UDUTERONOMI 12:2 - IsiNdebele 2012 Translation

² Nitjhabalalise ngokupheleleko zoke iindawo lapha izizwe enizoziqotjha zilotjhela khona abosingazimu bazo eentabeni eziphakemeko, phezu kwemibundu nangaphasi komunye nomunye umuthi ohlaza.

UDUTERONOMI 12:2 Iomraidhean Croise

1 AMAKHOSI 14:23

Nabo bazakhela iindunduma, babeka amatje akhethekileko kanye nemifanekiso yabo-Atjhera komunye nomunye umbundu ophakamileko nangaphasi komuthi omunye nomunye ohlaza.

1 AMAKHOSI 3:2

Ngesikhatheso abantu bebasaragela phambili ngokwenza imihlabelo eendundumeni ngombana uSomnini bekangakabi ukwakhelwa ithempeli.

2 AMAKHOSI 11:18

Boke abantu bendawo baya ethempelini lakaBhali bona balibhuruze: Baphadlha ama-aldari neenthombembazwa zaba ziincucwana bebabulala noMathani umphristi wakaBhali phambi kwama-aldari. Yeke uJehoyada umphristi omkhulu, wajamisa abogosa ethempelini lakaSomnini.

2 AMAKHOSI 16:4

Wanikela ngemihlabelo yokutjhiswa bewatjhisa netjhwalo eendundumeni, eenqongweni zeentatjana nangaphasi kwayo yoke imithi esitjhutha.

2 AMAKHOSI 23:13

Godu ikosi yarhubutjha neendunduma egade zingepumalanga yeJerusalema, ngesewula yentaba ye-Oliva. Iindundumezo uSolomoni gade azakhele u-Atjhitarothi usingazinyanakazi onyenyisako wamaTsidoni, uKemotjhi uzinyana onyenyisako wakwaMowabi noMilikomu uzinyana okghabhudlhako wabantu bakwa-Amoni.

AMARHUBO 78:58

Bamtlhorholoja ngeendunduma zabo, bamnyenyisa ngeenthombe-mbazwa zabo.

U-EKSODUSI 23:24

ningakhothameli abosingazimu bawo begodu ningabalotjhi. Ningenzi izinto ngendlelabo kodwana nibaphelise nya beniphadlhe namatjabo akhethekileko.

U-ISAYA 36:7

Nanyana ufuna ukungitjela bona uthembele kuSomnini uZimenu? Kanti akusuye uzinyana loyo uHezekhiya abhuruze iindunduma nama-aldarakhe lokha natjela abantu bakwaJuda nebeJerusalema bonyana balotjhe e-aldareli kwaphela?

UJOROMIYA 17:2

Bahlubayela ngama-aldarabo nemifanekiso yabo-Atjhera emagegana nemithi ehlaza nemibundwini ephakamileko neentabeni emmangweni njengombana bahlubayela ngabantwababo. Juda, umnothwakho namagugwakho woke ngizakunikela ngawo njengepango, ngebanga leendunduma zakho ezisisono sakho kiyo yoke imikhawulwakho.

UJOROMIYA 2:20

“Wephula ijogi lakho kade, wadabula nemitja yakho, wathi, ‘Angizukulotjha!’ Ngambala komunye nomunye umbundu ophakamileko nangaphasi komunye nomunye umuthi ohlaza, walala lapho njengengwadla.

UJOROMIYA 3:13

Kwaphela vuma icala lakho bonyana uhlubuke uSomnini uZimakho, ukhambe wehla wenyuka nabatjhili ngaphasi kwayo yoke imithi ehlaza, azange ulalele ilizwi lami.

UJOROMIYA 3:2

“Akhe uqale emidzwilini yemilandelande: Kunendawo lapha ungazange uqatjhazwe khona na? Wahlala eqadi kwendlela ulindele iinthandwa zakho, iye, wahlala njengomArabhu erhalawumbeni. Usilaphaze inarha ngobungwadla nangobukhohlakali bakho.

UJOROMIYA 3:6

Ngesikhathi sokubusa kwekosi uJosiya, uSomnini wathi kimi: “Ubonile lokho u-Israyeli oqoqomako akwenzileko na? Ukhuphukele komunye nomunye umbundu nangaphasi komunye nomunye umuthi ohlaza wayokungwadlela lapho.

UHOSIYA 4:13

benza umhlabelo esiqongolweni seentaba, batjhise itjhwalo emibundwini ngaphasi kwemithi emikhulu, lapha kunomthunzi omnandi khona. Ngebanga lezenzo zabezo, amadodakazenu azinikelele ngobungwadla nabomalukazana benu bayahlobonga.

UNUMERI 22:41

Kwathi ngakusasa kwakhona uBhalakhi wathatha uBhiliyamu wenyukela naye eBhamothi-Bhali. Lapho uBhiliyamu wabona ingcenye yabantu bakwa-Israyeli.

UDUTERONOMI 7:5

Kodwana nakhu enizakwenza kizo: Bhuruzani ama-aldarazo, niphahlaze amatje akhethekileko, nigawule nemifanekiso yabo-Atjhera bese nitjhisa iinthombembazwa zazo.

ABAKHOKHELI 2:2

Nina-ke ningenzi isikhozi nabahlali benarha le, ngalokho bhuruzani ama-aldarabo. Kodwana azange nilalele umyalwami. Nikwenzeleni lokho na?