KWEBEKOLOSE 3:16 - IsiNdebele 2012 Translation

¹⁶ Ilizwi lakaKrestu alihlale ngaphakathi kwenu ngokupheleleko; fundisanani beniyalane ngakho koke ukuhlakanipha; vumelani uZimu amarhubo, iingoma kanye nomvumo wokukholwa ngokuthokoza eenhliziyweni zenu.

KWEBEKOLOSE 3:16 Iomraidhean Croise

1 AMAKHOSI 3:28

Woke u-Israyeli wezwa ngesigwebo ikosi eyasikuphako. Abantu bahlonipha khulu ikosi ngombana balemuka bonyana uZimu uyiphe ukuhlakanipha ekugwebeni ngokulunga.

1 IINKRONIKE 25:7

Bona sebahlangene neenhlobo zabo ebezibanduliwe begodu zinekghono lokukhalelela uSomnini uZimu, bebamakhulu amabili namatjhumi abunane nabunane.

UNERHEMIYA 12:46

Iye, umsebenzi wabavumi wokudumisa ngomvumo wokuthokoza uZimu, wasungula ekadeni ngeenkhathi zakaDavida no-Asafa.

UJOBHO 23:12

Azange ngisuke emiyalweni yomlomakhe, amezwakhe ngawafihla esifubeni sami.

AMARHUBO 119:11

Ngifihla amezwakho ehliziywenami ukuze ngingoni kuwe.

AMARHUBO 119:54

Iimiso zakho zimuvumo kimi endlinami yokugogobala.

AMARHUBO 138:1

Irhubo lakaDavida. Ngikuthokoza ngehliziywami yoke; ngikudumise phambi kwabosingazimu.

AMARHUBO 28:7

USomnini umamandlami nesihlangu sami, ihliziywami ithembela kuye; ngalokho ngisizakele nehliziywami isasile; nje-ke, ngengomami ngizamdumisa.

AMARHUBO 32:7

Wena uyindawo yokubhaca kimi, uyangilondoloza eengozini; ungizombeleza ngokuhlokoma kwetjhaphuluko.

AMARHUBO 71:23

Lokha nangikhalela iindumiso kuwe, iimbhena zami zizakuhlokoma, ngokunjalo nomphefumulwami owuhlengileko.

IZAGA 14:8

Ukuhlakanipha kovuthiweko kumbonisa indlela, kodwana ubuwiliwili beendlhadlha buyazikhohlisa.

IZAGA 18:1

Umuntu onganabuntu uzifunela kwakhe, ukhuluma kumbi ngabaphumelelako.

INGOMA YEENGOMA 1:1

Ingoma yeengoma zakaSolomoni

U-ISAYA 10:2

ukuze baphambanise amalungelo wabachakileko, bagalaja iimfanelo zabadududu ebantwini bami kobana abahlolokazi babe yipangwabo neentandani zibe bongazimbi babo.

U-ISAYA 26:1

Mhlokho, enarheni yakwaJuda kuzakubhinwa ingoma le: “Sinedorobho eliqinileko; UZimu ujamisa isindiso, ibe mithangala neendunduma zakhona.

U-ISAYA 30:29

Nizakubhina iingoma njengalokha nanizihlambulula ebusuku ngaphambi komnyanya. Kuzakuba nethabo ehliziyweni njengalokha nakubethwa inghwani lekhambo lokukhuphukela entabeni kaSomnini olidwala laka-Israyeli.

U-ISAYA 5:1

Angivume ingoma esikhundleni somnganami, iye, ingoma yomnganami ngesidiribe sakhe. Umnganami gade anesidiribe embundwini onothileko.

UJOROMIYA 15:16

Ngagoma amezwakho njengeliju; iye, ukutholakala kwamezwakho kwaba kukwethaba kimi nokwenama kwehliziywami, ngombana ngibizwa ngawe iye, ngebizo elithi Somnini, Zimu onguMninimandlawoke.

UMATEWU 26:30

Kwathi sele bavume ingoma yokudumisa, baphuma baya entabeni ye-Oliva.

ULUKASI 2:51

Yeke wehlela nabo eNazaretha, wabalalela. Kodwana unina wabulunga zoke izintwezi ngehliziywenakhe.

UJWANISI 15:7

Nanihlala kimi namezwami ahlala kini, nizakubawa nanyana yini enikufunako, nizakwenzelwa.

KWEBEROMA 10:17

Nje-ke, ukukholwa kuvela ngokuzwa nokuzwa kuvela elizwini lakaKrestu.

KWEBEROMA 15:14

Ngizizwa nginethemba ngani bazalwana bami kobana nina ngokwenu nizele beniphelele ngelwazi nelemuko begodu niyakwazi ukuyalana.

1 KWEBEKORINTE 14:15

Alo ngizakwenzanjani na? Ngizokuthandaza ngommoyami, ngithandaze nangomkhumbulwami, ngizokuvuma ngommoyami godu ngivume nangomkhumbulwami.

1 KWEBEKORINTE 14:26

Alo, sizakuthini bazalwana na? Lokha nanihlanganako, omunye nomunye akabe nerhubo, ilizwi lokufundisa, umbono, ilimi namkha irhumutjho lalo. Koke lokhu akwenzelwe ukuqiniswa kwebandla.

