UDUTERONOMI 1:10 - IsiNdebele 2012 Translation

¹⁰ Qala bona uSomnini uZimu unandise kangangani: Namhlanje sese nifana neenkwekwezi zomkayi ngobunengi.

UDUTERONOMI 1:10 Iomraidhean Croise

UGENESISI 15:5

Ngalokho uSomnini wamthatha wamusa ngaphandle kwetende wathi kuye: “Qala phezulu emkayini, ubale iinkwekwezi nakube mbala ungakghona ukuzibala. Sizakuba njalo-ke isizukulwana sakho.”

UGENESISI 22:17

ngiqinisile ngizokubusisa ngenze iinzukulwana zakho zibe njengeenkwekwezi emkayini nanjengetjhwabatjhwaba magegana nelwandle. Iinzukulwana zakho zizakuthumba amadorobho wezitha zazo.

UGENESISI 28:14

Iinzukulwana zakho zizakuba zinengi njengethuli lehlabathi. Uzakwanda unabele ngetjingalanga, ngepumalanga, ngetlhagwini nangesewula. Zoke iinkoro zephasi zikhanukele ukubusiswa njengawe nanjengeenzukulwana zakho.

1 IINKRONIKE 27:23

UDavida akhange abale amadoda aneminyaka ematjhumi amabili namkha ngaphasi kwaleyo ngombana uSomnini uZimu gade athembise bona uzakwenza u-Israyeli abe mnengi njengeenkwekwezi zomkayi.

UNERHEMIYA 9:23

Njengombana wakhuluma naboyisemkhulu, wandisa iinzukulwana zabo zaba njengeenkwekwezi zesibhakabhaka. Godu wabangenisa enarheni kobana ibe lilifa labo.

AMARHUBO 107:38

Lokha nababusisako, banda khulu, akhange avume bona ifuywabo iphunguke.

U-EKSODUSI 12:37

Ama-Israyeli akhamba asuka eRamesese anqomba eSukothi. Kwakungaba ziinkulungwana ezimakhulu asithandathu zamadoda akhamba ngeenyawo ngaphandle kwabafazi, abantwana nababuthakathaka.

U-EKSODUSI 32:13

USomnini akakhumbule u-Abrahamu, u-Isaka no-Israyeli iinceku zakhe afunga kizo ngebizo lakhe wathi, ‘Ngizakwandisa iinzukulwana zenu zibe njengeenkwekwezi zomkayi, nginikele iinzukulwana zenu yoke inarha enginithembise yona le kobana ibe lilifa lazo isiphelani.’ ”

U-ISAYA 51:2

iye, rhuluphelani uyihlo u-Abrahama, nonyoko uSara owanibelethako: Bekamunye lokha nangimbizako kobana ngimbusise bengimandise.

UHEZEKIYELI 16:7

Wakhula njengesitjalo sommango. Iye, wakhula wadlondlobala ukufikela lapha uba khona mumuntu okarisako. Wathoma ukuphuhla, wamila amatjhitjhi kodwana bewusese bulanzi, iye, ubhunubhunu.

UNUMERI 1:46

bebaziinkulungwana ezimakhulu asithandathu nantathu namakhulu amahlanu namatjhumi amahlanu.

UNUMERI 10:36

Kuthi lokha nawubekwa phasi athi: “Somnini, buyela ku-Israyeli, iye, kumatjhumitjhumi weenkulungwana!”

UDUTERONOMI 1:11

Bengifisa inga uSomnini uZimu waboyihlomkhulu bekanganandisa kayikulungwana ngobunengi abe anibusise njengombana anithembisile,

UDUTERONOMI 10:22

Aboyihlomkhulu behlela eGibhide bamatjhumi alikhomba wabantu. Nje-ke gadesi uSomnini uZimenu unenze naba banengi njengeenkwekwezi zomkayi.

UDUTERONOMI 26:5

Uzakuvuma phambi kwakaSomnini uZimakho uthi: “Ubaba gade amAramiya onguzulani, wehlela eGibhide waba sikhonzi lapho, umndenakhe ulidlanzana. Lapho wanda waba sisizwe esikhulu, okutjho esinamandla nesinengi ngesibalo.

UDUTERONOMI 28:62

Nizakusala niyikereketjhana phezu kobana beniliwoma njengeenkwekwezi zomkayi ngombana azange nilalele ilizwi lakaSomnini uZimenu.

UDUTERONOMI 7:7

USomnini akakabeki ihliziywakhe kini bewanikhetha ngebanga lokobana nibanengi ngesibalo kunabanye (emanyeni benilidlanzana khulu kibo boke abantu),