UDUTERONOMI 4:5 - IsiNdebele 2012 Translation

⁵ Qala, nginifundise iimiso nemithetho njengombana ngayalwa nguSomnini uZimami ukuze niphile ngayo naningena enarheni enizoyithumba.

UDUTERONOMI 4:5 Iomraidhean Croise

AMARHUBO 71:17

Kwasebutjheni bami Zimu, ungifundisile; nanje, ngisamemezela iimangaliso zakho.

U-EKSODUSI 18:20

Ubayelelise ngeemiso nemithetho, ubafundise indlela okumele bakhambe ngayo nalokho okumele bakwenze.

UJOROMIYA 11:6

USomnini wangiyala bonyana ngimemezele woke amezwi la emadorobheni wakwaJuda neendledlaneni zeJerusalema ngithi: “Lalelani amezwi wesivumelwanesi beniwalandele.

UHEZEKIYELI 20:11

Ngabanikela iimiso zami bengabazisa imithethwami ukuze abantu bayigcine bese baphila ngayo.

ULEVITIKUSI 19:19

“Londani iimiso zami. Ungavumeli ifuywakho izekwe ngelinye ihlobo lefuyo. Nesiminakho ungatjali imihlobo emibili yembewu begodu ungembathi isambatho esilukwe ngemihlobo emibili yemicu eyahlukeneko.

ULEVITIKUSI 26:46

Lezo kwaba ziimiso, imithetho kanye nemiyalo uSomnini ayinikela ngoMosi entabeni yeSinayi ukuze yakhe ubudlelwano phakathi kwayo nama-Israyeli.

ULEVITIKUSI 27:34

Leyo miyalo uSomnini ayala ngayo uMosi entabeni yeSinayi mayelana nama-Israyeli.

ULEVITIKUSI 7:38

uSomnini awunikela uMosi phezu kwentaba yeSinayi erhalawumbeni mhlana ayala ama-Israyeli bona alethe umnikelo kuye.

UMATEWU 28:20

nibafundise ukwenza koke enginiyale ngakho. Ngambala nginani njalo bekube sekupheleni kwesikhathi.”

IZENZO ZABAPOSTOLI 20:27

ngombana akhange ngigodle ilitho kini ngokufakaza loke ihlelo lakaZimu.

1 KWEBEKORINTE 11:28

Umuntu kumele azihlolisise ngaphambi kobana agome isikwa abe asele nekapho.

1 KWEBEKORINTE 15:3

Engakwamukelako ngakudlulisela kini ngombana kuyinto yokuthoma eqakathekileko kobana uKrestu wafela izono zethu ukuya ngokwemitlolo,

UDUTERONOMI 11:32

tjhejani bona nenza zoke iimiso nemithetho engininikela yona namhlanje.

UDUTERONOMI 4:1

Nje-ke nina ma-Israyeli, yelelani iimiso nemithetho enginifundisa yona, niyiphethe kobana niphile nikwazi ukungena nithumbe inarha uSomnini uZimu waboyihlomkhulu aninikele yona.

UDUTERONOMI 4:2

Ningangezeleli begodu ningaphunguli elizwini enginiyala ngalo, kodwana phethani imithetho enginiyala ngayo kaSomnini uZimenu.

UDUTERONOMI 4:4

kodwana nina enakakarela kuSomnini uZimenu, noke nisaphila nanamhlanje.

UDUTERONOMI 4:40

Ngalokho gcinani iimiso nemiyalwakhe enginiyala ngayo namhlanje ukuze izinto zinikhambele kuhle kanye neenzukulwana zenu ezilandelako nokobana amalangenu wokuphila ande endaweni enihlala kiyo, okuyindawo uSomnini uZimenu anipha yona isiphelani.

UDUTERONOMI 5:1

UMosi wabiza woke ama-Israyeli wabeka kiwo ikulumo le: Yizwani nina ma-Israyeli, iimiso nemithetho engiyikhulume kini namhlanje ukuze niyifunde beniyelele ukuyenza.

UDUTERONOMI 6:1

Le-ke miyalo, okutjho iimiso nemithetho uSomnini uZimenu angiyale bonyana nginifundise ukuze niyenze enarheni enizokungena kiyo niyithumbe.

UDUTERONOMI 7:11

Ngalokho niyelele ukwenza imiyalo, iimiso nemithetho enginiyala ngayo namhlanje.

UDUTERONOMI 8:11

Yelelani bona ningakhohlwa uSomnini uZimenu ngokungalaleli imiyalwakhe, imithethwakhe kanye neemiso zakhe enginiyala ngazo namhlanje.

AMAHEBHERU 3:5

UMosi bekathembeke njengenceku kiyo yoke indlu yakaZimu bekube bufakazi balokho ebekuzakukhulunywa ngakho esikhathini esizako.