UDUTERONOMI 13:5 - IsiNdebele 2012 Translation

⁵ Kodwana umphorofidi namkha umbhudangi wamabhudango loyo akabulawe ngombana unihlohlozele bona nihlubuke uSomnini uZimenu owanikhupha enarheni yeGibhide wanihlenga ekumbeni yobukhoboka. Uniyenge bona nisuke endleleni uSomnini uZimenu aniyala bona nikhambe ngayo. Ngalokho thanyelani ubumbi phakathi kwenu.

UDUTERONOMI 13:5 Iomraidhean Croise

1 AMAKHOSI 13:19

Yeke umuntu kaZimu waphenduka nomphorofidi loya waya endlinakhe wafike wagoma isikwa bewasela namanzi.

1 AMAKHOSI 18:40

U-Eliya wathi kibo: “Bambani boke abaphorofidi bakaBhali! Kungaphunyurhi noyedwa!” Yeke bababamba, u-Eliya wathi abalethwe emlanjaneni weKhidroni, wababulalela lapho.

2 IINKRONIKE 34:31

Ikosi yajama endawenayo yenza isivumelwano phambi kwakaSomnini uZimu bona izakulandela uZimu nokobana izakulonda imiyalwakhe, iimfuneko neemiso zakhe ngehliziywayo nangomphefumulwayo woke. Ngalokho beyiqinisa bona izakukhamba ngokwamezwi wesivumelwano agade atlolwe encwadinapho.

UJOROMIYA 14:15

Ngalokho nakhu okutjhiwo ngimi uSomnini ngabaphorofidi abaphorofida ebizweni lami ngingakabathumi kodwana baphorofida bonyana akuzukuba nesabula namkha indlala: Abaphorofidabo bazakuqedwa ngesabula nangendlala.

UJOROMIYA 29:32

ngalokho, nakhu-ke okutjhiwo nguSomnini: Qalani, sele ngizokuhlunguphaza uTjhemaya umNerhelamu kanye neenzukulwana zakhe. Akazukuba nomuntu omphilelako phakathi kwabantu abaseBhabheli begodu akazukubona ubuhle engizabenzela abantu bami ngombana uhlohlozele bona kuhlubukwe uSomnini.’ ” Kutjho uSomnini.

UJOROMIYA 50:6

“Abantu bami babe zizimvu ezilahlekileko. Abelusi bazo bazidurhisile, bazibangela bona zehle zenyuke eentabeni. Zazulazula hlangana neentaba nemibundu, zakhohlwa indawazo yokuphumula.

UJOROMIYA 7:23

kodwana ngabadosa ngendlebe ngomyalo lo ngathi, ‘Nanithobela ilizwi lami, khona-ke ngizakuba nguZimenu, nina nibe babantu bami. Khambani ngazo zoke iindlela enginiyala ngazo ukuze kunikhambele kuhle.’

UZAKARIYA 13:3

Nakube nanyana ngiwuphi wabaphorofidaba soloko uyaphorofida, uyise nonina abambelethileko bazakuthi kuye: “Ufanele ufe ngombana ukhuluma amala ebizweni lakaSomnini.” Ababelethi bakhe bazamhlaba lokha nakaphorofidako.

IZENZO ZABAPOSTOLI 13:8

Kodwana u-Elimasi, ibizo lakhe ngesiGirigi elitjho bona ngusomlingo, walinga ukuphambukisa umbusi ekukholweni.

1 KWEBEKORINTE 5:13

UZimu uzabagweba labo abangaphandle. Angithi umtlolo uthi: “Qotjhani umuntu okhohlakeleko phakathi kwenu.”

UDUTERONOMI 13:10

Mkhandeni ngamatje abe afe ngombana ufune ukukuyenga kobana usuke kuSomnini uZimakho owakukhupha enarheni yeGibhide, ekumbeni yobukhoboka.

UDUTERONOMI 13:15

bulalani nya abahlali bedorobhelo ngesabula, nirhayile ngokupheleleko loke idorobhelo nakho koke okukilo, ngitjho nefuyo yakhona yoke, niyibhubhise ngesabula.

