KWEBEKOLOSE 1:16 - IsiNdebele 2012 Translation

¹⁶ ngombana koke kwabunjwa ngaye: okusezulwini nephasinapha, okubonakalako nokungabonakaliko, kungaba mibuso namkha ubukhosi namkha ababusi neemphathimandla. Koke kwabunjwa ngaye, kwabunjelwa yena.

KWEBEKOLOSE 1:16 Iomraidhean Croise

1 IINKRONIKE 29:11

Iye Somnini, ubukhulu namandla ngekwakho, idumo, iphazimulo nobukhosi ngekwakho ngombana koke okusezulwini nephasini kungekwakho. Iye, Somnini, umbuso ungewakho, wena Somnini uphakamile, uyihloko yakho koke.

UNERHEMIYA 9:6

Wena wedwa unguSomnini. Nguwe owenze izulu, iye, izulu lamazulu kanye nazo zoke iinkhanyisi zalo. Wenze iphasi nakho koke okukilo, amalwandle kanye nakho koke okukiwo. Nguwe ophilisa koke lokho, kanti-ke neendalwa zezulu zikhothamela wena.

IZAGA 16:4

USomnini wenze koke kwaba nomnqopho, iye, nokhohlakeleko umenzele ilanga lehlekelele.

U-ISAYA 43:21

abantu engazibumbela bona bonyana bamemezele idumo lami.”

U-ISAYA 44:24

Nakhu okutjhiwo nguSomnini umhlengakho, owakubumba ngaphakathi kwesibeletho, uthi: “NginguSomnini owenza zoke izinto, ngimi ngedwa owathabulula amazulu, ngaqhisa iphasi.”

UJWANISI 1:10

ULizwi bekakhona ephasini begodu iphasi ladalwa ngaye, kodwana iphasi azange khelimazi.

UJWANISI 1:3

Koke kwavela ngaye. Akukho nokukodwa okwabunjwa ngaphandle kwakhe.

KWEBEROMA 11:36

Ngambala zoke izinto zavela kuye, zavela ngaye begodu zingezakhe. Akube kuye idumo ngokungapheliko! Amen.

KWEBEROMA 8:38

Nje-ke ngineqiniso lokobana akunalitho, nanyana kungaba kukufa, kuphila, ziingilozi, babusi, zizinto ezikhona, zizinto ezizakubakhona, mibuso,

KWEBEROMA 9:5

Bayinzalo yabokhokho lapha kuvela khona uMesiya ngokwenyama, ongikho koke, obusiswe nguZimu isiphelani. Amen.

1 KWEBEKORINTE 8:6

nokho kithi munye uZimu, uBaba, okuvela kuye zoke izinto begodu nesiphilela yena; yinye kwaphela iKosi, nguJesu Krestu, ngaye okwavela koke okukhona begodu nesiphila ngaye.

KWEBE-EFESU 1:10

njengehlelo lokupheleliswa kweenkhathi, ukuhlanganisa zoke izinto kuye, iye, izinto ezisezulwini nezisephasini.

KWEBE-EFESU 6:12

ngombana asibindani nenyama neengazi, kodwana sibindana nababusi, iimphathimandla, imibuso yephasi elisemnyameneli kanye nemibutho yemimoya emimbi esemkayini.

UDUTERONOMI 4:39

Yazini-ke namhlanje, nikufake eenhliziyweni zenu kobana uSomnini unguZimu ezulwini phezulu nephasini phasi, akakho omunye!

KWEBEFILIPI 2:10

ukuze kuthi ebizweni lakaJesu, woke amadolo aguqe, walabo abasezulwini, abasephasini nabangaphasi kwephasi,

KWEBEKOLOSE 1:15

UKrestu umfanekiso wakaZimu ongabonakaliko, ulizibulo lakho koke okubunjiweko

KWEBEKOLOSE 1:20

ukuze kuthi ngaye abuyisele koke kuye nanyana kungaba ngokusephasini namkha okusezulwini, ngokwenza ukuthula ngeengazi zakhe ezathululwa esiphambanweni.

KWEBEKOLOSE 2:10

Ngalokho-ke nani seniphelelisiwe kuye oyihloko yemibuso neyamandla woke.

KWEBEKOLOSE 2:15

Wamuka ababusi neemphathimandla iinhlabano zabo wabenza ihlaya etjhatjhalazini, wabahlula esiphambanweni.

AMAHEBHERU 1:2

kodwana ngemihla yokuphela le ukhulume nathi ngeNdodana ayibeke bona ibe yindlalifa yezinto zoke, yona abumba ngayo izulu nephasi.

AMAHEBHERU 2:10

Koke kukhona ngoZimu begodu kungokwakhe. Nje-ke lokha nakaqunta ukurholela inengi labantwana bakhe ephazimulwenakhe kwafaneleka bona enze umsindisi wabo abe ngopheleleko ngokuhlupheka.

1 UPITROSI 3:22

osele anyukela ezulwini, uhlezi ngesidleni sakaZimu, kubekwe ngaphasi kwakhe iingilozi, iimphathimandla nemibuso.