UDUTERONOMI 26:2 - IsiNdebele 2012 Translation

² uzakuthatha ezinye zazo zoke iinthelo zokuthoma zequlwanakho, ozivuna enarhenakho oyiphiwe nguSomnini uZimakho, uzifake ngesiqwebini, uye endaweni ezakukhethwa nguSomnini uZimakho kobana ajamise ibizo lakhe lapho.

UDUTERONOMI 26:2 Iomraidhean Croise

2 AMAKHOSI 4:42

Kwafika umuntu obuya eBhali-Tjhalitjha, alethele umuntu kaZimu isilumo: amapani amatjhumi amabili wezikwa zebhali neenqwambe zekoroyi ngomgodlana. U-Elitjha wathi: “Nikelani abantu bagome.”

2 IINKRONIKE 31:5

Kwathi bona kuphume umyalo lowo, ama-Israyeli anikela iinthelo zokuthoma zekoroyi, isitjhidela sewayini, amafutha we-oliva neliju nakho koke okuvela emasimini. Aletha ngokuphuphumako kwetjhumi kwakho koke akuzuzileko.

2 IINKRONIKE 6:6

Kodwana gadesi ngikhethe iJerusalema kobana iphathe ibizo lami begodu ngakhetha uDavida bonyana abuse abantu bami u-Israyeli.’

UNERHEMIYA 12:44

Ngelanga lokwahlukaniselwa komthangala kwakhethwa amadoda azakwengamela amalawu weenlulu zokubeka iminikelo yemikhiqizo yokuthoma neyokwetjhumi. Bekufuze abuthelele lapho izabelo zabaphristi namaLevi ezifunakalako ukuya ngokomthetho. Izabelwezo beziphuma emasimini abhode imizi. AmaJuda athokoza ngomsebenzi wabaphristi newamaLevi

UNERHEMIYA 13:31

Ngabuya ngahlela bonyana kuthi ngeenkhathi ezijanyisiweko, kwethulwe ngesikhathi esifaneleko iinkuni zomlilo we-aldari nezeminikelo yeenthelo zokuthoma. Zimami, yewungikhumbule ngobuhle.

U-EKSODUSI 20:24

Godu uSomnini wathi kuMosi: “Ngenzela i-aldari lequlwani bese wenzela kilo umhlabelwakho wokutjhiswa, umnikelwakho wetjhebiswano okutjho imihlabelo yezimvu neembuzi kanye neenkomo zakho. Kuzakuthi kiyo yoke indawo lapha ngenza khona bona ibizo lami lidunyiswe, ngehlele kiyo, ngikubusise.

U-EKSODUSI 22:29

“Ungariyadi ukunikela isivuno sakhe sekoroyi, sewayini nesamafutha we-oliva. “Ngihlukaniselani amadodanenu wamazibulo.

U-EKSODUSI 23:16

Gidingani umnyanya wesiVuno okumnyanya womkhiqizo womsebenzenu walokho enikutjele emasimini. Nigidinge umnyanya wokuButhelela ekupheleni komnyaka lokha nanibuthelela iinthelo zomsebenzenu emasimini.

U-EKSODUSI 23:19

“Letha njalo imikhiqizo yokuthoma yehlabathakho endaweni ecwengileko kaSomnini uZimakho. “Ungapheki imbuzana ngebisini lakanina.”

U-EKSODUSI 34:26

“Lethani njalo imikhiqizo yokuthoma yehlabathenu endaweni ecwengileko kaSomnini uZimenu. “Ningapheki imbuzana ngebisi lakanina.”

UJOROMIYA 2:3

U-Israyeli gade acwengile kuSomnini, asilumo sakhe seenthelo zesivuno. Boke abahlephula kiso baba nomlandu, behlelwa yihlekelele.’ ” Kutjho uSomnini.

UHEZEKIYELI 20:40

ngombana phezu kwentaba yami ecwengileko, iye, phezu kwentaba ephakamileko yakwa-Israyeli lapho yoke indlu yakwa-Israyeli, izangilotjha ndawonye.’ Kutjho uSomnini uSomandla. ‘Lapho-ke ngizabamukela begodu khonapho ngizakufuna iminikelo yenu, izipho zenu ezisibiko nayo yoke iminikelwenu ecwengileko.

