KWEBEKOLOSE 4:1 - IsiNdebele 2012 Translation

¹ Baphathi, phathani amakhoboka wenu ngokulunga nangefanelo ngombana niyazi bonyana nani ninomphathi ezulwini.

KWEBEKOLOSE 4:1 Iomraidhean Croise

UMTJHUMAYELI 5:8

Ungarareki lokha nawubona ukugandelelwa kochakileko nokwephulwa kokulunga nepatho efaneleko embusweni: Isikhulu esiphezulu sivikelwe ngesingaphezu kwaso godu kunezinye ngaphezu kwazo.

U-ISAYA 58:3

Bathi, ‘Sizakuthi sizileleni ukudla nawungayeleliko nje? Sithe siyazithoba, nalapho azange bewusinake.’ “Bantu bami, qalani la, ngelanga lokuzila kwenu ukudla nizenzela umathanda, nigandelela zoke iinsebenzi zenu.

ULEVITIKUSI 19:13

“Ungagandeleli umakhelwanakho begodu ungamdlelezeli. “Ungabambeli isisebenzi esitorhako ikokhelo bekube ngakusasa.

UMALAKI 3:5

“Ngizakubandamela kini-ke bona ngigwebe. Ngizakuba msinyana ekufakazeni ngokujamelana nezanusi, iinhlobongi, nabafunga amanga, godu ngokujamelana nabadlelezela iinsebenzi imirholwazo, abagandelela abahlolokazi neentandani, bamuka neenkhonzi amalungelwazo, kodwana bangangesabi mina.” Kutjho uSomnini uSomandla.

UMATEWU 20:4

Yeke wathi kibo, ‘Nani khambani niyokusebenza esidiribeni sami, ngizanikhokhela nanyana yini efaneleko.’

ULUKASI 19:15

“Nanyana kunjalo, wabekwa waba yikosi, yeke wabuyela ekhaya. Khonokho wabiza amakhoboka ebegade awanikele imali ukuze afunyane bona azuzeni ngayo.

UJAKOPO 2:13

ngombana ukugweba akunasirhawu kiloyo ongazange abonise isirhawu, nokho isirhawu siyahlula phezu kwesigwebo.

UJAKOPO 5:4

Qalani, umvuzo weensebenzi ezisebenza emasiminenu eniwugodle ngobukhwebetjhana uyalila; begodu ukulila kwabavuni kufikile eendlebeni zakaSomnini uMinimandlawoke.

ISAMBULO 17:14

Azokulwa neMvana kodwana iMvana yona izawahlula ngombana iyiKosi yamakhosi noMbusi wababusi; nalabo abangakiyo ngababiziweko, abakhethiweko nabathembekileko.”

ISAMBULO 19:16

Esambathweni sakhe nenyonga yakhe kutlolwe ngokugobhodlhwa ibizo elithi: “IKosi yamakhosi noMbusi wababusi.”