KWEBEKOLOSE 3:4 - IsiNdebele 2012 Translation

⁴ Lokha uKrestu okuphila kwenu nakabonakaliswako, nani nizokubonakaliswa kanye naye ephazimulweni.

KWEBEKOLOSE 3:4 Iomraidhean Croise

AMARHUBO 17:15

Kodwana mina ngizazizwela ubukhona bakho ngisendawenakho yokulunga. Lokha nangivukako ngizakwaneliswa kuzibonakalisa kwakho.

AMARHUBO 73:24

Ungirhola ngeseluleko sakho, ungamukele ebukhoneni bakho.

UMATEWU 13:43

Nje-ke abalungileko bazakuphazima njengelanga embusweni kaYise wabo. Oneendlebe akezwe!”

ULUKASI 17:30

Kuzakuba njalo-ke namhlana iNdodana yoMuntu ibonakaliswako.

UJWANISI 11:25

UJesu wathi kuye: “Ngingukuvuka nokuphila, loyo okholwa kimi uzakuphila, ngitjho nanyana angafa.

UJWANISI 14:3

Nasele ngikhambile nginilungisele indawo, ngizakubuya ngizonithatha, khona nizakuba lapho ngikhona.

UJWANISI 14:6

UJesu wamphendula wathi: “Mina ngiyindlela, iqiniso nokuphila; akakho noyedwa ozakuya kuBaba ngaphandle kwami.

UJWANISI 17:24

“Baba, bengithanda bonyana labo ongiphe bona babe nami lapha ngikhona, khona bazakubona iphazimulwami. Iye, iphazimulo ongiphe yona ngombana wangithanda iphasi lingakabi ukubakhona.

UJWANISI 20:31

Kodwana lokhu kutloliwe khona nizakukholwa bona uJesu unguKrestu, iNdodana kaZimu, nokuthi ngokukholwa kuye nibe nokuphila.

IZENZO ZABAPOSTOLI 3:15

Nabulala umsunguli wepilo. Kodwana uZimu wamvusa kabafileko, ekuyinto esibofakazi bayo thina.

KWEBEROMA 8:18

Ngiyaqinisa bonyana iinhlupheko zesikhathesi azisililitho nazilinganiswa nephazimulo esizokwambulelwa yona.

KWEBEROMA 8:19

Indalo ilindele ngetjisakalo yokulabalabela bona abantwana bakaZimu babonakaliswe.

1 KWEBEKORINTE 1:7

Ngalokho azange nitlhayelelwe ngitjho nangesisodwa isipho sakaMoya ekulindeni kwenu ngokuncama ukubonakaliswa kweKosi uJesu Krestu.

1 KWEBEKORINTE 15:43

Kutjalwa ngokudelwa, kuvuswa ngephazimulo. Kutjalwa ngobuthakathaka, kuvuswa ngamandla.

2 KWEBEKORINTE 4:17

Iinhlupheko zethu ezilula nezesikhatjhana zisilungiselela isilinganiso esikhulu sephazimulo engaphezu kokulinganiswa

KWEBEGALATIYA 2:20

Ngabethelwa kanye noKrestu Jesu, nje-ke akusese ngimi ophilako, kodwana nguKrestu ophila ngaphakathi kwami. Ipilo engiyiphila emzimbeni lo, ngiyiphila ngokukholwa eNdodaneni kaZimu, eyangithandako beyanikela ipilwayo ngebanga lami.

KWEBEFILIPI 3:21

Uzakutjhugulula imizimba yethu ethobekileko ukuze ifane nomzimba wephazimulwakhe ngamandla amenza akghone ukwenza koke bona kube ngaphasi kwelawulo lakhe.

1 KWEBETHESALONIKA 4:17

Yeke thina-ke esisaphilako, esiseleko, sizokuhlwithelwa emafini kanye nabo sihlangabeze iKosi emkayini, nje-ke sizabe sineKosi isiphelani.

1 UTHIMOTHI 6:14

kobana ulonde umyalo ngaphandle komphambo namkha ukusoleka bekube sekubonakaleni kweKosethu uJesu Krestu,

2 UTHIMOTHI 1:1

UPowula umpostoli wakaKrestu Jesu ngokwentando kaZimu ngokuya ngeenthembiso zepilo kuKrestu Jesu,

2 UTHIMOTHI 4:8

Kwanje sengibekelwe isihlohlo sokulunga iKosi emgwebi olungileko ezanginikela sona mhlokho; kungasingimi kwaphela kodwana nabo boke abalangazelela ukubonakala kwayo.

UTITOSI 2:13

Iye, lokho sikwenze nasilokhu sisalindele ithemba elibusisiweko nokwambulwa kwephazimulo kaZimethu omkhulu noMsindisi wethu uJesu Krestu,

AMAHEBHERU 9:28

nje-ke noKrestu sele anikelwe kanye kobana athwale izono zabanengi, uzakubuye abonakale kwesibili, angakezi bonyana uzokuthwala isono kodwana ukusindisa labo abamlindeleko.

1 UPITROSI 1:13

Ngalokho lungiselelani iingqondo zenu, nizithibe; nibeke loke ithemba lenu emseni kaKrestu enizakuphiwa wona lokha nakabonakaliswako.

1 UPITROSI 5:4

Kuzakuthi mhlana uMelusi omkhulu abonakalako, nizuze isihlohlo sephazimulo esingabhabhukiko.

1 UJWANISI 2:28

Nje-ke bantwana, hlalani kuye ukuze kuthi nakabonakaliswako sibe nesibindi, iye, singadaniswa phambi kwakhe ekufikeni kwakhe.

1 UJWANISI 3:2

Bathandekako, kwanjesi sibantwana bakaZimu, nokho akukakhanyi kuhle esizakuba ngikho. Kodwana esikwaziko ngilokhu: lokha nakabonakaliswako sizakufana naye ngombana sizombona njengombana anjalo.

1 UJWANISI 5:12

Loyo oneNdodana kaZimu unokuphila; kodwana loyo onganaNdodana kaZimu akanakho ukuphila.

UJUDA 1:24

Kiloyo onamandla wokunilonda bona ningawi, nokunijamisa phambi kwephazimulo yakhe ninganabala, ninokuthokoza okukhulu,

ISAMBULO 2:7

“Onendlebe akezwe lokho uMoya akutjhoko emabandleni. “Loyo owahlulako ngiyomnikela ilungelo lokobanyana adle emthini wokuphila osepharadesi lakaZimu.”

ISAMBULO 22:1

Ingilozi yangitjengisa umlambo wamanzi wokuphila, udarhe njengerhalasi, ugeleza uvela esihlalweni sobukhosi bakaZimu neMvana,

ISAMBULO 22:14

“Babusisiwe labo abahlanza izembatho zabo ukuze babe nelungelo emthini wokuphila, bangene emzini ngamasango.