi nange kungaba nomuntu obala ithuli lehlabathi, khona-ke neenzukulwana zakho zingabaleka.

UGENESISI 15:5

Ngalokho uSomnini wamthatha wamusa ngaphandle kwetende wathi kuye: “Qala phezulu emkayini, ubale iinkwekwezi nakube mbala ungakghona ukuzibala. Sizakuba njalo-ke isizukulwana sakho.”

UGENESISI 22:17

ngiqinisile ngizokubusisa ngenze iinzukulwana zakho zibe njengeenkwekwezi emkayini nanjengetjhwabatjhwaba magegana nelwandle. Iinzukulwana zakho zizakuthumba amadorobho wezitha zazo.

UGENESISI 26:4

Ngizakwenza iinzukulwana zakho zibe zinengi njengeenkwekwezi emkayini bese ngizinikela zoke iinarhezi. Zoke iinkoro zephasi zikhanukele ukubusiswa njengeenzukulwana zakho,

UGENESISI 28:14

Iinzukulwana zakho zizakuba zinengi njengethuli lehlabathi. Uzakwanda unabele ngetjingalanga, ngepumalanga, ngetlhagwini nangesewula. Zoke iinkoro zephasi zikhanukele ukubusiswa njengawe nanjengeenzukulwana zakho.

AMARHUBO 119:4

Somnini nguwe oyale ngeemfundiso zakho kobana zilondwe ngokupheleleko.

U-EKSODUSI 1:7

kodwana ama-Israyeli abeletha, ahluma abe anda ngesibalo kangangobana azala inarha yeGibhide.

U-EKSODUSI 3:17

Nje-ke sengithembise ukunikhupha esizini leGibhide nginise enarheni yamaKanana, amaRhithi, ama-Amori, amaPerizi, amaRhivi namaJebusi, inarha egeleza ibisi neliju.’

U-EKSODUSI 3:6

NginguZimu kayihlo, uZimu ka-Abrahamu, u-Isaka noJakopo.” UMosi wagubuzesa ubuso bakhe ngombana bekesaba ukuqala uZimu.

U-EKSODUSI 3:8

Ngalokho ngehlile kobana ngibenyele esandleni samaGibhide, ngibakhuphe enarheni leyo ngibase enarheni ehle nevulekileko. Iye, inarha egeleza ibisi neliju, ikhaya lamaKanana, amaRhithi, ama-Amori, amaPerizi, amaRhivi namaJebusi.

UMTJHUMAYELI 8:12

ngombana isikhohlakali singenza ubelelesi kanenginengi, khonapho siphile isikhathi eside. Nami ngiyazi bona kuthiwa kuzabakhambela kuhle abantu abesaba uZimu, ngombana bayamhlonipha,

U-ISAYA 3:10

“Babusisiwe abalungileko ngombana kuzabakhambela kuhle. Mbala, bazakudla iinthelo zezenzo zabo.

UJOROMIYA 42:6

Nanyana kukuhle namkha kungasikuhle kithi, sizamlalela uSomnini uZimethu esikuthuma kuye ukuze kusikhambele kuhle ngombana sizabe silalela uSomnini uZimethu.”

UJOROMIYA 7:23

kodwana ngabadosa ngendlebe ngomyalo lo ngathi, ‘Nanithobela ilizwi lami, khona-ke ngizakuba nguZimenu, nina nibe babantu bami. Khambani ngazo zoke iindlela enginiyala ngazo ukuze kunikhambele kuhle.’

IZENZO ZABAPOSTOLI 7:17

“Kwathi isikhathi sisabandamela bona uZimu agcine isithembiso asenzako ku-Abrahamu, inani labantu bekhethu eGibhide landa labuyeleleka.

UDUTERONOMI 11:9

ukuze niphile isikhathi eside endaweni uSomnini ayifungela kiboyihlomkhulu bona uzabanikela yona kanye neenzukulwana zabo. Leyo-ke yinarha egeleza ibisi neliju.

UDUTERONOMI 26:15

USomnini akaqale asendawenakhe ecwengileko, ezulwini bese abusise abantu bakhe u-Israyeli kanye nequlwani uSomnini asinikele yona njengombana uSomnini afunga kibobamkhulu, inarha egeleza ibisi neliju.”

UDUTERONOMI 26:9

Wasiletha lapha, wasinikela inarha le, inarha egeleza ibisi neliju.

UDUTERONOMI 27:3

ukuze nitlole phezu kwawo woke amezwi womthetho lo. Lokho nikwenze naniyamako kobana ningene enarheni uSomnini uZimenu aninikela yona, inarha egeleza ibisi neliju, njengombana uSomnini uZimu waboyihlomkhulu anithembisa.

UDUTERONOMI 31:20

Nasele ngiwalethe enarheni egeleza ibisi neliju, engayifungela ukuyinikela aboyisemkhulu, sele agomile asuthi aziimputjuputjwana, azakuphendukela kibosingazimu abalotjhe, mina angeqise amehlo, ephule isivumelwano sami.

UDUTERONOMI 4:40

Ngalokho gcinani iimiso nemiyalwakhe enginiyala ngayo namhlanje ukuze izinto zinikhambele kuhle kanye neenzukulwana zenu ezilandelako nokobana amalangenu wokuphila ande endaweni enihlala kiyo, okuyindawo uSomnini uZimenu anipha yona isiphelani.

UDUTERONOMI 4:6

Ibulungeni beniyiphethe ngombana lokho kuzakuba kuhlakanipha nelwazi lenu emehlweni wabantu abazakuthi nabezwa zoke iimiswezi bathi: “Ngambala isizwe esikhulwesi sibabantu abahlakaniphileko nabanelihlo.”

UDUTERONOMI 8:8

inarha yekoroyi nebhali, iindiribe, amakhiwani namarharinada, inarha yeliju namafutha we-oliva,