UDUTERONOMI 6:2 - IsiNdebele 2012 Translation

² Umnqopho womyalo lo kukobana nesabe uSomnini uZimenu ngokulonda iimiso nemithethwakhe enginiyala ngayo. Yenzeni nina, abantwabenu neenzukulwana zenu imihla yoke yokuphila kwenu ukuze niphile isikhathi eside.

UDUTERONOMI 6:2 Iomraidhean Croise

UGENESISI 18:19

Iye, ngimkhethe bona ayale abantwabakhe neenzukulwana zakhe emva kwakhe bonyana babulunge iindlela zami ukuze benze okufaneleko nokulungileko. Khona-ke ngizakwenzela u-Abrahamu engimthembise khona.”

UGENESISI 22:12

USomnini wathi: “Ungabeki isandla sakho phezu komsana! Ungasamenzi litho! Nje-ke sengiyazi bona uyamesaba uZimu ngombana ungakhange ungigodlele indodanakho okukuphela kwayo.”

1 AMAKHOSI 8:40

Nje-ke bazakwesaba ngazo zoke iinkhathi zokuhlala kwabo enarheni owayinikela abobaba.

UJOBHO 28:28

Wathi emuntwini: “Ukwesaba uSomandla kukuhlakanipha! Ukutjhida ebumbini kukuzwisisa!”

AMARHUBO 111:10

Ukwesaba uSomnini kukuthoma kokuhlakanipha; kunikela ukuzwisisa okuhle kibo boke abahlonipha isivumelwaneso. Idumo lakhe lijame isiphelani!

AMARHUBO 128:1

Ingoma yekhambo lokuya ethempelini. Ubusisiwe owesaba uSomnini, okhamba eendleleni zakhe.

AMARHUBO 91:16

Ngizamsuthisa ngepilo ede, ngimbonise isindiswami.”

U-EKSODUSI 20:12

Yazisa uyihlo nonyoko khona kuzakwanda amalangakho wokuphila endaweni oyiphiwa nguSomnini uZimakho.

U-EKSODUSI 20:20

UMosi wathi ebantwini: “Ningesabi ngombana uZimu uze bona anizizinye nokobana nimesabe ukuze ningoni.”

IZAGA 16:6

Ngokwethembeka nangeqiniso icala liyahlawuleka, ngokwesaba uSomnini umuntu ugegeda okumbi.

IZAGA 3:16

Ipilo ede ingesigomeni sakanokwazi, ngesinceleni sakhe kunomnono nedumo.

IZAGA 9:11

Ngami amalangakho azakwanda, kungezelelwe neminyaka yokuphila kwakho.

UMTJHUMAYELI 12:13

Ekugcineni, koke okuzwakeleko kufanele kunakekelwe: Yesaba uZimu ulonde imiyalwakhe; lokho kungokomuntu woke

UJOROMIYA 32:39

Ngizabanikela ubuhliziyonye, basebenzisane ukuze bahlale bangesaba, kube kuhle kibo nebantwaneni babo abeza ngemva kwabo.

UHEZEKIYELI 20:19

Mina Somnini nginguZimenu; khambani ngeemiso zami bese nilonde benenze imithethwami.

ULUKASI 12:5

Yeke ngizanitjengisa bona nesabe bani: Yesabani loyo othi ngemva kokubulala umzimba abe namandla wokuniphosela ngesirhogweni. Iye, ngiyanitjela ngithi mesabeni loyo!

UDUTERONOMI 10:20

Nesabe uSomnini uZimenu, nimlotjhe beninamathele kuye, nifunge ngebizo lakhe.

UDUTERONOMI 11:9

ukuze niphile isikhathi eside endaweni uSomnini ayifungela kiboyihlomkhulu bona uzabanikela yona kanye neenzukulwana zabo. Leyo-ke yinarha egeleza ibisi neliju.

UDUTERONOMI 13:4

Nizakulandela uSomnini uZimenu kwaphela benimesabe, nilonde imiyalwakhe, nilalele ilizwi lakhe, nimlotjhe benikakarele kuye kwaphela.

