UDUTERONOMI 16:2 - IsiNdebele 2012 Translation

² Nizakuhlabela uSomnini uZimenu iPhasika eenkomeni, ezimvini neembuzini zenu endaweni ezakukhethwa nguSomnini kobana ajamise ibizo lakhe lapho.

UDUTERONOMI 16:2 Iomraidhean Croise

2 AMAKHOSI 23:21

Ikosi uJosiya yakhupha umyalo oya ebantwini boke yathi: “Gidingelani uSomnini uZimenu umnyanya wePhasika njengombana kutlolwe encwadini yesivumelwano le.”

2 IINKRONIKE 35:7

UJosiya wabonelela boke abantu abajayelekileko egade balapho ngesibalo sezimvu neembuzi eziziinkulungwana ezimatjhumi amathathu njengomhlabelo wePhasika, neenkomo eziziinkulungwana ezintathu. Koke lokho kwaphuma esibayeni sakhe.

UNUMERI 9:2

“Yenza ama-Israyeli bona agidinge umnyanya wePhasika ngesikhathi esibekiweko salo.

UMATEWU 26:17

Ngelanga lokuthoma lomnyanya wesiKwa esinganaNgumelo, abafundi beza kuJesu bathi: “Ufuna bona sikulungiselephi isidlo sePhasika na?”

UMATEWU 26:2

“Niyazi bona sekusele amalanga amabili kwaphela bona kube liPhasika, yeke iNdodana yoMuntu izakukhatjhelwa kobana ibethelwe esiphambanweni.”

UMARKOSI 14:12

Ngelanga lokuthoma lomnyanya wesiKwa esinganaNgumelo, nabegade kumkhuba wokuhlaba imvana yePhasika, abafundi bakaJesu bambuza bathi: “Ufuna siyokulungiselela kuphi lapha uzakugomela khona iPhasika na?”

ULUKASI 22:15

Wathi kibo: “Bengithande khulu bona ngigome iPhasikeli nani ngaphambi kobanyana ngitlhagiswe!

ULUKASI 22:8

UJesu wathumela uPitrosi noJwanisi wathi: “Khambani niyokwenza amalungiselelo ukuze sigome iPhasika.”

1 KWEBEKORINTE 5:7

Lahlani isibiliso esidala ukuze nibe yihlama etja enganasibiliso, njengombana ninjalo, ngombana uKrestu oyimvana yethu yePhasika wenziwe umhlabelo.

UDUTERONOMI 12:11

nasele nazi indawo uSomnini uZimenu ayikhethileko kobana ibizo lakhe lijanyiswe lapho, khona-ke nizakuletha koke enginiyale ngakho: imihlabelwenu yokutjhiswa neyetjhebiswano, kwetjhumi kwenu neminikelo ekhethekileko, nayo yoke imihlabelo yeenthembiso enayithembisa kuSomnini.

UDUTERONOMI 12:14

kodwana akube sendaweni ekhethwe nguSomnini kenye yeenkoro zenu kwaphela. Lapho-ke nizanikela khona imihlabelwenu yokutjhiswa benenze khonapho koke enginiyala ngakho.

UDUTERONOMI 12:18

Gomelani koke lokho phambi kwakaSomnini uZimenu endaweni ezakukhethwa nguSomnini uZimenu, nina namadodana namadodakazenu, iinceku neencekukazi zenu kanye namaLevi ahlala emadorobhenenu. Nijekezele phambi kwakaSomnini uZimenu ngayo yoke imisebenzi yezandla zenu.

UDUTERONOMI 12:26

Kodwana iminikelo ekhethekileko eninayo, neminikelwenu yesithembiso nizayithatha niye nayo endaweni ekhethwe nguSomnini.

UDUTERONOMI 12:5

kodwana akube sendaweni ezakukhethwa nguSomnini uZimenu hlangana kwazo zoke iinkoro zenu, kobana ijamise ibizo layo lapho belidunyiswe khonapho. Lapho kulapha nizakuza khona bona nibuze intando kaZimu,

UDUTERONOMI 15:20

Agomeni qobe mnyaka nina nemindenenu phambi kwakaSomnini uZimenu endaweni ekhethwe nguSomnini.

UDUTERONOMI 16:1

Gcinani inyanga ka-Abibi, nenzele uSomnini uZimenu iPhasika ngombana ngenyanga ka-Abibi uSomnini uZimenu wanikhupha eGibhide ebusuku.

UDUTERONOMI 16:3

Ningaligomi ngesikwa esinengumelo. Ligomeni amalanga alikhomba ngesikwa esinganangumelo, isikwa esinikhumbuza igandelelo ukuze kiwo woke amalanga wokuphila kwenu nikhumbule ilanga enaphuma ngalo eGibhide nirhabile.