UDUTERONOMI 4:16 - IsiNdebele 2012 Translation

¹⁶ zitjhejeni ningenzi ukurhubutjheka ngokuzibumbela iinthombembazwa nganamkha ngisiphi isimo, kungaba ngesomduna namkha somsikazi,

UDUTERONOMI 4:16 Iomraidhean Croise

U-EKSODUSI 32:7

USomnini wakhuluma noMosi wathi: “Yehla ngombana nakhu abantu owabakhupha enarheni yeGibhide barhubutjhe isivumelwano!

U-ISAYA 40:18

Alo-ke, ningamfanisa nobani uZimu? Yini engabekwa eqadi kwakhe enjengaye na?

U-ISAYA 44:13

Umbazi ulinganisa isigodo ngentambo, athale isimo sakazinyana ngomukhwa, asigobhodlhe ngeentjhizela, atshwaye ngesilinganisi. Ubumba kube mfanekiso womuntu, iye, kube mumuntu azihlalele kobana ayokutshimalalisa ngendlini yabosingazimu.

UHEZEKIYELI 8:10

Nje-ke ngangena ngaqala, ngabona ebodeni mazombe bekufanekiswe woke umhlobo weemphili ezikhakhabako, iinlwana ezikghabhudlhako nawo woke amanyala okubosingazimu bama-Israyeli.

ULEVITIKUSI 19:4

Ningalandeli abosingazimu begodu ningazenzeli abozinyana ababaziweko. NginguSomnini uZimenu.

ULEVITIKUSI 26:1

“Ningazenzeli abosingazimu: Ningazijamiseli iinthombembazwa namkha amatje akhethekileko begodu kungabi khona imifanekiso yamatje abaziweko ekhothanyelwako enarhenenu. Mina Somnini nginguZimenu.

UJWANISI 4:24

UZimu unguMoya, labo abamthandazako kufuze bamthandaze ngommoya nangeqiniso njengombana anjalo.”

IZENZO ZABAPOSTOLI 17:29

“Yeke, njengombana siziinzukulwana zakaZimu, asikafaneli sidlumbane bonyana ubuZimu bufana negolide namkha isiliva nanyana ilitje eliqandulwe ngobuhlakani nelwazi lomuntu obhubhako.

UDUTERONOMI 16:22

Ningazijamiseli amatje akhethekileko ngombana uSomnini uZimenu uyazizonda izintwezo.

UDUTERONOMI 27:15

“Akanikelelwe umuntu obaza namkha obumba isithombe bese asijamise ngemsitheleni, okuyinto eyenziwe ngezandla zakasosino. Lokho kusinyenyiso kuSomnini.” Boke abantu bazakuphendula bathi: “Amen!”

UDUTERONOMI 31:29

Iye, ngiyazi bonyana ngemva kokuhlongakala kwami, ngiqinisile ngithi nizokwenza amanyala, niphambuke endleleni enganiyala ngayo. Emalangeni ezako nizokwehlelwa bubumbi ngombana nizokwenza ubukhohlakali phambi kwakaSomnini, nimthukuthelise ngemisebenzi yezandla zenu.”

UDUTERONOMI 4:23

Zitjhejeni ningakhohlwa isivumelwano sakaSomnini uZimenu asenza nani bese niyadurha nenze iinthombembazwa zomfanekiso wanamkha yini uSomnini uZimenu analela ngayo.

UDUTERONOMI 4:25

Nanibeletha abantwana kanye neenzukulwana, sele nihlezi ninethezekile enarheni bese niyazirhubutjha ngokwenza iinthombembazwa zomfanekiso wanamkha yini, nithukuthelise uSomnini uZimenu ngokwenza okumbi lokho,

UDUTERONOMI 5:8

Ungazenzeli isithombesibazwa, namkha umfanekiso wananyana yini esezulwini phezulu namkha ephasini phasi nanyana ngemanzini ngaphasi kwephasi.

UDUTERONOMI 5:9

Ungazikhothameli izintwezo, ungazilotjhi ngombana mina Somnini nginguZimakho. NginguZimu onesikhwele owehlisela isibetho sezono zaboyise phezu kwabantwababo besizukulwana sesithathu nesesine salabo abangenzi intandwami.

UDUTERONOMI 9:12

wathi kimi: “Sikima, wehle msinyana ngombana abantu bakho owabakhupha eGibhide barhubutjhe isivumelwano, baphambuka msinyana endleleni engabayala ngayo, bazenzela isithombesibunjwa.”

1 UTHIMOTHI 1:17

Kiyo iKosi yesiphelani, engasoze yafa, engabonwako, enguZimu yedwa, akube lidumo nephazimulo nini nanini. Amen.