KWEBEKOLOSE 2:16 - IsiNdebele 2012 Translation

¹⁶ Nje-ke akungabi namunye onilahla ngokudla nanyana ngokusela, namkha ngeminyanya, ukuthwasa kwenyanga namkha ngamaSabatha.

KWEBEKOLOSE 2:16 Iomraidhean Croise

2 AMAKHOSI 4:23

Umyenakhe wambuza wathi: “Uyelani kuye namhlanje? Nenyanga ayikabukuthwasa begodu akusilo iSabatha.” Umkakhe wathi: “Kulunge koke.”

1 IINKRONIKE 23:31

Godu bekufuze benze njalo ngaso soke isikhathi lokha nakutjhiselwa uSomnini imihlabelo yokutjhiswa, ngamaSabatha, ngeminyanya yokuthwasa kwenyanga nangemigidi ejanyisiweko. Bekumele njalo nje isibalo esibekiweko samaLevi silotjhe ngethempelini lakaSomnini.

2 IINKRONIKE 31:3

Iimbonelelo ikosi uHezekhiya eyazikhupha epahlenayo zazingezemihlabelo yokutjhiswa ekuseni nentambama, ngamaSabatha, nakuthwasa inyanga nangeminyanya ebekiweko njengombana kutlolwe emthethweni kaSomnini.

UNERHEMIYA 10:31

Nangabe abantu benarha le baletha ipahla namkha iinthoro kobana basithengisele ngelanga leSabatha, angeze sathenga kibo nakuliSabatha namkha ngelanga elikhethekileko. Ngomnyaka wekhomba asizowalima amasimu begodu sizakusula woke amacala ekufuze akhokhwe.

UNERHEMIYA 10:33

Lokho kumalungana nezikwa zobukhona bakaZimu, iminikelo yeenthoro nemihlabelo yokutjhiswa yemihla ngemihla, imihlabelo yamaSabatha, yeminyanya yokuthwasa kwenyanga neyeminyanya ekhethekileko. Godu kumalungana neminikelo ecwengileko kanye neminikelo yehlambululo kobana kwenzelwe u-Israyeli itethelelo. Iye, ukwenza yoke imisebenzi yethempeli lakaZimethu.

UNERHEMIYA 8:9

Kwathi lokha uNerhemiya ogade ambusi no-Ezra omphristi nomtloli kanye namaLevi nabafundisa abantu, bathi kibo boke: “Ilangeli licwengile kuSomnini uZimenu, yeke ningadabuki namkha nilile ngalo.” Batjho lokho ngombana abantu balila lokha nabezwa amezwi womthetho.

AMARHUBO 42:4

Ubusuku nemini, iinyembezi zami zikukudla kwami ngombana soke isikhathi abantu bathi kimi: “Njekhona uphi uZimakho?”

AMARHUBO 81:3

Vumani ingoma, nililise abosotjherere, nibethe iharibha elihle kanye nelincani.

U-ISAYA 1:13

Ningasayilethi iminikelo engazisiko! Ukutjhiswa kwetjhwalo kusinyenyiso kimi! Angeze ngisamukela imikhosenu nakube kunokonakala, iye, ukwethwasa kwenyanga, amaSabatha kanye nemihlanganwenu.

UHEZEKIYELI 4:14

Yeke ngathi: “Awu, Somnini Somandla! Qala, mina azange khengizisilaphaze. Kusukela ebutjheni bami bekube nje, azange khengidle ingcuba namkha okudatjulwe zimbandana, ngitjho nenyama esinyenyiso azange ingene emlonyenami.”

UHEZEKIYELI 45:17

Kumsebenzi wekosana ukuhlinzeka ngemihlabelo yokutjhiswa, iminikelo yeenthoro neyokuselwako eminyanyeni nekuthwaseni kwenyanga kanye nemaSabatheni, iye, kiyo yoke iminyanya yendlu ka-Israyeli. Izakuhlinzeka ngemihlabelo yehlambululo, iminikelo yeenthoro, imihlabelo yokutjhiswa neyetjhebiswano ukwenzela indlu ka-Israyeli itethelelo.”

