KWEBEKOLOSE 2:18 - IsiNdebele 2012 Translation

¹⁸ Akungabikhona umuntu onitjhaphisako, othanda ukuzenza othobileko khisibe ulotjha iingilozi abe akakarele emibonweni, azikhukhumeze ngelize emikhumbulwenakhe yenyama.

KWEBEKOLOSE 2:18 Iomraidhean Croise

UGENESISI 3:13

Nje-ke uSomnini wathi emfazini: “Yintobani oyenzileko le?” Umfazi waphendula wathi: “Yinyoka engirhwalileko, yeke ngadla.”

UJOBHO 38:2

“Ungubani yena lo, ofiphaza ihlelo ngamezwi abe anganalwazi na?

U-ISAYA 57:9

Watjhemelelela uMoleki uphethe amafutha we-oliva, wandisa amakha wakho. Wathumela abazenda bakho kude, ngitjho nendaweni yabafileko.

UHEZEKIYELI 13:3

Yewuthi kibo, ‘Nakhu okutjhiwo nguSomnini uSomandla: Maye kizo iindlhayela zabaphorofidi ezilandela ummoya weenhliziyo zazo zingakaboni ilitho!’

UDANYELA 11:38

Izakuhlonipha kwaphela uzinyana wobuphephelo okunguzinyana aboyisemkhulu abangazange bamazi. Loyo-ke izamhlonipha ngegolide nangesiliva, ngamatje aligugu nangezipho ezibizako.

UNUMERI 25:18

ngombana nawo aniphatha njengezitha ngobuqili bawo lokha nakaniyenga ngendaba yePewori. Kwaba njalo nangendaba kadadwawo uKozibi indodakazi yomrholi wakwaMidiyani, owabulawa ngelanga lesifo esabangwa yiPewori.”

UMATEWU 24:24

Ngambala abosingamesiya nabaphorofidi bamanga bazakuvela, benze iimbonakaliso nemikarisomraro emikhulu ukuze nakwenzekileko bakhohlise ngitjho nabakhethiweko.

KWEBEROMA 1:25

ngombana banana iqiniso ngoZimu kobana bazuze amala, balotjha bebasebenzela okudaliweko kunoMdali, okunguye okufanele adunyiswe ngokungapheliko. Amen.

KWEBEROMA 16:18

ngombana abantu abanjalo abalotjhi iKosethu uKrestu, kodwana balotjha izisu zabo.

1 KWEBEKORINTE 13:4

Ithando liyabekezela, ithando linesisa, alinamona, alizikhukhumezi, alizitjhayi;

1 KWEBEKORINTE 3:3

ngombana nisesebabantu benyama. Ngitjho ngombana nakhu kusesekhona umona nokucabana phakathi kwenu. Anisibo benyama naninjalo na? Anikaziphathi njengabantu abangakakhetheki na?

1 KWEBEKORINTE 4:18

Abanye benu sele bazikhukhumeza inga angeze bengiseza kini.

1 KWEBEKORINTE 4:6

Nje-ke bazalwana, ngiqalise izintwezi kimi no-Apholo ngebanga lenu ukuze nifunde kithi lokho okutjhiwo sisitjho esithi: “Ningaphambuki kilokho okutloliweko.” Ngalokho-ke anisoze nakhetha umuntu oyedwa hlangana nabanye bese nizikhakhazisa ngaye.

1 KWEBEKORINTE 8:1

Malungana nokudla okuhlatjelwe abosingazimu: Siyazi bona soke sinelwazi. Ilwazi liyakhukhumeza, kodwana ithando liyakha.

1 KWEBEKORINTE 9:24

Anazi bona emgijimweni boke abagijimi bayagijima, kodwana umvuzo munye na? Gijima ngendlela yokobana ufunyane umvuzo.

2 KWEBEKORINTE 11:3

Kodwana nginevalo ngani kobana njengombana u-Efa akhohliswa yinyoka enobuqili, imikhumbulo yenu nayo ingahle iyengwe ekuzinikeleni kwenu kuKrestu okuqotho nokumsulwa.

