KWEBEFILIPI 4:8 - IsiNdebele 2012 Translation

⁸ Kokugcina bazalwana nanyana yini eliqiniso, ehloniphekako, elungileko, emsulwa, ethokozisako, eyazisako, iye, nakukhona ubuhle begodu nakukhona nanyana yini efanele idunyiswe, zindlani ngayo.

KWEBEFILIPI 4:8 Iomraidhean Croise

UGENESISI 18:19

Iye, ngimkhethe bona ayale abantwabakhe neenzukulwana zakhe emva kwakhe bonyana babulunge iindlela zami ukuze benze okufaneleko nokulungileko. Khona-ke ngizakwenzela u-Abrahamu engimthembise khona.”

2 USAMYELA 1:23

USawula noJonathani bebathandeka begodu bebaligugu nabasaphilako, nekufeni akhange bahlukane. Bebanebelo ukudlula amadlanga, banamandla ukudlula amabhubezi.

2 USAMYELA 23:3

UZimu ka-Israyeli wakhuluma, iDwala laka-Israyeli lathi kimi: Obusa abantu ngokulunga, obusa ngokwesaba uZimu,

AMARHUBO 82:2

Mina Somnini ngathi kibozinyana, “Kuzabe kube nini nigweba ngokungakalungi, nikhetha ubuso beenkhohlakali na?

IZAGA 11:1

Isilinganiso samanga sisinyenyiso kuSomnini, kodwana ujabulela amatje afaneleko wokulinganisa.

IZAGA 12:4

Umfazi oqotho unjengesihlohlo endodenakhe, kodwana ohlazisako unjengesidliso emathanjenayo.

IZAGA 16:11

Isilinganiso namatje wokulinganisa afaneleko abuya kuSomnini; iye, woke amatje wokulinganisa angemgodleni ngewakhe.

IZAGA 20:7

Olungileko ukhamba ngobuqotho, babusisiwe abantwabakhe abamlandelako!

IZAGA 31:10

Ngubani ongafumana umfazi onezandla? Inani lakhe lidlula amaparele.

IZAGA 31:29

“Banengi abafazi abanezandla, kodwana wena mkami, ubadlula boke.”

IZAGA 31:31

Mnikeleni umvuzo wezandla zakhe, kuthi imisebenzakhe imdumise esangweni ledorobho.

INGOMA YEENGOMA 5:16

Umlomaso ubumnandi ngokwawo; sihle koke. Sinjalo-ke isithandwa sami, unjalo umnganami, nina ntombi zeJerusalema.

U-ISAYA 26:7

Indlela yabalungileko ilelezekile, Somnini wenza umzilabo unqophe.

UMATEWU 22:16

Bathumela abafundi babo kuye bakhambisana nebakaHerode bathi: “Mfundisi, siyazi bona umumuntu oqotho nokobana ufundisa indlela kaZimu ngokuya ngeqiniso. Awuyi ngabantu ngombana awukhethi ubuso.

UMARKOSI 6:20

ngombana uHerode ubegade esaba uJwanisi begodu amvikela ngokwazi bona uyindoda elungileko necwengileko. Yeke bekuthi uHerode nezwa uJwanisi akhuluma, arareke khulu kodwana ubegade athanda ukumlalela.

ULUKASI 16:15

UJesu wathi kibo: “Nina nizenza abalungileko phambi kwamehlo wabantu, kodwana uZimu wazi iinhliziyo zenu. Lokho abantu abakuthathela phezulu, kusinyenyiso phambi kwakaZimu.

ULUKASI 2:25

Bekunendoda eJerusalema, ibizo layo linguSimeyoni. Beyilungile begodu yesaba uZimu. Begade ilindele induduzo ka-Israyeli, yeke uMoya oCwengileko gade uphezu kwayo.

ULUKASI 23:50

Bekunendoda ebekuthiwa nguJosefa, alilunga lesigungu begodu ayindoda elungileko neqotho.

UJWANISI 7:18

Umuntu ozikhulumela ngeyakhe intando, ulinga ukuzizuzela idumo. Kodwana osebenzela idumo laloyo omthumileko umumuntu weqiniso, akukho okumamanga ngaye.

IZENZO ZABAPOSTOLI 10:22

Aphendula athi: “Umphathimabutho, uKorneliyasi usithumile. Uyindoda eqotho eyesaba uZimu begodu ukhulunywa kuhle esizweni soke samaJuda. Uyalwe yingilozi ecwengileko bona akumemele emzinakhe ukuze ezwe bonyana umphathele ndaba bani.”

IZENZO ZABAPOSTOLI 22:12

“Umuntu ekuthiwa ngu-Ananiyasi, indoda egade ilandela umthetho ngokupheleleko nekhulunywa kuhle maJuda ahlala lapho,

IZENZO ZABAPOSTOLI 6:3

Alo-ke bafowethu, khethani hlangana nani amadoda alikhomba okwaziwa bona azele uMoya oCwengileko nobuhlakani, siwabeke bona ibe ngiwo aqala umsebenzi lo.

