UDUTERONOMI 13:4 - IsiNdebele 2012 Translation

⁴ Nizakulandela uSomnini uZimenu kwaphela benimesabe, nilonde imiyalwakhe, nilalele ilizwi lakhe, nimlotjhe benikakarele kuye kwaphela.

UDUTERONOMI 13:4 Iomraidhean Croise

2 AMAKHOSI 23:3

Ikosi yajama hlanu kwesika yenza isivumelwano phambi kwakaSomnini uZimu bona izakulandela uZimu nokobana izakulonda imiyalwakhe, iimfuno neemiso zakhe ngehliziywayo nangomphefumulwayo woke. Ngalokho beyiqinisa bona izakukhamba ngokwamezwi wesivumelwano agade atlolwe encwadini leyo. Nje-ke boke abantu bazibandakanya nesivumelwaneso.

2 IINKRONIKE 34:31

Ikosi yajama endawenayo yenza isivumelwano phambi kwakaSomnini uZimu bona izakulandela uZimu nokobana izakulonda imiyalwakhe, iimfuneko neemiso zakhe ngehliziywayo nangomphefumulwayo woke. Ngalokho beyiqinisa bona izakukhamba ngokwamezwi wesivumelwano agade atlolwe encwadinapho.

UJOROMIYA 7:23

kodwana ngabadosa ngendlebe ngomyalo lo ngathi, ‘Nanithobela ilizwi lami, khona-ke ngizakuba nguZimenu, nina nibe babantu bami. Khambani ngazo zoke iindlela enginiyala ngazo ukuze kunikhambele kuhle.’

UMIKHA 6:8

USomnini ukwazisile wena muntu lokho okulungileko. Yini-ke okhunye uSomnini akulindele kuwe ngaphandle kokwenza akutjhwileko nokwethembeka esivumelwaneni sakhe bewukhambe noZimakho ngokutjhejisisa na?

ULUKASI 1:6

Bobabili bebalungile phambi koZimu, balandela yoke imiyalo neemiso zakaSomnini.

KWEBEROMA 6:13

Ningabe nisanikela izitho zenu zomzimba esonweni kobana sizisebenzise njengeensetjenziswa zobukhohlakali, kodwana zinikeleni kuZimu njengalabo ababuyiswe ekufeni basiwa ekuphileni, ninikele izitho zemizimba yenu kuZimu njengeensetjenziswa zokulunga.

1 KWEBEKORINTE 6:17

Kodwana loyo ozihlanganisa neKosi, uba mmoya munye nayo.

UDUTERONOMI 10:20

Nesabe uSomnini uZimenu, nimlotjhe beninamathele kuye, nifunge ngebizo lakhe.

UDUTERONOMI 11:1

Ngalokho khathalelani uSomnini uZimenu, nigcine iimfanelo zakhe, okutjho iimiso zakhe, imithethwakhe, kanye nemiyalwakhe ngaso soke isikhathi.

UDUTERONOMI 30:20

nikhathalele uSomnini uZimenu, nilalele ilizwi lakhe, nikakarele kuye ngombana lokho kukuphila kini nokwanda kwamalanga ukuze nihlale enarheni uSomnini ayifungela kiboyihlomkhulu u-Abrahamu, u-Isaka noJakopo kobana uzabanikela yona.”

UDUTERONOMI 6:13

Yesabani uSomnini uZimenu kwaphela; nimlotjhe benifunge ngebizo lakhe.

UDUTERONOMI 6:5

Ngalokho uzakukhathalela uSomnini uZimakho ngayo yoke ihliziywakho, nangomphefumulwakho woke nangawo woke amandlakho.

KWEBEKOLOSE 1:10

Siyanithandazela bona niphile ipilo efanele iKosi, beniyithabise ngakho koke, nithele iinthelo kiwo woke umsebenzi omuhle, nikhule nekumazini uZimu,

2 UJWANISI 1:6

Ithando ngileli: kukobana sikhambe ngokwemiyalwakhe. Iye, njengombana wezwa kusukela ekuthomeni, umyalwakhe kukobana sikhambe ethandweni

1 USAMYELA 7:3

USamyela wakhuluma kiyo yoke indlu yakwa-Israyeli wathi: “Nanibuyela kuSomnini ngeenhliziyo zenu zoke, khona-ke susani kini abosingazimu abatjhili nabosingazimukazi, abo-Atjhitarothi, nizinikele kuSomnini nilotjhe yena yedwa, uzanitjhaphulula esandleni samaFilista.”