2 KWEBEKORINTE 12:20

Nginevalo lokobana ekufikeni kwami ngingahle nginifunyane ningasi ngilokho engikufisako, nani ningahle ningifunyane ngingasi ngilokho enikufisako. Godu nginevalo lokobana mhlambe kungaba khona ukucabana, umona, ukuthukuthelelana, umrhobholo, ukuthukana, ukuhlebana, ukuzazi nesiphithiphithi.

KWEBE-EFESU 4:17

Yeke nginitjela lokhu begodu ngifakaza eKosini bonyana ningasaphili njengabatjhili emikhumbulwenabo elilize lakolize.

KWEBE-EFESU 5:6

Ningakhohliswa mumuntu ngamezwi angatjho ilitho ngombana ngebanga lezinto ezinjalo itukuthelo kaZimu yehlela labo abangalaleliko.

UDUTERONOMI 29:29

“Izinto ezifihlakeleko ngezikaSomnini uZimethu, kodwana lokho okwambuliweko kungekwethu nabantwabethu isiphelani ukuze senze woke amezwi womthetho lo.”

KWEBEFILIPI 3:14

Yeke ngihlabela phambili nginqophe esiphethweni kobana ngizuze umvuzo wokubizwa kwezulwini okungekwakaZimu ngoKrestu Jesu.

KWEBEKOLOSE 2:23

Iye, ibonakala inesifaniso sokuhlakanipha ekukhuthazeni ukulunga nokuzithoba kokuzenzisa, okulungele umzimba nje kwaphela kodwana kube kungasizi ngalitho ekuzithibeni eenkanukweni zenyama yabo.

KWEBEKOLOSE 2:4

Nginitjela lokhu ukuze kungabikhona ozanikhohlisa ngeempikiswano eziyengako,

KWEBEKOLOSE 2:8

Yelelani-ke bona kungabikhona namunye onithumba ngobuhlakani nangekohliso elilize, ngokwefundiso yabantu esekeleke phezu kwemimoya yephasi, ingasi kuKrestu,

1 UTHIMOTHI 1:7

Bafuna ukuba bafundisi bomthetho khisibe abakuzwisisi lokho abakutjhoko namkha lokho abakuqinisako ekulumenabo.

1 UTHIMOTHI 4:1

UMoya oCwengileko ukutjho ngokukhanyako bona ngamalanga wokuphela abanye bayokuhlubuka ekukholweni banake imimoya ekhohlisako neemfundiso zamadimoni.

2 UPITROSI 2:14

Banamehlo azele ukuhlobonga nanamathele ekoneni; bayenga abangakanzinzi epilweni. Ihliziywabo ijayele ukuba marhamaru; babantwana bamanikelela.

1 UJWANISI 2:26

Nginitlolela izintwezi mayelana nalabo abathanda ukunilahlekisa.

ISAMBULO 12:9

Ngalokho waphoswa phasi unomrhaso omkhulu, inyoka endala ekuthiwa nguMtjoli noSathana, umkhohlisi wephasi loke; iye, waphoselwa ephasini neengilozi zakhe zalahlwa naye.

ISAMBULO 13:14

Begodu ngeembonakaliso esaphiwa bona sizenze phambi kwesibanda sokuthoma, sakhohlisa abakhileko ephasini. Sabatjela bona babumbe isithombesibunjwa sesibanda ebegade sinengozi yesabula, kodwana nokho sabuye saphila.

ISAMBULO 13:8

Boke abantu abakhe ephasini bazasilotjha, iye, woke loyo ibizo lakhe elingakatlolwa encwadini yokuphila yeMvana eyahlatjwako kusukela ekusekelweni kwephasi.

ISAMBULO 19:10

Ngalokho ngaguqa eenyaweni ngayilotjha kodwana yona yathi kimi: “Ungakwenzi lokho! Ngiyinceku kanye nawe nabazalwane bakho ababambelele ebufakazini bakaJesu. Lotjha uZimu ngombana ubufakazi bakaJesu bumumoya wokuphorofida.”

ISAMBULO 3:11

Ngiyeza masinyana; londa lokho onakho ukuze kungabikhona okwemuka isihlohlo sakho.