UDUTERONOMI 32:3 - IsiNdebele 2012 Translation

³ Ngambala ngizakumemezela ibizo lakaSomnini; nje-ke, dumisani ubukhulu bakaZimethu!

UDUTERONOMI 32:3 Iomraidhean Croise

1 IINKRONIKE 17:19

Ngebanga lencekwakho nangentandwakho wenze izinto ezikulwezi bewenza bona zazeke.

1 IINKRONIKE 29:10

UDavida wadumisa uSomnini phambi kwehlangano yoke wathi: Idumo alibe kuwe Somnini, Zimu wakababethu u-Israyeli, bekube nini nanini.

1 IINKRONIKE 29:11

Iye Somnini, ubukhulu namandla ngekwakho, idumo, iphazimulo nobukhosi ngekwakho ngombana koke okusezulwini nephasini kungekwakho. Iye, Somnini, umbuso ungewakho, wena Somnini uphakamile, uyihloko yakho koke.

1 IINKRONIKE 29:13

Yeke-ke Zimethu, siyakuthokoza, nebizo lakho elibabazekako siyalidumisa.

AMARHUBO 150:2

Mdumiseni ngezenzo zamandlakhe; nimdumise ngobukhulu bakhe obudluleleko.

U-EKSODUSI 20:24

Godu uSomnini wathi kuMosi: “Ngenzela i-aldari lequlwani bese wenzela kilo umhlabelwakho wokutjhiswa, umnikelwakho wetjhebiswano okutjho imihlabelo yezimvu neembuzi kanye neenkomo zakho. Kuzakuthi kiyo yoke indawo lapha ngenza khona bona ibizo lami lidunyiswe, ngehlele kiyo, ngikubusise.

U-EKSODUSI 33:19

USomnini wathi: “Ngizakwenza bona boke ubuhle bami budlule phambi kwakho bese ngibize ibizo elithi ‘Somnini’. Iye, ngizakuba nomusa kengifuna ukuba nomusa kuye, ngikhombise isirhawu kengithanda ukumkhombisa.

U-EKSODUSI 6:3

Ngaziveza ku-Abrahamu, u-Isaka nakuJakopo njengoZimu oSabekako, kodwana angizange ngibazise ibizo lami elithi Somnini.

UJOROMIYA 10:6

Akakho onjengawe, Somnini; umkhulu begodu nebizo lakho limamandla.

UJOROMIYA 23:6

Emihlenakhe uJuda uzakusindiswa bese u-Israyeli aphile ngokuphepha. Nanti ibizo azakubizwa ngalo: USomnini ukulunga kithi.”

UMATEWU 1:23

“Qala, itlawu lizakuba sidisi, libelethe indodana; izakubizwa bona ngu-Imanuweli.” Nakutjhugululwako lokhu kutjho bona “uZimu unathi”.

UJWANISI 17:26

Ibizo lakho ngilazisile kibo, ngizasolo ngiraga ngokwenza njalo ukuze ithando onalo kimi libe nakibo nokobana nami ngibe kibo.”

UJWANISI 17:6

“Ngilazisile ibizo lakho kilabo ongiphe bona ephasini. Bebavele bangebakho wangipha bona; begodu balilondile ilizwi lakho.

KWEBE-EFESU 1:19

namandla wakhe angalinganisekiko ngobukhulu, kithi abakholwako. Amandla lawo afana nokusebenza kwesiphanga sakhe,

UDUTERONOMI 3:24

“Awu, Somnini Somandla, sewuthome ukutjengisa incekwakho ubukhulu bakho nesandla sakho esinamandla. Ngimuphi uzinyana emkayini namkha ephasini ongenza imisebenzi engaka kanye nezenzo ezikulu ezinjengezakho na?

UDUTERONOMI 5:24

nathi: “Qala uSomnini uZimethu usikhombise iphazimulo nobukhulu bakhe, nje-ke silizwile ilizwi lakhe lihlangana nomlilo, namhlanje sibone uZimu akhuluma nomuntu kodwana umuntu usaphila.

ISAMBULO 15:3

Bavuma irhubo lakaMosi inceku kaZimu kanye nerhubo leMvana, basithi: “Mikhulu iyababazeka imisebenzakho, wena Somnini Zimu Mninimandla! Zilungile begodu ziliqiniso iindlela zakho, wena Kosi yezizwe zoke.