KWEBEKOLOSE 2:2 - IsiNdebele 2012 Translation

² Lokhu ngikwenzela bona iinhliziyo zabo zikhuthazeke, bahlanganiswe ethandweni ukuze babe nawo woke umnono wokuzwisisa okuqinisiweko godu babe nelwazi lefihlakalo kaZimu, okutjho uKrestu

KWEBEKOLOSE 2:2 Iomraidhean Croise

1 AMAKHOSI 3:28

Woke u-Israyeli wezwa ngesigwebo ikosi eyasikuphako. Abantu bahlonipha khulu ikosi ngombana balemuka bonyana uZimu uyiphe ukuhlakanipha ekugwebeni ngokulunga.

AMARHUBO 133:1

Ingoma yekhambo lokuya ethempelini; irhubo lakaDavida. Maye kuhle, kumnandi kangangani ukuhlalisana kwabafo ndawonye!

U-ISAYA 32:17

Iinthelo zokulunga zizakuletha ukuthula, iye, umphumela wokulunga ube kuzotha nokuvikeleka nini nanini.

U-ISAYA 40:1

“Duduzani, yeniduduze abantu bami”, kutjho uZimenu.

U-ISAYA 53:11

USomnini uthi: “Iye, ngemva kokuhlupheka kwepilwayo incekwami izakubona, izanelise ngelwazi layo. Izazibonakalisa ingelungileko kabanengi, yona izakuthwala iimphambeko zabo.

UJOROMIYA 9:24

kodwana ozigqajako akazigqaje ngokobana uyangilemuka begodu uyangazi bona nginguSomnini owenza ukwethembeka, ubulungiswa kanye nokulunga ephasini. Iye, ngikho lokho okungijabulisako.” Kutjho uSomnini.

UMATEWU 11:25

Ngesikhatheso uJesu wathi: “Ngiyakudumisa Baba, mnikazi wezulu nephasi ngombana abahlakaniphileko nabafundileko ubafihlele lokhu, kodwana wakwembulela abancancani.

UMATEWU 11:27

“Koke ngikunikelwe nguBaba. Akakho owazi iNdodana ngaphandle koBaba begodu akakho owazi uBaba ngaphandle kweNdodana kanye nalabo iNdodana ethanda ukubambulela yena.

UMATEWU 13:11

Waphendula wathi: “Ilwazi leemfihlakalo zombuso wezulu linikelwe nina, kodwana bona abakanikelwa.

ULUKASI 1:1

Abanengi baba nokuzimisela kobana batlole umlando wezehlakalo ezizalisekileko phakathi kwethu,

UJWANISI 10:30

Mina noBaba simunye.”

UJWANISI 10:38

Kodwana nangabe ngiyayenza, nanyana ningakholwa mina, okungasenani-ke kholwani izenzo, khona nizakwazi benizwisise bonyana uBaba ukimi nami ngikuye.”

UJWANISI 16:15

Koke uBaba anakho kungekwami, ngikho lokhu ngithe uzakuthatha kokwami anibikele khona.”

UJWANISI 17:3

Ukuphila okungapheliko ngilokho bona bazi wena wedwa Zimu weqiniso nokwazi uJesu Krestu, omthumileko.

UJWANISI 5:17

UJesu wawaphendula wathi: “UBaba uhlala asebenza, nje-ke nami ngiyasebenza.”

UJWANISI 5:23

ukuze boke bahloniphe iNdodana njengombana bahlonipha uYise. Ngiloyo naloyo ongahloniphi iNdodana akamhloniphi noYise oyithumileko.

UJWANISI 6:69

Nje-ke siyakholwa besiyazi bona ungoCwengileko ovela kuZimu.”

IZENZO ZABAPOSTOLI 4:32

Boke abakholwako bebamunye ngehliziyo nangomkhumbulo. Akakho noyedwa owathi ipahlakhe ngeyakhe yedwa, kodwana bahlanganyela koke abanakho.

KWEBEROMA 15:13

Sengathi uZimu wethemba anganizalisa ngethabo loke kanye nokuthula ekukholweni ukuze nande ethembeni, ngamandla kaMoya oCwengileko.

KWEBEROMA 16:25

Kuye onamandla wokuniqinisa ngevangeli lami kanye nokutjhunyayelwa kwakaJesu Krestu, ngokwesambulo sefihlakalo ebeyiseze ifihlakele kusukela ekadeni,

KWEBEROMA 2:4

Kghani unyaza umusa omkhulu kaZimu nokunyamezela kwakhe okubanzi na? Awuboni bonyana uZimu unomusa ngombana uhlose bona utjhuguluke na?

1 KWEBEKORINTE 14:31

ngombana ningaphorofida noke ngokudlhegana ukuze woke umuntu afunyane umlayezo kanye nokukhuthazwa.

1 KWEBEKORINTE 2:12

Asikamukeli ummoya wephasi kodwana samukele uMoya obuya kuZimu ukuze sizwisise lokho uZimu asiphe khona ngesihle.

KWEBEGALATIYA 3:28

AkunamJuda, akunamGrigi, ikhoboka namkha otjhaphulukileko, omduna namkha omsikazi ngombana nimunye noke kuKrestu Jesu.

