KWEBEKOLOSE 1:23 - IsiNdebele 2012 Translation

²³ Lokho kwenzeka kwaphela nakube nani nihlala nidzimelele benikakarele esisekelweni sokukholwa, ngaphandle kokutjhida ethembeni elathenjiswa livangeli enalizwako nelatjhunyayelwa kikho koke okudaliweko ngaphasi komthunzi welanga, mina Powula engaba sisebenzi salo.

KWEBEKOLOSE 1:23 Iomraidhean Croise

AMARHUBO 125:5

Kodwana labo abaphendukela eendleleni zamabatha, uSomnini akabaqotjhe neengilamkhuba. Ukuthula akube phezu kwaka-Israyeli.

ISILILO 3:66

Bagijimise ngetukuthelo, ubabhubhise ngaphasi kwamazulwakho, Somnini.

UHEZEKIYELI 18:26

Nakube olungileko ujika ekulungeni kwakhe enze ubukhohlakali, uzakufa ngalokho. Iye, ngebanga lobukhohlakali bakhe abenzileko, uzakufa.

UZEFANIYA 1:6

Ngizakuphelisa nabahlanuka uSomnini bangasayifuna ngokungasabuzi kiyo.

UMARKOSI 16:15

Wathi kibo: “Khambani iphasi loke, nitjhumayele ivangeli kikho koke okudaliweko.

ULUKASI 22:32

kodwana ngikuthandazele Simoni kobana ukukholwa kwakho kungabhalelwa. Wena-ke nasele uphendukile, uqinise abafowenu.”

ULUKASI 6:48

Unjengendoda eyathi nayakha ikumbayo, yemba kwatjhinga yabese ibeka isisekelo phezu kwedwala. Kwathi nakufika iinkhukhula, zabetha phezu kwayo kodwana azange ziyinyakazise ngombana beyakhiwe kuhle.

UJWANISI 15:6

Loyo ongahlali kimi uzakulahlwa njengepande, ome; iimpande ezinjalo ziyabuthelelwa ziphoswe ngemlilweni, zitjhiswe.

IZENZO ZABAPOSTOLI 1:17

Yena bekangomunye wethu begodu ayingcenye yomsebenzi lo.

IZENZO ZABAPOSTOLI 1:25

bona azokuthatha isikhundla sobupostoli, esitjhiywe nguJudasi waziyela endawenakhe.”

IZENZO ZABAPOSTOLI 1:8

Kodwana nizakwamukela amandla lokha uMoya oCwengileko nasele ehlele phezu kwenu. Nizakuba bofakazi bami eJerusalema, kiyo yoke iJudiya neSamariya kufikela emaphethelweni wephasi.”

IZENZO ZABAPOSTOLI 11:23

Kwathi lokha nakafikako abona umusa kaZimu, wathaba kwamambala bewabakhuthaza boke bonyana bathembeke eKosini ngokudzimelela ngeenhliziyo zabo zoke.

IZENZO ZABAPOSTOLI 14:22

baqinisa bebakhuthaza abafundi bona baragele phambili ngokukholwa, bathi: “Kufuze sidlule ebunzimeni obunengi ngaphambi kobana singene embusweni kaZimu.”

IZENZO ZABAPOSTOLI 2:5

Nje-ke bekukhona amaJuda ebegade esaba uZimu ahlala eJerusalema, avela ezizweni zoke ezingaphasi kwezulu.

IZENZO ZABAPOSTOLI 20:24

Ubuphilo bami angisabuthathi njengento eligugu kimi, kwaphela nange ngaqeda ibanga lami nekonzwami engayamukela eKosini uJesu kobana ngifakaze ivangeli lomusa kaZimu.

IZENZO ZABAPOSTOLI 26:16

Nje-ke, sikima ujame ngeenyawo zakho. Ngibonakele kuwe ngebanga lokobana ngizokukhetha ube sisebenzi nofakazi ngezinto ozibonileko ngami nangalokho engizakutjengisa khona.

IZENZO ZABAPOSTOLI 4:12

“Ayikho isindiso ngomunye ngombana alikho elinye ibizo ezulwini nephasini esinikelwe lona bona sisindiswe ngalo.”

KWEBEROMA 10:18

Kodwana ngiyabuza-ke: Abakezwa na? Mbala bezwile ngombana, “Amaphimbo wabo azwakele ephasini loke; namezwabo emaphethelweni womhlaba.”

