KWEBEKOLOSE 3:10 - IsiNdebele 2012 Translation

¹⁰ begodu senembethe ubunina obutjha, obuvuselelwe elwazini ngokomfuziselo wombumbi wabo.

KWEBEKOLOSE 3:10 Iomraidhean Croise

UGENESISI 5:1

Nanti irhelo leenzukulwana zaka-Adamu: Lokha uZimu nakadala umuntu amenza ngomfanekiso kaZimu,

UJOBHO 29:14

Bengembatha ukulunga, nakho kungembathe; ubulungiswa kimi bebunjengenaka nomtjhotjho.

AMARHUBO 51:10

Ngenze ngizwe ithabo nenjabulo godu, wenze umzimba owufihlizileko uhlokome.

U-ISAYA 52:1

Vuka, vuka wena Ziyoni, zembathise amandla. Yembatha izambatho zakho zakanokutjho, wena Jerusalema, dorobho elicwengileko ngombana abatjhili nabangahlambulukiko angeze basangena kuwe godu.

U-ISAYA 59:17

Wembatha ukulunga njengesambatho sepi nesikupuru sesindiso ehlokwakhe; wembatha izambatho zokuzibuyiselela, waziphuthela ngetjisakalo inga linaka.

UHEZEKIYELI 11:19

Ngizabapha ihliziyo eyodwa, iye, ngifake kibo ummoya omutjha. Ngizakukhupha ihliziyo yelitje phakathi kwabo bese ngibapha ihliziyo ethambileko

UHEZEKIYELI 18:31

Dediselani kude nani zoke iimphambeko zenu eniphambuke ngazo, nizifunyanele ihliziyo etja nommoya omutjha! Nizakufelani nina ndlu yakwa-Israyeli na?

UHEZEKIYELI 36:26

Ngizanidalela ihliziyo etja, ngifake ummoya omutjha ngaphakathi kwenu. Ngizakukhupha ngaphakathi kwenu ihliziyo yelitje, nginiphe ihliziyo ethambileko.

UJWANISI 17:3

Ukuphila okungapheliko ngilokho bona bazi wena wedwa Zimu weqiniso nokwazi uJesu Krestu, omthumileko.

KWEBEROMA 12:2

Ningaziphathi njengokwemikhuba yephaseli, kodwana tjhugululwani ngokwenziwa kabutjha emikhumbulweni yenu ukuze nikghone ukuhlukanisa okuyintando kaZimu; okuhle, okwamukelekako nokupheleleko.

KWEBEROMA 13:12

Ubusuku sebuyadlula, ukukhanya sekutjhidele. Yeke asibekeleni ngeqadi izenzo zobumnyama, sihlome iinkhali zokukhanya.

KWEBEROMA 13:14

Esikhundleni salokho, yembathani iKosi uJesu Krestu, ninganikeli inyama ithuba lokwanelisa iinkanuko zayo.

KWEBEROMA 6:4

Nje-ke sabulungwa kanye naye ngokubhabhadiselwa ekufeni ukuze kuthi njengombana uKrestu avuswa ekufeni ngephazimulo kaBaba, ngokunjalo nathi sikhambe epilweni etja.

KWEBEROMA 8:29

Labo uZimu abazi ngaphambilini, wabakhethela bona bafane nesibumbeko seNdodanakhe ukuze ibe lizibulo emndenini omkhulu.

2 KWEBEKORINTE 3:18

Yeke soke thina esinobuso obungakathweswa isiyaya, thina esibona iphazimulo kaSomnini inga ibonakaliswe esibonibonini, siyatjhugululwa bona sibe nobujamo obufanako ukusuka kelinye izinga lephazimulo ukuya kelinye ngombana lokhu kuvela eKosini, enguMoya.

2 KWEBEKORINTE 4:16

Ngalokho asipheli amandla. Nanyana umzimba wethu ngaphandle uluphala, ingaphakathi lethu livuselelwa imihla ngemihla.

2 KWEBEKORINTE 4:6

Yeke uZimu owathi: “Umkhanyo awukhanye ebumnyameni,” nguye owakhanyisa eenhliziyweni zethu ukusinikela umkhanyo welwazi lephazimulo kaZimu ebusweni bakaJesu Krestu.

2 KWEBEKORINTE 5:17

Nje-ke umuntu nasele akuKrestu, sewunesibumbeko esitjha: koke okudala kudlulile, qala, koke sele kwenziwe kwaba kutjha.

KWEBEGALATIYA 3:27

ngombana noke nina enabhabhadiselwa kuKrestu nembethe uKrestu.

KWEBEGALATIYA 6:15

Ukusoka nokungasoki akutjho ilitho, okukhulu kukobana umuntu abe sidalwa esitjha.

KWEBE-EFESU 2:10

Thina simsebenzi wezandla zakhe, kuKrestu Jesu kobana senze imisebenzi emihle uZimu asilungiselele yona ngaphambilini ukuze siphile kiyo.

KWEBE-EFESU 2:15

ngokuphelisa enyamenakhe umthetho nemiyalo yawo kanye neemiso zawo. Umnqopho wakhe bekukubumba kuye umuntu oyedwa ngokuhlanganisa ababili, ngalokho enze ukuthula,

KWEBEKOLOSE 3:12

Yeke njengabakhethiweko bakaZimu, abacwengileko nabathandekako, yembathani isirhawu, ukulunga, ukuthobeka, ubumnene nokubekezela.

KWEBEKOLOSE 3:14

Ngaphezu kwakho koke lokhu, zembathiseni ngethando lona elibopha koke ndawonye kuzwane.

UFILIMONI 1:6

Ngithandaza bona ubudlelwano bakho ekukholweni bube nepumelelo, ube nokuzwisisa okupheleleko ezintweni zoke esinazo kuKrestu.

AMAHEBHERU 6:6

nasele khebahlubuka kulikhuni ukubaphendula ngombana ngokuhlubuka kwabo babuye godu bayibethele esiphambanweni iNdodana kaZimu bayithela ngehlazo epepeneneni.

1 UJWANISI 2:3

Nje-ke ngalokhu siqinisekile bona siyamazi yena nakube silonda imiyalwakhe.

1 UJWANISI 2:5

Kodwana loyo olonda ilizwi lakhe, mbala ithando lakaZimu liphelelisiwe kuye. Lokhu ngikho okusenza siqiniseke bona sikuye.

ISAMBULO 21:5

Loyo osesihlalweni sobukhosi wathi: “Qala, ngenza koke kube kutjha!” Wathi godu: “Kutlole lokhu ngombana amezwi la athembekile begodu aliqiniso.”