UHEZEKIYELI 44:30

“Okukhethekileko kwayo yoke imikhiqizo yokuthoma yazo zoke izinto nazo zoke iimbiko zenu kuzakuba ngokwabaphristi. Kumele nibanikele ihlamenu yokuthoma ukuze isibusiso sibe phezu kwemindenenu.

UHEZEKIYELI 48:14

Akukameli bathengise namkha benane ngazo. Ziyingcenye ekhetheke khulu enarheni ngombana zicwengile kuSomnini.

ULEVITIKUSI 2:12

Nokho nakube mnikelo wesilumo, ningawuletha kuSomnini kodwana nakuse-aldarini khona, ungakhe unganikelwa kobana wamukeleke kuSomnini.

ULEVITIKUSI 2:14

“Lokha nawuletha umnikelo weenthoro okungewesilumo kuSomnini rhabula iinqwambi zekoroyi etja leyo emlilweni, uzitlhutlhure bese ugaya ikoroyi yakhona. Ulethe ikoroyi leyo njengomnikelwakho wesilumo.

KWEBEROMA 11:16

Nakube ingcenye yehlama enikelwe njengesilumo icwengile, khona-ke ihlama yoke icwengile; nakube umrabhu ucwengile, khona-ke neengala zicwengile.

KWEBEROMA 16:5

Ngilotjhiselani nebandleni elihlanganyela emzini wabo. Yeningilotjhisele nemnganini wami othandekako u-Epayinetosi okwaba nguye umuntu wokuthoma esifundeni se-Asiya owatjhugulukela kuKrestu.

KWEBEROMA 8:23

begodu ingasi indalo kwaphela, kodwana nathi ngokwethu, thina esineenthelo zokuthoma zakaMoya, sibubulela ngaphakathi khibe silindele ngetjisakalo ukwenziwa abantwana bakaZimu, okukuhlengwa kwemizimba yethu.

1 KWEBEKORINTE 15:20

Kodwana ngambala uKrestu uvusiwe kabafileko, yena osithelo sokuthoma sabaleleko.

1 KWEBEKORINTE 15:23

Kodwana omunye nomunye ngedlhego lakhe: Kuzokuthoma uKrestu ntangi bese kuthi nabuyako, kuvuke labo abangebakhe.

1 KWEBEKORINTE 16:2

Elangeni leSabatha, omunye nomunye wenu akabekele ngeqadi inani elithileko ukuya ngokwenzuzo yakhe ukuze kuthi nangizako ngifunyane woke umnikelo sele ubuthelelwe.

UDUTERONOMI 16:10

Nigidinge umnyanya weemVeke kuSomnini uZimenu ngokunikela ngomnikelo wesihle ukuya ngendlela uSomnini uZimenu anibusise ngayo.

UDUTERONOMI 18:4

Iinthelo zokuthoma zekoroyi yenu, zewayini lenu nezamafuthenu we-oliva kanye noboya bokuthoma bezimvu zenu nikunikele umphristi.

UDUTERONOMI 26:1

Nawufika enarheni uSomnini uZimakho akunikela yona kobana ibe lilifa lakho bese uyayithumba, uhlale kiyo,

UDUTERONOMI 26:3

Uye kumphristi osesikhundleni ngesikhatheso, uthi kuye: “Ngimemezela ilangeli kuSomnini uZimakho kobana ngifikile enarheni uSomnini ayifungela kibobamkhulu kobana uzanginikela yona.”

UJAKOPO 1:18

Ngentando yakhe wasibeletha kabutjha ngelizwi leqiniso khona sizakuba mazibulo wazo zoke iimbunjwa zakhe.

UJOTJHUWA 18:1

Umkhambathi woke wama-Israyeli wahlangana eTjhilo wahloma itende lokuhlanganela lapho. Inarha leyo besele ihluliwe.

ISAMBULO 14:4

Laba, ngilabo abangazange bazisilaphaze ngabesifazi ngombana bebasesemsulwa njengamancele. Ngibo-ke abalandela iMvana nanyana kukuphi lapha iya khona. Bebahlengwe ebantwini bafana neenthelo zokuthoma ezisilumo kuZimu nakiyo iMvana