KWEBEROMA 15:16

kobanyana ngibe yinceku kaKrestu Jesu kabatjhili. Ngiphiwe umsebenzi wobuphristi bona ngimemezele ivangeli lakaZimu ukuze abatjhili babe mnikelo owamukelekako kuye, bacwengiswe ngoMoya oCwengileko.

KWEBEROMA 2:7

Labo abaphikelele njalo ukwenza okulungileko, barhuluphele iphazimulo nedumo nokungabhubhi; uzobapha ukuphila okungapheliko.

KWEBEROMA 5:5

yeke ithemba alisidanisi ngombana ithando lakaZimu lithelwe ngeenhliziyweni zethu ngoMoya oCwengileko esinikelwe yena.

1 KWEBEKORINTE 15:58

Ngalokho-ke bazalwana bami abathandekako, dzimelelani. Akungabi nento eninyakazisako. Hlalani njalo nizinikele ngokupheleleko emsebenzini weKosi ngombana niyazi bonyana ukuzikhandla kwenu eKosini akusingelize.

1 KWEBEKORINTE 3:5

Ubegade ayini-ke u-Apholo loyo? UPowula yena uyini nje? Angithi sebaziinceku nje enakholwa ngazo kwaphela njengombana iKosi yabapha ngamunye umsebenzabo!

2 KWEBEKORINTE 10:1

Mina Powula ngenyama, ngiyanincenga ngobumnene nangokuthobeka kwakaKrestu, iye, mina engizithobako lokha nangiphambi kwenu, kodwana nginesibindi lokha nangingekho kini!

2 KWEBEKORINTE 11:23

Baziinceku zakaKrestu na? Ngikhuluma njengehlanya, ngiyinceku engcono kunabo. Ngisebenze ukudlula bona, ngabanjwa kanengi kunabo, ngabethwa kanenginengi begodu kube kanengi ngijika emlonyeni wokufa.

2 KWEBEKORINTE 3:6

Iye, nguye osenze sakghona njengeenceku zesivumelwano esitjha, ingasi zomthetho kodwana zakaMoya ngombana umthetho uyabulala kodwana uMoya uyaphilisa.

2 KWEBEKORINTE 4:1

Yeke, njengombana kungomusa kaZimu bona sibe nekonzo le, asililahli ithemba.

2 KWEBEKORINTE 6:1

Njengeensebenzi zakaZimu ezisebenza ndawonye, siyanincenga bona ningawamukeleli ilize umusa kaZimu

KWEBEGALATIYA 4:11

Nginevalo ngani, kobana mhlamunye ngidlale ngamandlami ngani.

KWEBEGALATIYA 5:5

Kodwana ngoMoya silinde ngokukholwa ithemba lokulungisiswa,

KWEBEGALATIYA 5:7

Beseze nigijima kuhle. Ngubani oniliyileko kobana ningasalalela iqiniso na?

KWEBEGALATIYA 6:9

Asingadinwa ukwenza okulungileko ngombana ngesikhathi esifaneleko sizakuvuna nakube asipheli amandla.

KWEBE-EFESU 1:18

Godu ngithandazela bona inga amehlo weenhliziyo zenu angavuleka ukuze nazi ithemba anibizela kilo, umnono welifa lakhe eliphazimulako kabacwengileko

KWEBE-EFESU 2:21

Kuye kuhlanganiswe umakhiwo woke, uphakame ube lithempeli elicwengileko kuSomnini.

KWEBE-EFESU 3:17

ukuze uKrestu ahlale eenhliziyweni zenu ngokukholwa. Njengombana nidzimelele benasekeleka ethandweni lakaKrestu, ngithandazela bona

KWEBE-EFESU 4:16

nokuhlangana kuye umzimba woke, ubumbane ndawonye ngamalungu woke onikelwa wona lokha isitho ngasinye nasisebenza ngendlela efaneleko, kwakheke umzimba, udzimelele ethandweni.

UDUTERONOMI 2:25

Namhlanje ngizokuthoma ukufaka ivalo ebantwini abangaphasi kwawo woke umthunzi welanga kobana banesabe. Lokha nabezwa ngeendaba zakho bazakuthuthumela bavevezele phambi kwakho.”

