KWEBEKOLOSE 1:5 - IsiNdebele 2012 Translation

⁵ ngebanga lethemba enibekelwe lona ezulwini. Senikhe nezwa ngalelithemba ngaphambilini elizwini leqiniso, okutjho ivangeli,

KWEBEKOLOSE 1:5 Iomraidhean Croise

AMARHUBO 31:19

Ayithuliswe imilomo ekhuluma amanga, iye, ekhuluma ngokuzazi ngabalungileko nangokuzigqaja nokunyaza.

ULUKASI 12:33

Thengisani ipahlenu bese nabela abadududu, ngokwenza njalo nizabe nizibonelela ngeenkhwanyana zemali ezingekhe zoma, okumnono wezulwini ongekhe waphela. Iye, lapha kungekhe kwangena khona isela nomvunya.

IZENZO ZABAPOSTOLI 10:36

Niyawazi umlayezo uZimu awuthumela ebantwini bakwa-Israyeli, akhuluma ivangeli lokuthula eliza ngoJesu Krestu oyiKosi yabo boke.

IZENZO ZABAPOSTOLI 13:26

“Nje-ke bafowethu, nzukulwana zaka-Abrahamu nani enesaba uZimu, umlayezo wesindiso lo uthunyelwe kithi.

IZENZO ZABAPOSTOLI 23:6

Kuthe bona uPowula abone bonyana abanye babaSadusi nokuthi abanye babaFarisi, warhuwelela esigungwini wathi: “Bafowethu, ngimFarisi oyindodana yabaFarisi. Nje-ke lapha ngimangalelwe ngendaba yokuthi nginethemba lokobanyana abafileko bazokuvuka.”

IZENZO ZABAPOSTOLI 24:15

Nginalo ithemba kuZimu, iye, ithemba nabo abalamukelako lokobana kuzakuba khona ukuvuka kwabafileko kwabo boke abalungileko nabangakalungi.

KWEBEROMA 10:8

Kodwana kuthini na? Kuthi: “Ilizwi lihlanu kwakho, lingemlonyenakho nangehliziywenakho.” Iye, ilizwi lokukholwa esilitjhumayelako.

1 KWEBEKORINTE 13:13

Nje-ke okuthathu lokhu kujamile: ukukholwa, ithemba nethando. Kodwana okungaphezu kwakho koke lithando.

1 KWEBEKORINTE 15:19

Nakube ithemba lethu kuKrestu lingelokuphila lokhu kwaphela, khona-ke singebokulilelwa ukudlula boke abantu.

2 KWEBEKORINTE 5:19

okutjho bona uZimu wabuyisela iphasi kuye ngoKrestu. Azange abale iimphambeko zalo, kodwana wasinikela umyalezo wokubuyisana.

2 KWEBEKORINTE 6:7

nangokukhuluma iqiniso emandleni kaZimu. Lokho sikwenza ngeenkhali zokulunga ngesidleni nangesinceleni.

KWEBEGALATIYA 2:14

Ngathi nangibona bonyana abakhambi ngendlela yeqiniso levangeli, ngathi kuPitrosi phambi kwabo boke: “Wena umJuda, kodwana khonapho uphila njengotjhili ingasi njengomJuda. Alo, kuzanjani-ke bona ukatelele abatjhili ukulandela imikhuba yamaJuda na?”

KWEBEGALATIYA 2:5

Kodwana azange sibanikele ithuba nakancani ngombana besifuna bona iqiniso levangeli likghone ukuhlala phakathi kwenu.

KWEBEGALATIYA 5:5

Kodwana ngoMoya silinde ngokukholwa ithemba lokulungisiswa,

KWEBE-EFESU 1:13

Nani-ke nafakwa kuKrestu lokha nanizwa ilizwi leqiniso, ivangeli lesindiso yenu. Senikholiwe, nabekwa kuye itshwayo ngesigibo, ekunguMoya oCwengileko owathenjiswako.

KWEBE-EFESU 4:21

ngombana sele nezwa ngaye benafundiswa ngaye ngokweqiniso elikuJesu.

KWEBEKOLOSE 1:23

Lokho kwenzeka kwaphela nakube nani nihlala nidzimelele benikakarele esisekelweni sokukholwa, ngaphandle kokutjhida ethembeni elathenjiswa livangeli enalizwako nelatjhunyayelwa kikho koke okudaliweko ngaphasi komthunzi welanga, mina Powula engaba sisebenzi salo.

KWEBEKOLOSE 1:27

UZimu waqunta bona kwazeke kibo bonyana umnono wephazimulo yefihlakalwakhe le mkhulu kangangani hlangana nabatjhili; ifihlakalo leyo inguKrestu okini nolithemba lephazimulo.

KWEBEKOLOSE 3:16

Ilizwi lakaKrestu alihlale ngaphakathi kwenu ngokupheleleko; fundisanani beniyalane ngakho koke ukuhlakanipha; vumelani uZimu amarhubo, iingoma kanye nomvumo wokukholwa ngokuthokoza eenhliziyweni zenu.

1 KWEBETHESALONIKA 2:13

Nje-ke sithokoza uZimu ngokungapheliko ngombana lokha nanimukela ilizwi lakaZimu enalizwa kithapha, nalamukela, ingasi njengelizwi lomuntu kodwana njengombana linjalo, ilizwi lakaZimu, elisebenza phakathi kwenu nina enikholwako.

2 KWEBETHESALONIKA 2:16

Sengathi iKosethu uJesu Krestu ngokwayo noZimu uBaba wethu owasithandako bewathi ngesisa sakhe wasipha ukududuzeka okungapheliko kanye nethemba elihle,

1 UTHIMOTHI 1:15

Liqinisile ilizweli begodu lifanele ukwamukelwa: Iye, uKrestu Jesu weza ephasinapha ukuzokusindisa izoni, engingesikhulu sazo.

2 UTHIMOTHI 4:8

Kwanje sengibekelwe isihlohlo sokulunga iKosi emgwebi olungileko ezanginikela sona mhlokho; kungasingimi kwaphela kodwana nabo boke abalangazelela ukubonakala kwayo.

UTITOSI 1:2

ethembeni lepilo engapheliko uZimu ongaleyi amala akuthembisa koke kungakathomi;

AMAHEBHERU 7:19

Njengombana umthetho ungazange uphelelise ilitho, ngakwelinye ihlangothi kunesingeniso sethemba elingcono ekungalo singatjhidela kuZimu.

1 UPITROSI 2:2

Njengamasana langazelelani ibisi elicwebileko lokommoya ukuze ngalo nikhule esindisweni,

1 UPITROSI 3:15

Kodwana eenhliziyweni zenu yesabani uKrestu njengeKosi. Nihlale nilungele ukuphendula loyo onibuza ngesizathu sethemba elikini.

2 UPITROSI 1:12

Ngalokho ngizimisele ukuhlala nginikhumbuza ngezintwezi, nanyana senizazi begodu nibambelele eqinisweni esele ninalo.

1 UJWANISI 3:3

Ngiloyo naloyo onethemba leli kuye uyazihlambulula njengombana yena ahlambulukile.