ULEVITIKUSI 16:31

Lelo kuliSabatha elicwengileko kini, yeke nizakuzila ukudla. Lokho kuzakuba simiso sanini nanini.

U-AMOSI 8:5

nibe nisithi: “Kazi umnyanya ocwengileko wokuthwasa kwenyanga lowo uyokudlula nini, ukuze sikghone ukuthengisa amabele! ISabatha lona liyokuphela nini? Sele sifuna ukuthengisa ikoroyi thina!” Nitjho njalo kwabe ninciphisa iinlinganiso, nikhuphula amanani benidlelezele ngokusebenzisa iinlinganiso ngokukhohlakeleko.

UNUMERI 10:10

Kanti-ke godu ngeenkhathi zokujabula kwenu, iminyanyenu ejanyisiweko nekuthwaseni kwenyanga, vuthelani iimporompita lokha naninikela imihlabelwenu yokutjhiswa neyetjhebiswano. Lokho kuzanenza nikhumbuleke phambi kwakaZimenu. NginguSomnini uZimenu.”

UMATEWU 15:11

Akusikho okungena ngemlonyeni okusilaphaza umuntu; kodwana ngilokho okuphuma ngaphakathi kwakhe.”

UMARKOSI 7:19

Iye ngombana akuyi ngehliziyweni kodwana kuya ngesiswini sakhe, kusuke lapho-ke kuphumele ngaphandle komzimbakhe.” Ngokutjho njalo, uJesu bekatjho bona koke okugonywako kuhlambulukile.

IZENZO ZABAPOSTOLI 15:20

Endaweni yalokhu, asibatloleleni incwadi sibatjele bona batjhide emanyaleni weenthombe, batjhide ebungwadleni, bangadli isilwana esikghanyiweko kanye nobubende

KWEBEROMA 14:10

Alo, umgwebelani-ke umfowenu na? Namkha kubayini uqalela umfowenu phasi na? Soke nje sizokujama phambi kwesihlalo sokugweba sakaZimu

KWEBEGALATIYA 4:10

Nihlonipha amalanga akhethekileko, iinyanga, iinkhathi neminyaka!

KWEBEKOLOSE 2:20

Njengombana nafa kanye noKrestu benakhululwa eemfundisweni zemimoya yephaseli, kubangelwa yini-ke bona niziphathe njengabantu bephaseli na? Kubayini nithobele imiyalo ethi,

AMAHEBHERU 13:9

Ningaluthwa ziimfundiso ezingaziwako nezimihlobohlobo ngombana kuhle bona ihliziyo iqiniswe ngomusa ingasi ngokulandela imithetho yokudla, ekuyinto engazange ibasize ngalitho abayilandelako.

AMAHEBHERU 9:10

Kodwana beyiphathelene nokudla nokusela kanye nemihlobohlobo yokuhlambuluka ekuziimiso ezimalungana nomzimba bekube sikhathi sehlelo elitjha.

UJAKOPO 4:11

Ningahlebani bazalwana. Loyo ohleba umzalwana namkha amgwebe umzalwana, uhleba umthetho, agwebe umthetho. Nangabe ugweba umthetho, awusuye umenzi womthetho, kodwana umugwebi wawo.

1 USAMYELA 20:18

Yeke wathi uJonathani kuDavida: “Kusasa lilanga lomgidi wokuthwasa kwenyezi. Uzokukhunjulwa ngombana isihlalo sakho sizobe singanamuntu.

1 USAMYELA 20:5

UDavida wathi: “Qala, kusasa lilanga lomgidi wokuthwasa kwenyezi, kufanele ngihlale esidlweni kanye nekosi. Yeke ngivumela bona ngiyokubhaca emmangweni bekube lilanga laphambi kwakusasa ntambama.