KWEBE-EFESU 1:7

Kuye sinesihlengo ngeengazi zakhe, ukucolelwa kwezono, ukuya ngomusa omkhulu kaZimu

KWEBE-EFESU 3:16

Inga ngomnono wephazimulwakhe anganiqinisa ngamandla ngoMoyakhe ongaphakathi kwenu,

KWEBE-EFESU 3:3

okutjho ifihlakalo engaziswa yona ngesambulo njengombana sengatlola kafitjhazana.

KWEBE-EFESU 6:22

Kungebangelo ngimthumela kinapho ukuze nazi bona sivuke njani begodu anikhuthaze.

KWEBEFILIPI 2:1

Yeke nakube kukhona ukukhuthazeka kuKrestu, nakukhona ukududuzwa okuvela ethandweni, kukhona nehlanganyelo kaMoya godu kukhona umusa nezwelo,

KWEBEFILIPI 3:8

Ngaphezu kwalapho, ngithatha koke njengokulahlekelwa ngebanga lokuqakatheka okukhulu kokwazana noKrestu Jesu iKosami. Ngebanga lakhe ngilahlekelwe ngikho koke, yeke koke lokho ngikuthatha njengeenzibi ukuze ngizuze uKrestu,

KWEBEKOLOSE 1:26

ekuyifihlakalo ebeyifihliwe kiso soke isikhathi sekadeni kanye neenzukulwaneni, kodwana gadesi sele yambulelwe abacwengileko bakhe.

KWEBEKOLOSE 1:27

UZimu waqunta bona kwazeke kibo bonyana umnono wephazimulo yefihlakalwakhe le mkhulu kangangani hlangana nabatjhili; ifihlakalo leyo inguKrestu okini nolithemba lephazimulo.

KWEBEKOLOSE 1:9

Ngalokho-ke nathi solo kwamhlana sizwa ngalo, azange silise ukunithandazela, sinibawela bona nizaliswe ngelwazi lentando kaZimu kikho koke ukuhlakanipha kanye nelemuko elivela kuMoya.

KWEBEKOLOSE 2:19

Onjalo sele alahlekelwe ngiloyo oyihloko, lapha umzimba woke usekeleke khona begodu uhlanganiswe malungu nemisipha, ukhule ngokukhula okuvela kuZimu.

KWEBEKOLOSE 3:14

Ngaphezu kwakho koke lokhu, zembathiseni ngethando lona elibopha koke ndawonye kuzwane.

KWEBEKOLOSE 4:3

Sithandazelani nathi kobana uZimu asivulele ithuba lokutjhumayela ukuze sizwakalise ifihlakalo kaKrestu, engingesikhungweni ngebanga layo.

KWEBEKOLOSE 4:8

Kungebangelo ngimthumela kini ukuze nazi bona siphile njani nokobana akhuthaze iinhliziyo zenu.

1 KWEBETHESALONIKA 1:5

ngombana ivangeli lethu leza kini ingasi ngamezwi nje kwaphela kodwana ngamandla kaMoya oCwengileko nangokukholwa okukhulu. Niyazi bona besiphila njani phakathi kwenu ngebanga lenu.

1 KWEBETHESALONIKA 3:2

Sathumela uThimothi umfowethu nesibambisene naye emsebenzini kaZimu wokutjhumayela ivangeli lakaKrestu, kobana azoniqinisa abe anikhuthaze ngebanga lokukholwa kwenu,

1 KWEBETHESALONIKA 5:14

Godu siyaniyala bazalwana bona nikhalime ababhereleleko, nikhuthaze abaneenhliziyo ezibuthakathaka, nisize ababogabogako, yibani nesineke ngabo boke.

1 UTHIMOTHI 3:16

Ngaphandle kokuzaza, yikulu ifihlo yokukholwa kwethu ethi: Owazibonakalisa enyameni, walungisiswa ngoMoya, wabonwa ziingilozi, wamenyezelwa hlangana nabatjhili, ephasini abantu bakholwa kuye, wenyuselwa ephazimulweni.

AMAHEBHERU 10:22

asibandameleni ngehliziyo eqinisileko, ngethemba elipheleleko lokukholwa; iinhliziyo zethu zifafaziwe esazelweni esimbi nemizimba yethu ihlanzwe ngamanzi ahlanzekileko.

AMAHEBHERU 6:11

Sikhanuka bona omunye nomunye wenu abonakalise ukukhuthala okunjalo ukuze niqinisekise ithemba lenu bekube sekupheleni;

2 UPITROSI 1:10

Ngalokho-ke bazalwana, khuthalani khulu nibonise ukubizwa nokukhethwa kwenu ngombana nanenza lokho angekhe nakhubeka.

2 UPITROSI 1:3

Amandlakhe akhethekileko asiphe koke esikudingako ekuphileni nekukholweni ngokwazi kwakhe loyo owasibiza ngephazimulo nokulunga kwakhe.

2 UPITROSI 3:18

Kodwana khulani emseni nelwazini leKosethu noMsindisi uJesu Krestu. Idumo alibe kuye gadesi bekube ngokungapheliko. Amen.

1 UJWANISI 3:19

Ngalokho sizakwazi bona singebeqiniso begodu iinhliziyo zethu sizazithulisa phambi kwakhe

1 UJWANISI 5:7

Bathathu abofakazi,