UDUTERONOMI 26:11 - IsiNdebele 2012 Translation

¹¹ Uzakujekezela kibo boke ubuhle obenzelwe nguSomnini uZimakho wena nomndenakho, umLevi kanye nesikhonzi esikhonze phakathi kwenu.

UDUTERONOMI 26:11 Iomraidhean Croise

UNERHEMIYA 8:10

UNerhemiya wathi kibo: “Khambani nifese nibethe esimonyongwana, nithumele isabelo konganalitho. Iye, ilangeli licwengile kuSomnini, ngalokho ningaphatheki kumbi ngombana ukwenama enikuphiwa nguSomnini kumamandlenu.”

UMTJHUMAYELI 3:12

Ngilemukile bonyana ayikho into ethokozisa umuntu ngaphandle kokuzijabulisa nokuzenzela okuhle nasaphilako,

UMTJHUMAYELI 3:13

okutjho bona woke umuntu kufanele agome, asele abe azikholise kikho koke ukutjhabatjheka kwakhe. Lokho kusisipho esibuya kuZimu.

UMTJHUMAYELI 5:18

Qala, okuhle engakubonako ngilokhu: Kuhle ukugoma, ukusela nokuzithabisa ngezinto ezihle phakathi kokutjhabatjheka kwalokho umuntu akujulukeleko ngaphasi komthunzi welanga, emalangeni ambalwa wokuphila kwakhe awaphiwe nguZimu ngombana lokho kusisabelo sakhe.

UMTJHUMAYELI 7:14

Ngesikhathi esihle, jabula, kodwana ngesikhathi esimbi, yelela ngombana uZimu ukwenze kokubili ukuze umuntu angazi litho ngelingomuso lakhe.

U-ISAYA 65:14

Qalani, iinceku zami zizakuhlokoma ngethabo leenhliziyo zazo, kodwana nina nizakurhahlawula ngeenhliziyo ezibuhlungu, nilile ngebanga lokwephuka ummoya.

UZAKARIYA 9:17

Maye bazakuba bahle bebakarise kangangani! Amabele nesitjhidela sewayini kuzakwenza amasokana neentombi zibethe esimonyongwana.

1 KWEBEKORINTE 9:11

Nakube sitjele imbewu kaMoya hlangana nani, kubudisi bonyana sivune kwenyama kini na?

UDUTERONOMI 12:12

Nijekezele phambi kwakaSomnini uZimenu, nina, amadodana namadodakazenu, iinceku neencekukazi zenu kanye namaLevi asemadorobhenenu ngombana wona akanasabelo namkha ilifa phakathi kwenu.

UDUTERONOMI 12:18

Gomelani koke lokho phambi kwakaSomnini uZimenu endaweni ezakukhethwa nguSomnini uZimenu, nina namadodana namadodakazenu, iinceku neencekukazi zenu kanye namaLevi ahlala emadorobhenenu. Nijekezele phambi kwakaSomnini uZimenu ngayo yoke imisebenzi yezandla zenu.

UDUTERONOMI 12:7

Nigome khonapho phambi kwakaSomnini uZimenu, nijekezele, nina nemindenenu, ngayo yoke imisebenzi yezandla zenu uSomnini uZimenu anibusisa ngayo.

UDUTERONOMI 16:11

Nijekezele phambi kwakaSomnini uZimenu, nina namadodana namadodakazenu, amakhoboka namakhobokakazenu, amaLevi asemadorobhenenu, iinkhonzi, iintandani kanye nabahlolokazi abaphakathi kwenu, endaweni ezakukhethwa nguSomnini uZimenu bona ajamise ibizo lakhe lapho.

UDUTERONOMI 27:7

Yenzelani lapho iminikelo yetjhebiswano, nigomele khonapho benijekezele phambi kwakaSomnini uZimenu.

UDUTERONOMI 28:47

Ngombana nakhu anizange nilotjhe uSomnini uZimenu ngethabo nangokuthokoza kwehliziyo ngebanga lokobana benisutha,

KWEBEFILIPI 4:4

Thabani njalo eKosini, ngiyabuyelela godu ngithi: Thabani!