UDUTERONOMI 4:10 - IsiNdebele 2012 Translation

¹⁰ bona kwenzakalani mhlana nijame phambi kwakaSomnini uZimenu eRhorebe lokha uSomnini nakazakuthi kimi: “Ngibuthelelela abantu kobana ngibazwise amezwami ukuze bafunde ukungesaba imihla yoke yokuphila kwabo lapha bahlala khona nokobana bafundise nabantwababo ukuwagcina.”

UDUTERONOMI 4:10 Iomraidhean Croise

UGENESISI 18:19

Iye, ngimkhethe bona ayale abantwabakhe neenzukulwana zakhe emva kwakhe bonyana babulunge iindlela zami ukuze benze okufaneleko nokulungileko. Khona-ke ngizakwenzela u-Abrahamu engimthembise khona.”

AMARHUBO 145:4

Isizukulwana sizakubabaza imisebenzakho kesinye, simemezele izenzo zakho zamandla.

U-EKSODUSI 19:1

Enyangeni yesithathu, ngelanga lenyanga ama-Israyeli asuka ngalo enarheni yeGibhide, ngemva kokusuka kwawo eRefidimu, afika erhalawumbeni leSinayi. Ahloma amatendawo eduze nentaba.

U-EKSODUSI 19:11

Abalunge ngelanga lesithathu ngombana mina Somnini ngizakwehlela entabeni yeSinayi phambi kwabantu boke mhlokho.

U-EKSODUSI 19:16

Ngokusa kwelanga lesithathu kwaba nemidumo nemibani, kwaqubuka ilifu elinzima entabeni. Kwaba netjhada elikhulu elizwakala njengelepalapala. Boke abantu egade basekampeni bathuthumela.

U-EKSODUSI 19:9

USomnini wathi kuMosi: “Qala, ngiza kini ngelifu elinzima ukuze abantu bezwe lokha nangikhuluma nawe nokobana bakholwe kuya kuyile.” Lokha uMosi nabika amezwi wabantu kuSomnini,

U-EKSODUSI 20:18

Boke abantu bezwa imidumo netjhada lepalapala begodu babona imibani nentuthu ethunya entabeni. Kwathi nababona lokho besaba, bathuthumela. Nje-ke bajamela kujana,

U-EKSODUSI 20:20

UMosi wathi ebantwini: “Ningesabi ngombana uZimu uze bona anizizinye nokobana nimesabe ukuze ningoni.”

UMTJHUMAYELI 12:13

Ekugcineni, koke okuzwakeleko kufanele kunakekelwe: Yesaba uZimu ulonde imiyalwakhe; lokho kungokomuntu woke

U-ISAYA 38:19

Ophilako, iye, ophilako nguye okudumisako njengombana ngenza namhlanjesi. Ubaba wazisa abantwabakhe ngokwethembeka kwakho:

ULUKASI 1:50

Umusakhe ungowabamesabako, iinzukulwana ngeenzukulwana.

UDUTERONOMI 11:19

Niwafundise abantwabenu, nikhulume ngawo naniditjhileko emizinenu, nanikhambako endleleni, nanilalako nalokha nanivukako.

UDUTERONOMI 12:1

Nanzi iimiso nemithetho enizayenza ngokutjheja enarheni uSomnini uZimu waboyihlomkhulu aninikele yona kobana niyithumbe, imihla yoke yokuphila kwenu endaweni leyo.

UDUTERONOMI 14:23

Thathani kwetjhumi kwenu kwekoroyi, iwayini namafutha we-oliva kanye namazibulo weenkomo, wezimvu neweembuzi zenu nikugomele phambi kwakaSomnini uZimenu endaweni azayikhetha kobana ajamise ibizo lakhe lapho. Ngaleyondlela nizakufunda ukwesaba uSomnini uZimenu soke isikhathi.

UDUTERONOMI 17:19

ayiphathe kuye, ayifunde imihla yoke yokuphila kwakhe ukuze afunde ukwesaba uSomnini uZimakhe ngokugcina woke amezwi womthetho lo begodu enze neemiswezi.

UDUTERONOMI 4:9

Yelelani, nizitjheje ngesikhathi soke bonyana ningakhohlwa izinto enizibone ngamehlwenu. Azihlale zisemikhumbulwenenu ipilwenu yoke, nizifundise abantwabenu neenzukulwana zenu

UDUTERONOMI 5:2

USomnini uZimethu wenza isivumelwano nathi eRhorebe.

UDUTERONOMI 5:29

Inga bangahlala banomkhumbulo onjalo wokobana bangesabe bebagcine yoke imiyalwami ngeenkhathi zoke ukuze izinto zibakhambele kuhle nabantwababo isiphelani!

UDUTERONOMI 6:2

Umnqopho womyalo lo kukobana nesabe uSomnini uZimenu ngokulonda iimiso nemithethwakhe enginiyala ngayo. Yenzeni nina, abantwabenu neenzukulwana zenu imihla yoke yokuphila kwenu ukuze niphile isikhathi eside.

UDUTERONOMI 6:7

Uwabuyekeze njalo ebantwaneni bakho ngokuzimisela, ukhulume ngawo nawuhlezi emzinakho, nalokha nawukhamba endleleni, nawulalako nalokha nawuvukako.

AMAHEBHERU 12:25

Tjhejani-ke bona ningamfulatheli okhulumako ngombana nakube azange baphunyurhe labo abafulathela loyo owabayelelisako asephasinapha, khulu kangangani nakube sidela loyo osiyelelisa asezulwini?

ISAMBULO 19:5

Kwezwakala ilizwi livela esihlalweni sobukhosi lisithi: “Dumisani uZimethu noke nina nceku zakhe, iye, noke nina enimesabako, abancani nabakhulu!”

1 USAMYELA 12:24

Yesabani uSomnini begodu nimlotjhe ngokwethembeka, ngeenhliziyo zenu ezipheleleko, nikhumbule izinto ezikulu anenzele zona.