UDUTERONOMI 1:7 - IsiNdebele 2012 Translation

⁷ Nje-ke jikani nifudukele eentabeni zama-Amori nakibo boke abomakhelwana bawo, okutjho umrhoba we-Araba, iintaba nemibundu yeTjhefela, isewula yenarha yamaKanana, isifunda seligu neLibhanoni bekuyokufika emlanjeni omkhulu iYufrathe.

UDUTERONOMI 1:7 Iomraidhean Croise

UGENESISI 12:9

Emva kwalokho waragela phambili ukuyela ngesewula yeKanana.

2 USAMYELA 8:3

Ngaphezu kwalokho uDavida wamadlha noHadadi-Ezeri umsa kaRerhobi ikosi yeTsoba lokha uHadadi-Ezeri nasathi ubuyisa amandlakhe wokulawula iindawo ezimagegana nomlambo iYufrathe.

1 IINKRONIKE 18:3

Ngaphezu kwalokho wamadlha nekosi yeTsoba uHadadi-Ezeri hlanu kweRhamathi, lokha uHadadi-Ezeri nasendleleni bona ayokusungula umbuswakhe magegana nomlambo iYufrathe.

1 IINKRONIKE 27:29

UTjhirithayi umTjharoni aphethe imihlambi yeenkomo efula ngeTjharoni. UTjhafathi umsa ka-Adilayi aphethe imihlambi yeenkomo yangemirhobeni.

1 IINKRONIKE 5:9

Ngepumalanga ikoro kaRubeni yahlala ukuyela ngemkhawulweni werhalawumba nganeno komlambo iYufrathe ngombana ifuywayo beyandile sele iminyana enarheni yeGiliyadi.

U-EKSODUSI 23:31

Ngizabeka imikhawulwenu ukusuka elwandle lomGaba ukuya elwandle lamaFilista nokusuka erhalawumbeni ukuya eYufrathe. Iye, ngizanikela abahlali benarha ezandleni zenu bese nina niyabagijimisa.

U-AMOSI 2:9

“Mina ngawatjhabalalisa ama-Amori phambi kwabo, nanyana ayemade njengomsedari begodu aqine njenge-owuku. Ngawasiphula nesidindi sawo.

UNUMERI 10:12

Ama-Israyeli afuduka erhalawumbeni leSinayi ngeengaba zawo. Ilifu lakhamba belayokujama erhalawumbeni leParana.

UDUTERONOMI 1:19

Nje-ke safuduka eRhorebe sadabula erhalawumbeni elikhulu nelesabekako enalibonako endleleni eya eentabeni zama-Amori njengombana sayalwa nguSomnini uZimethu besafika eKhadetjhi-Bharineya.

UDUTERONOMI 11:11

kodwana inarha eningena kiyo kobana niyithumbe yinarha yeentaba nemirhoba esezelwa lizulu emkayini.

UDUTERONOMI 11:24

Yoke indawo lapha inyawo lenu ligadanga khona izakuba ngeyenu; umkhawulwenu uzakuthoma erhalawumbeni ngesewula uphelele eLibhanoni ngetlhagwini begodu usuke emlanjeni iYufrathe ngepumalanga ukuya elwandle elingetjingalanga.

UJOTJHUWA 1:4

Ukusuka erhalawumbeneli ukuya eLibhanoni begodu nokusuka emlanjeni omkhulu iYufrathe ukuyokufika elwandle elikhulu ngetjingalanga, okutjho yoke inarha yamaRhithi, kuzakuba yinarhenu.

UJOTJHUWA 10:40

Ngaleyondlela uJotjhuwa wathumba soke isifunda sesewula: iintaba, isewula yenarha, iTjhefela kanye namathomo wakhona. Wabhubhisa woke amakhosi wesifundeso. Azange atjhiye nakunye kuphunyurhile, iye, wabhubhisa nya koke okuphilako njengombana uSomnini uZimu wakwa-Israyeli ayalile.

UJOTJHUWA 24:15

Nakube anifuni ukulotjha uSomnini, khona-ke khethani namhlanjesi kobana nifuna ukulotjha bani, kungaba bosingazimu ebebalotjhwa boyihlomkhulu ngaphetjheya komlambo iYufrathe, namkha abozinyana bama-Amori enarheni enihlala kiyo le. Kodwana mina nomzami sizakulotjha uSomnini.”

UJOTJHUWA 9:1

Woke amakhosi angaphetjheya kweJordani ezwa ngokwenzakeleko. Lawo bekumakhosi wamaRhiti, ama-Amori, amaKanana, amaPerizi, amaRhivi namaJebusi ahlala ngenarheni yeentaba nemibundu yeTjhefela, namagegana nelwandle eliKhulu ukuyela eLibhanoni.

ISAMBULO 9:14

lathi engilozini yesithandathu ebeyiphethe iporompita: “Akhe utjhaphulule iingilozi ezine ezikhungeke emlanjeni omkhulu iYufrathe!”