UDUTERONOMI 4:19

Godu nitjheje ningathi naniphakamisela amehlwenu emkayini, nanibona umkhambathi womkayi, okutjho ilanga, inyanga neenkwekwezi bese niyadurha nithome nizikhothamele nizilotjhe. Izintwezi uSomnini uZimenu uzabele boke abantu ngaphasi komthunzi welanga,

KWEBEKOLOSE 1:25

Ngenziwe isikhonzi salo ngokomsebenzi kaZimu enganikelwa wona ngani, ukuzwakalisa ilizwi lakaZimu ngokupheleleko,

KWEBEKOLOSE 2:7

nidzimelele benakhiwe kuye, niqinile ekukholweni njengombana nafundiswa, nivame ukuthokoza.

1 KWEBETHESALONIKA 3:3

ukuze kungabikho namunye wenu ozakusikinywa mitlhago le. Ngambala nina ngokwenu nazi kuhle bona lokhu ngilokho esibekelwe khona.

1 KWEBETHESALONIKA 3:5

Ngalokho-ke, kuthe nasele ngingasakghoni, ngathumela bona ngizwe ngokukholwa kwenu; bengesaba bona mhlambe umlingi unilingile nokobana umsebenzethu sele uphenduke ilize.

1 KWEBETHESALONIKA 5:8

Kodwana njengombana thina singebemini nje, asiqaqulukeni, sembathe isivikelasifuba sokukholwa nethando, isikoporo sethu kube lithemba nesindiso.

2 KWEBETHESALONIKA 2:16

Sengathi iKosethu uJesu Krestu ngokwayo noZimu uBaba wethu owasithandako bewathi ngesisa sakhe wasipha ukududuzeka okungapheliko kanye nethemba elihle,

1 UTHIMOTHI 1:12

Ngiyamthokoza uKrestu Jesu iKosethu owangipha amandla ngombana wangithemba wangibeka emsebenzinakhe,

1 UTHIMOTHI 2:7

Ngebanga lalokho ngakhethwa bona ngibe mtjhumayeli nompostoli. Ngikhuluma iqiniso, angileyi amala, iye, ngibe mfundisi wabatjhili ngokukholwa nangeqiniso.

1 UTHIMOTHI 3:16

Ngaphandle kokuzaza, yikulu ifihlo yokukholwa kwethu ethi: Owazibonakalisa enyameni, walungisiswa ngoMoya, wabonwa ziingilozi, wamenyezelwa hlangana nabatjhili, ephasini abantu bakholwa kuye, wenyuselwa ephazimulweni.

UTITOSI 3:7

ukuze kuthi sesilungisisiwe ngomusa wakhe, sibe ziindlalifa ngokwethemba lokuphila okungapheliko.

AMAHEBHERU 10:38

Olungileko wami uzakuphila ngokukholwa; kodwana nangabe uhlehlela emuva; umphefumulwami awuzukuthokoza ngaye.”

AMAHEBHERU 3:14

ngombana sesibahlanganyeli noKrestu, nangabe kwaphela sibambelela ethembeni lethu bekube sekupheleni.

AMAHEBHERU 3:6

UKrestu njengeNdodana bekathembekile endlini kaZimu. Thina-ke siyindlu yakhe nangabe sihlala njalo sibambelele ethembeni esizibuka ngalo.

AMAHEBHERU 4:14

Njengombana sinomphristi omkhulu owadabula amazulu, uJesu iNdodana kaZimu, asibambeleleni siqine ekukholweni kwethu esikuvumako

AMAHEBHERU 6:19

Iye, ithembeli sinalo, liliqiniso nobudzimelelo bomphefumulo, kulithemba elingena endaweni ecwenge khulu ngemva kwetjhila lesisitho,

1 UPITROSI 1:3

Akadunyiswe uZimu uYise weKosethu uJesu Krestu, owathi ngomusa wakhe omkhulu wasipha ukubelethwa kabutjha ethembeni eliphilako ngokuvuswa kwakaJesu Krestu kabafileko,

1 UPITROSI 1:5

iye, nina enilondwa mamandla kaZimu ngokukholwa kube kusindiswa esele kulungele ukwembulwa ngesikhathi sokuphela.

1 UJWANISI 2:27

Nakungini, izeso enalamukela kuye lihlala kini, ngalokho anidingi kobana nanyana ngubani anifundise. Kodwana njengombana izeso lakhe linifundisa ngezinto zoke, kuliqiniso akusiwo amanga, yeke njengombana linifundisile, hlalani kuye.

ISAMBULO 2:10

Ungesabi lokho ozakuhlupheka ngakho. Yelela, uSathana usazokudlhunya abanye benu ngesikhungweni ukuze nizizinywe, nibe nobudisi amalanga alitjhumi. Thembeka bekube sekufeni, ngizakupha isihlohlo sokuphila.