KWEBE-EFESU 1:17

Ngihlala ngikhombela bona uZimu weKosethu uJesu Krestu, uBaba wephazimulo, aniphe uMoya wokuhlakanipha nesambulo ukuze nimazi ngcono.

KWEBE-EFESU 5:17

Ningabi ziindlhayela, kodwana lemukani bona iyini intando kaZimu.

KWEBE-EFESU 5:19

Khulumisanani ngamarhubo, ngeenhlabelelo nangeengoma zakaMoya. Vumani benirhubele iKosi niyidumise ngeenhliziyo zenu,

KWEBE-EFESU 5:26

Walicwengisa, walihlanza ngamanzi nangelizwi lakhe

KWEBEKOLOSE 1:28

Nje-ke nguye esimtjhumayelako, siyelelise woke umuntu besibafundise koke ukuhlakanipha kwakhe ukuze silethe woke umuntu aphelele kuKrestu.

KWEBEKOLOSE 1:9

Ngalokho-ke nathi solo kwamhlana sizwa ngalo, azange silise ukunithandazela, sinibawela bona nizaliswe ngelwazi lentando kaZimu kikho koke ukuhlakanipha kanye nelemuko elivela kuMoya.

KWEBEKOLOSE 4:6

Ikulumo yenu ayibe nomusa njalo, inungwe ngetswayi ukuze nazi bona niphendule njani woke umuntu.

1 KWEBETHESALONIKA 1:8

ngombana ukuzwakala kwelizwi kwavela kini, ingasi eMasedoniya ne-Arhaya kwaphela. Ukukholwa kwenu kuZimu sekwazeka yoke indawo, yeke akusatlhogeki bona sitjho ilitho ngakho

1 KWEBETHESALONIKA 4:18

Ngalokho-ke khuthazanani ngamezwi la.

2 KWEBETHESALONIKA 3:15

Nokho ningabaphathi njengezitha kodwana bayeleliseni njengamakholwa.

1 UTHIMOTHI 6:17

Bayale abanothileko esikhathini sanamhlanje bonyana bangazikhukhumezi namkha bathembele emnothweni ophelako, kodwana kuZimu osinjingisa ngakho koke bona sithokoze ngakho.

2 UTHIMOTHI 3:15

Kwebuntwaneni wayazi imitlolo ecwengileko enamandla yokukupha ukuhlakanipha kube kusindiswa ngokukholwa kuKrestu Jesu.

UTITOSI 3:6

othelwe phezu kwethu ngobunengi ngoJesu Krestu uMsindisi wethu

UJAKOPO 1:5

Nangabe kukhona hlangana nani onganabo ubuhlakani, akabawe uZimu opha boke ngaphandle kokusola, uzakuphiwa.

UJAKOPO 3:17

Kodwana ubuhlakani obuvela ezulwini, kokuthoma nje bumsulwa, bunokuthula, bunobumnene, buthobekile, bunobubele neenthelo ezihle, abunakuzaza nokuzenzisa.

UJAKOPO 5:13

Kukhona ohluphekako hlangana nani na? Akathandaze. Kukhona owenamileko na? Akadumise.

1 UJWANISI 2:14

Ngitlolele nina bantwana ngombana niyamazi uBaba. Ngitlolele nina bobaba ngombana niyamazi wekuthomeni. Ngitlolele nina lutjha ngombana ninamandla nelizwi lakaZimu lihlezi kini nokhohlakeleko nimehlulile.

1 UJWANISI 2:24

Lokho enakuzwa ekuthomeni akuhlale kini. Nakube lokho enakuzwako kusukela ekuthomeni kuhlala kini, khona nizakuhlala kuYise neNdodaneni.

1 UJWANISI 2:27

Nakungini, izeso enalamukela kuye lihlala kini, ngalokho anidingi kobana nanyana ngubani anifundise. Kodwana njengombana izeso lakhe linifundisa ngezinto zoke, kuliqiniso akusiwo amanga, yeke njengombana linifundisile, hlalani kuye.

2 UJWANISI 1:2

Iye, ngebanga leqiniso elihlala kithi nelizakuba nathi ngokungapheliko.

ISAMBULO 14:3

Bebavuma ingoma etja phambi kwesihlalo sobukhosi naphambi kweembunjwa ezine eziphilako nabaphathi. Gade angekho obekangafunda ingoma leyo ngaphandle kwalabo abaziinkulungwana ezilikhulu namatjhumi amane nane ebebahlengwe ephasini.

ISAMBULO 15:3

Bavuma irhubo lakaMosi inceku kaZimu kanye nerhubo leMvana, basithi: “Mikhulu iyababazeka imisebenzakho, wena Somnini Zimu Mninimandla! Zilungile begodu ziliqiniso iindlela zakho, wena Kosi yezizwe zoke.

ISAMBULO 19:10

Ngalokho ngaguqa eenyaweni ngayilotjha kodwana yona yathi kimi: “Ungakwenzi lokho! Ngiyinceku kanye nawe nabazalwane bakho ababambelele ebufakazini bakaJesu. Lotjha uZimu ngombana ubufakazi bakaJesu bumumoya wokuphorofida.”

ISAMBULO 5:9

Zavuma irhubo elitjha zathi: “Ufanele wena ukuthatha umsongo, unamulule amaphawu ngombana gade uhlatjiwe, ngeengazi zakho wahlengela uZimu abacwengileko abavela kenye nenye ikoro, ilimi, abantu nesizwe,