UDUTERONOMI 2:7 - IsiNdebele 2012 Translation

⁷ USomnini uZimenu unibusisile kiyo yoke imisebenzi yezandla zenu. Uyakwazi ukukhamba kwenu phakathi kwerhalawumbakazeli. USomnini uZimu ube nani eminyakeni ematjhumi amane le, akhange niswele litho.”

UDUTERONOMI 2:7 Iomraidhean Croise

UGENESISI 12:2

Ngizokwenza ube sisizwe esikhulu, begodu ngizokubusisa: Ngizokwenza ibizo lakho libe likhulu, ube sibusiso.

UGENESISI 24:35

USomnini uZimu yabusisa ikosami khulu beyanjinga. Yayipha izimvu, iimbuzi, iinkomo, isiliva negolide, amakhoboka namakhobokakazi, amakamela nabodumbana.

UGENESISI 26:12

U-Isaka watjala isivuno enarheni leyo. Kwathi kiwo lowo mnyaka wavuna ngamakhulu kilokho akutjeleko. USomnini wambusisa,

UGENESISI 30:27

ULabani wathi kuye: “Ungangivumela khengithi kuwe: Nginjingile. Ngokuba khona kwakho kimapha, uSomnini ungibusisile.

UGENESISI 39:3

Umphathakhe lokha nakabona bonyana uSomnini inoJosefa nokobana imnikele ukuphumelela kikho koke agade akwenza,

UGENESISI 39:5

Ukusuka ngesikhathi umphathi abeka ngaso uJosefa bonyana amqalele endlinakhe nakho koke anakho, uSomnini wabusisa woke umndeni womGibhide ngebanga lakaJosefa. Isibusiso sakaSomnini sehlela phezu kwakho koke uPothifara agade anakho, ngekumbeni nemasimini.

UNERHEMIYA 9:21

Wabalondoloza erhalawumbeni iminyaka ematjhumi amane, bangasweli litho. Izambatho zabo azange zirhaluke neenyawo zabo azange zivuvuke.

UJOBHO 23:10

“Nabe angayelela iindlela zami, nabe angangizizinya, bengizakuphuma nginjengegolide.

AMARHUBO 1:6

Mbala, uSomnini uyelela indlela yabalungileko, kodwana indlela yeenkhohlakali iyanyelela.

AMARHUBO 107:4

Abanye bazula erhalawumbeni, ebhudwini bangafunyana indlela eya emzini, iye, indawo yokuhlala;

AMARHUBO 31:7

Ngiyabazonda abalotjha abosingazimu abalilize ngombana mina ngethemba uSomnini.

AMARHUBO 90:17

Somandla, Zimethu, kwanga isisa sakho singaba phezu kwethu! Nzinzisa umsebenzi wezandla zethu, iye, uqinise umsebenzi wezandla zethu.

U-EKSODUSI 16:35

Ama-Israyeli agoma imana iminyaka ematjhumi amane abe afika enarheni ehlalekako. Agoma imana leyo abe afika emkhawulweni wenarha yeKanana.

UJOROMIYA 2:2

“Khamba ufese umemezele kilo iJerusalema uthi, nakhu okutjhiwo nguSomnini, “ ‘Ngikhumbula ukwethembeka kwakho usesemutjha, ithando lakho usesemlobokazi, ungilandela erhalawumbeni, enarheni engatjalwa litho.

UHOSIYA 13:5

Ngakwelusa nawuserhalawumbeni, enarheni yesomiso.

U-AMOSI 2:10

“Mina nganikhupha eGibhide, benganihlahla iminyaka ematjhumi amane erhalawumbeni bona nginiphe inarha yama-Amori.

UNUMERI 1:1

USomnini wakhuluma noMosi asetendeni lokuhlanganela erhalawumbeni leSinayi ngelanga lokuthoma enyangeni yesibili ngomnyaka wesibili, emva kokuphuma kwama-Israyeli enarheni yeGibhide wathi:

UNUMERI 14:33

Abantwabenu bazakuba belusi erhalawumbeni iminyaka ematjhumi amane, bahlupheke ngebanga lokungathembeki kwenu bekube kulapha iindumbu zenu zibolela khona erhalawumbeni.

UNUMERI 14:34

Isibalo samalanga amatjhumi amane enahlola ngawo inarha, sizakuba minyaka ematjhumi amane nisoloko nihlunguphazelwa izono zenu. Ilanga linye libe mnyaka. Nje-ke nizakwazi bona kunjani nanginifulathelako.

UNUMERI 22:12

UZimu wathi kuBhiliyamu: “Ungakhambi nawo. Begodu unganikeleli abantwabo ngombana bangababusisiweko.”

UNUMERI 32:13

Nje-ke ubukhali bakaSomnini bavutha ngama-Israyeli, yawenza azulazula erhalawumbeni iminyaka ematjhumi amane bekwaphela soke isizukulwaneso esenza okumbi phambi kwakaSomnini.

ULUKASI 22:35

Yeke uJesu wabuza abafundi bakhe wathi: “Mhlana nginithume ninganasikhwama, imbada namapatlagwana nakhe naswela okuthileko na?” Bamphendula bathi: “Azange.”

UJWANISI 10:27

Izimvu zami zizwa ilizwi lami. Ngiyazazi, nazo ziyangilandela.

UDUTERONOMI 1:19

Nje-ke safuduka eRhorebe sadabula erhalawumbeni elikhulu nelesabekako enalibonako endleleni eya eentabeni zama-Amori njengombana sayalwa nguSomnini uZimethu besafika eKhadetjhi-Bharineya.

UDUTERONOMI 1:46

Sahlala isikhathi eside eKhadetjhi. Ngemva kwesikhathi

UDUTERONOMI 2:14

Isikhathi esasithatha ukuthoma mhla sisuka eKhadetjhi-Bharineya ukufikela lapha sayama khona umrhoba iZeredi sasiminyaka ematjhumi amathathu nabunane, bekwabhubha soke isizukulwana esasimadoda wepi ekampeni njengombana uSomnini bekafungile kiso.

UDUTERONOMI 2:6

Nizakuthenga kibo ukugoma ngesiliva kobana nigome. Nithenge namanzi kibo ngesiliva kobana nisuse umrhawu.

UDUTERONOMI 29:4

Kodwana kunamhlanje kwaphela lapha uSomnini aniphe umkhumbulo wokuzwisisa, amehlo wokubona neendlebe zokuzwa.

UDUTERONOMI 29:5

Nginirhole iminyaka ematjhumi amane erhalawumbeni, izambatho zenu azange zirhalukele emizimbenenu, namapatlagwanenu azange adabuke eenyaweni zenu.

UJOTJHUWA 5:6

Ama-Israyeli akhamba amatjhumi amane woke weminyaka erhalawumbeni kufikela lapha soke isizwe, okutjho amadoda wepi aphuma eGibhide, ahlongakala khona ngombana angazange alalele ilizwi lakaSomnini. USomnini wafunga kiwo bona akazowabonisa inarha ayifungela kiboyisemkhulu bona uzabanikela yona, inarha egeleza ibisi neliju.