UDUTERONOMI 15:5

kwaphela nakube nilalela ilizwi lakaSomnini uZimenu, niyelele ukwenza yoke imiyalo enginiyala ngayo namhlanje.

UDUTERONOMI 22:7

Tjhaphulula unina akhambe, kodwana abantwana ungazithathela bona ukuze kukukhambele kuhle nokobana uphile isikhathi eside.

UDUTERONOMI 30:19

Ngenza izulu nephasi kobana zibe bofakazi bami namhlanje ngokujamelana nani: Ngibeka phambi kwenu ipilo nokufa, iimbusiso namanikelela. Ngalokho khethani ukuphila ukuze niphile nina neenzukulwana zenu,

UDUTERONOMI 30:20

nikhathalele uSomnini uZimenu, nilalele ilizwi lakhe, nikakarele kuye ngombana lokho kukuphila kini nokwanda kwamalanga ukuze nihlale enarheni uSomnini ayifungela kiboyihlomkhulu u-Abrahamu, u-Isaka noJakopo kobana uzabanikela yona.”

UDUTERONOMI 4:10

bona kwenzakalani mhlana nijame phambi kwakaSomnini uZimenu eRhorebe lokha uSomnini nakazakuthi kimi: “Ngibuthelelela abantu kobana ngibazwise amezwami ukuze bafunde ukungesaba imihla yoke yokuphila kwabo lapha bahlala khona nokobana bafundise nabantwababo ukuwagcina.”

UDUTERONOMI 4:40

Ngalokho gcinani iimiso nemiyalwakhe enginiyala ngayo namhlanje ukuze izinto zinikhambele kuhle kanye neenzukulwana zenu ezilandelako nokobana amalangenu wokuphila ande endaweni enihlala kiyo, okuyindawo uSomnini uZimenu anipha yona isiphelani.

UDUTERONOMI 4:9

Yelelani, nizitjheje ngesikhathi soke bonyana ningakhohlwa izinto enizibone ngamehlwenu. Azihlale zisemikhumbulwenenu ipilwenu yoke, nizifundise abantwabenu neenzukulwana zenu

UDUTERONOMI 5:16

Yazisa uyihlo nonyoko njengombana uyalwe nguSomnini uZimakho ukuze kwande amalangakho wokuphila nokobana izinto zikukhambele kuhle endaweni oyiphiwa nguSomnini uZimakho.

UDUTERONOMI 5:33

Nikhambe endleleni yoke uSomnini uZimenu aniyale ngayo ukuze niphile nokobana koke kunikhambele kuhle, niphile isikhathi eside enarheni enizayithumba.

UDUTERONOMI 6:1

Le-ke miyalo, okutjho iimiso nemithetho uSomnini uZimenu angiyale bonyana nginifundise ukuze niyenze enarheni enizokungena kiyo niyithumbe.

UDUTERONOMI 6:24

Nje-ke uSomnini usiyale bonyana senze yoke imithetho le, ukwesaba uSomnini uZimethu kobana izinto zisikhambele kuhle isikhathi soke, asigcine siphilile njengombana kunjalo namhlanje.

UDUTERONOMI 6:7

Uwabuyekeze njalo ebantwaneni bakho ngokuzimisela, ukhulume ngawo nawuhlezi emzinakho, nalokha nawukhamba endleleni, nawulalako nalokha nawuvukako.

UJOTJHUWA 4:24

Lokhu kwenzeka ukuze boke abantu bephasi bazi bonyana isandla sakaSomnini sinamandla, nokobana nesabe uSomnini uZimenu nini nanini.”

1 UPITROSI 1:17

Nangabe nimbiza bona nguBaba, loyo ogweba boke abantu ukuya ngokwemisebenzi yabo ngaphandle kokubandlulula, khona-ke philani ngokwesaba esikhathini sokuba ziinkhonzi kwenu.