UDUTERONOMI 11:1 - IsiNdebele 2012 Translation

¹ Ngalokho khathalelani uSomnini uZimenu, nigcine iimfanelo zakhe, okutjho iimiso zakhe, imithethwakhe, kanye nemiyalwakhe ngaso soke isikhathi.

UDUTERONOMI 11:1 Iomraidhean Croise

AMARHUBO 105:45

ukuze balonde iimiso zakhe, bagcine imithethwakhe. Haleluya!

AMARHUBO 116:1

Ngiyamthanda uSomnini ngombana uzwa iphimbo lami, iye, neenlilo zami.

UHEZEKIYELI 20:19

Mina Somnini nginguZimenu; khambani ngeemiso zami bese nilonde benenze imithethwami.

ULEVITIKUSI 18:30

“Yeke londani imiyalwami, ningalingi nenze nayinye yemikhuba enyenyisako leyo eyayenziwa phambilini. Ningazisilaphazi ngayo. NginguSomnini uZimenu.”

ULEVITIKUSI 22:9

“Abaphristi abalonde imiyalwami ukuze bangabi nomlandu bebafele endawenami ecwengileko ngebanga lokuyirhubutjha kwabo. NginguSomnini okucwengisako lokho.

ULEVITIKUSI 8:35

Kufuze nihlale ebungenweni betende lokuhlanganela imini nobusuku amalanga alikhomba. Gcinani imiyalo kaSomnini ukuze ningafi ngombana ngilokho nami engayalwa ngakho.”

UZAKARIYA 3:7

“USomnini uMninimandlawoke uthi, ‘Nawukhamba eendleleni zami; bese ulonda imiyalwami, utjheje ithempeli lami bewutlhogomele nesirhodlo sethempeli, yeke ngizakwenza ube nehlanganyelo neengilozi zami.’

UDUTERONOMI 10:12

Alo-ke wena Israyeli, yini efunwa nguSomnini uZimakho ngaphandle kobana wesabe uSomnini uZimakho, ukhambe eendleleni zakhe zoke, uthembeke kuye, umlotjhe ngehliziywakho yoke nangomphefumulwakho woke,

UDUTERONOMI 11:13

Nakube ngambala nizakulalela imiyalo kaSomnini enginiyala ngayo namhlanje, ukobana nikhathalele uSomnini uZimenu, nimlotjhe ngeenhliziyo zenu zoke nangemiphefumulwenu yoke,

UDUTERONOMI 11:22

Naniwulonda ngokupheleleko woke umyalo enginiyala bona niwenze, nikhathalele uSomnini uZimenu, nikhambe eendleleni zakhe zoke benikakarele kuye,

UDUTERONOMI 13:4

Nizakulandela uSomnini uZimenu kwaphela benimesabe, nilonde imiyalwakhe, nilalele ilizwi lakhe, nimlotjhe benikakarele kuye kwaphela.

UDUTERONOMI 27:10

Ngalokho lalelani uSomnini uZimenu, nilonde imiyalwakhe neemiso zakhe, enginiyala ngazo namhlanje.

UDUTERONOMI 30:6

USomnini uZimenu uzakusoka iinhliziyo zenu nezeenzukulwana zenu ukuze nimthande ngeenhliziyo zenu ezipheleleko nangemiphefumulwenu yoke. Nanenza njalo nizakuphila.

UDUTERONOMI 4:1

Nje-ke nina ma-Israyeli, yelelani iimiso nemithetho enginifundisa yona, niyiphethe kobana niphile nikwazi ukungena nithumbe inarha uSomnini uZimu waboyihlomkhulu aninikele yona.

UDUTERONOMI 4:40

Ngalokho gcinani iimiso nemiyalwakhe enginiyala ngayo namhlanje ukuze izinto zinikhambele kuhle kanye neenzukulwana zenu ezilandelako nokobana amalangenu wokuphila ande endaweni enihlala kiyo, okuyindawo uSomnini uZimenu anipha yona isiphelani.

UDUTERONOMI 4:5

Qala, nginifundise iimiso nemithetho njengombana ngayalwa nguSomnini uZimami ukuze niphile ngayo naningena enarheni enizoyithumba.

UDUTERONOMI 5:1

UMosi wabiza woke ama-Israyeli wabeka kiwo ikulumo le: Yizwani nina ma-Israyeli, iimiso nemithetho engiyikhulume kini namhlanje ukuze niyifunde beniyelele ukuyenza.

UDUTERONOMI 5:29

Inga bangahlala banomkhumbulo onjalo wokobana bangesabe bebagcine yoke imiyalwami ngeenkhathi zoke ukuze izinto zibakhambele kuhle nabantwababo isiphelani!

UDUTERONOMI 6:1

Le-ke miyalo, okutjho iimiso nemithetho uSomnini uZimenu angiyale bonyana nginifundise ukuze niyenze enarheni enizokungena kiyo niyithumbe.

UDUTERONOMI 6:5

Ngalokho uzakukhathalela uSomnini uZimakho ngayo yoke ihliziywakho, nangomphefumulwakho woke nangawo woke amandlakho.