UDUTERONOMI 13:9

Umbulale nya! Isandla sakho asibe ngesokuthoma bese kulandele zabo boke abanye abantu.

UDUTERONOMI 17:5

nizakuletha indoda namkha umfazi owenze ubuhlolobo esangweni bese nimkhanda ngamatje abe afe.

UDUTERONOMI 17:7

Nabambulalako isandla sabofakazi sizakuba ngesokuthoma bese ngemva kwalapho kulandele isandla sabo boke abantu. Ngalokho nizabe nithanyela ubumbi phakathi kwenu.

UDUTERONOMI 18:20

Kodwana umphorofidi okhuluma ebizweni lami ngokuzitjhaya khibe angikamthumi, namkha okhuluma ebizweni labozinyana, akabulawe.”

UDUTERONOMI 19:19

yenzani kuye lokho ebegade akuhlose ngomfowabo. Ngaleyondlela nizabe nithanyela ubumbi phakathi kwenu.

UDUTERONOMI 22:21

khona-ke bazakuletha umntazana loyo esangweni lomuzi kayise bese amadoda wedorobho amkhande ngamatje abe afe ngombana wenze ubuhlola kwa-Israyeli ngokufeba emzini kayise. Ngalokho nizakuthanyela ubumbi phakathi kwenu.

UDUTERONOMI 22:24

baletheni bobabili njalo esangweni ledorobho, nibakhande ngamatje bebafe ngombana itlawelo azange lirhuwelele libawe isizo phezu kobana belingedorobheni. Indoda leyo yona irhubutjhe umfazi womunye umuntu. Ngalokho nizakuthanyela ubumbi phakathi kwenu.

UDUTERONOMI 24:7

Nakube indoda ifunyanwa yeba omunye wabafowabo, okumumuntu wakwa-Israyeli bese yenane ngaye njengekhoboka namkha imthengise, yeke alibulawe iselelo. Ngalokho nizakuthanyela ubumbi phakathi kwenu.

UDUTERONOMI 26:14

“Azange ngigome kokwetjhumi nangizilileko; azange ngisuse ingcenye yakhona nangisasilapheleko; azange ngiphahle ngengcenye yakhona kwabafileko. “Ngilalele ilizwi lakaSomnini uZimami. Ngenze koke engikuyalwe nguSomnini.

UDUTERONOMI 4:19

Godu nitjheje ningathi naniphakamisela amehlwenu emkayini, nanibona umkhambathi womkayi, okutjho ilanga, inyanga neenkwekwezi bese niyadurha nithome nizikhothamele nizilotjhe. Izintwezi uSomnini uZimenu uzabele boke abantu ngaphasi komthunzi welanga,

UDUTERONOMI 6:13

Yesabani uSomnini uZimenu kwaphela; nimlotjhe benifunge ngebizo lakhe.

UDUTERONOMI 7:4

Nakungasinjalo, zizakudurhisa amadodanenu angasalandeli uSomnini bese alotjha abosingazimu. Itukuthelo kaSomnini izakuvutha phezu kwenu, anirhayile masinyana.

UJOTJHUWA 23:8

kodwana kakarelani kuSomnini uZimenu njengombana nenzile bekube kunamhlanje.

ISAMBULO 19:20

Sabanjwa isibandanasabotjhwa kanye nomphorofidi wamanga ogade agila iimangaliso phambi kwaso alutha ngazo labo ebebamukele iphawu lesibandana nalabo ebebalotjha umfanekiso waso. Labo bobabili baphoswa basaphila ngelitsheni lomlilo ovutha isibabuli.

ABAKHOKHELI 20:13

Nje-ke khuphani amadoda weGibeya aziinkhohlakali lawo kobana siwabulale ukuze sithanyele ubumbi hlangana nama-Israyeli.” Kodwana amaBhenjamini azange alalele ilizwi labafowabo, ama-Israyeli.

1 USAMYELA 12:14

Nanesaba uSomnini uZimu, nimlotjhe, nimlalele ningakhunyalali niphikisane nemithethwakhe begodu nimlandele nina nekosi enibusako, uSomnini uzakuba nguZimenu.