KWEBEROMA 13:13

Asiziphatheni ngokuhloniphekileko njengemini, kungabi ngokurhiribidela nokudakwa, kungabi ngobufebe nangamanyala begodu kungabi ngokucabana nangomona.

KWEBEROMA 13:3

Ababusi abesabeki kilabo abaziphethe kuhle kodwana besabeka kilabo abaziphethe kumbi. Ungathanda bona ungabi nevalo nawubona isiphathimandla na? Khona-ke yenza okulungileko, sizakudumisa

KWEBEROMA 14:18

Nje-ke loyo olotjha uKrestu, wamukelekile kuZimu begodu nabantu bayamvuma.

KWEBEROMA 2:29

Kodwana umuntu uba mJuda ngaphakathi, ngokunjalo nokusoka kwamambala ngokwehliziyo, kuyinto kaMoya, akusingokwenyama. Umuntu onjalo ufunyana idumo kuZimu, ingasi ebantwini.

1 KWEBEKORINTE 4:5

Ngalokho-ke ningagwebi ilitho kungakafiki isikhathi, lindani bekufike iKosi. Yona izokuveza emkhanyweni koke okufihlwe ebumnyameni beyembule neenhloso zeenhliziyo zabantu. Ngesikhatheso uZimu uzokwamukelisa omunye nomunye ukuthokozwa okumfaneleko.

2 KWEBEKORINTE 13:7

Sithandaza kuZimu bona ningenzi ilitho elingakalungi. Ingasi bona sibonakalise ebantwini bonyana siphumelele ihlolo, kodwana kobana nenze okulungileko ngitjho nanyana kubonakala inga sibhalelwe.

2 KWEBEKORINTE 6:8

Ekuhlonitjhweni nekurhubutjhweni, ebumbini nebumnandini. Siphathwa njengabakhohlisi nanyana sineqiniso nje;

2 KWEBEKORINTE 8:18

Simthumela kinapho kanye nomzalwana odumileko hlangana nawo woke amabandla ngokutjhumayela kwakhe ivangeli.

2 KWEBEKORINTE 8:21

Sibinge bona senze okufaneleko, ingasi phambi kwakaZimu kwaphela kodwana naphambi kwabantu.

KWEBEGALATIYA 5:22

Kodwana iinthelo zakaMoya zilithando, kujabula, kuthula, kubekezela, kulunga, kukwethembeka,

KWEBE-EFESU 4:25

Yeke lisani amanga, ngiloyo naloyo akhulume iqiniso nomakhelwanakhe ngombana soke simalungu womzimba munye.

KWEBE-EFESU 5:9

ngombana isithelo sokukhanya sinabo boke ubuhle, ukulunga neqiniso

KWEBE-EFESU 6:14

Dzimelelani-ke, nizibophe ngebhande leqiniso edinini, ukulunga kube sivikelo senu sesifuba,

UDUTERONOMI 16:20

Yenzani ubulungiswa kwaphela ukuze niphile benizuze inarha eniyiphiwa nguSomnini uZimenu.

KWEBEFILIPI 3:1

Kokugcina bazalwana, thabani eKosini. Ukubuyelela ukunitlolela ebenginitlolele khona phambilini akungikhathazi, kodwana kukulondeka kini.

KWEBEKOLOSE 4:5

Ziphatheni ngokuhlakanipha ebantwini abatjhili, nisebenzise kuhle loke ithuba eninalo.

1 KWEBETHESALONIKA 4:12

ukuze niziphathe kuhle kabatjhili, ningazesami ngabanye abantu.

1 UTHIMOTHI 2:2

amakhosi nazo zoke iimphathimandla ukuze siphile kuhle nangokuthula, sikhambe ngakho koke ukwesaba uZimu nangokuhlonipheka.

1 UTHIMOTHI 3:11

Ngokunjalo-ke nabafazi kufanele bahlonipheke, bangabi ngabahlebako kodwana babe nommoya ophasi, bathembeke kikho koke.

1 UTHIMOTHI 3:4

Abe ngowazi ukuphatha umzakhe kuhle nabantwana bakhe balawuleke babe nehlonipho.

1 UTHIMOTHI 4:12

Akungabikhona umuntu onyaza ubutjha bakho, kodwana yiba sibonelo kabakholwako ngokukhuluma nangokuziphatha, ngethando, ngokukholwa nangepilo emsulwa.

1 UTHIMOTHI 5:10

nakube akanayo imisebenzi emihle njengokukhulisa kuhle abantwana, ukuphatha kuhle abayeni, ukuqopha iinyawo zabacwengileko, ukusiza abahlunguphaziweko nokuzinikela ekwenzeni okuhle nanyana ngayiphi indlela.

1 UTHIMOTHI 5:2

abadala abasikazi ubaphathe njengabonyoko kuthi abasesebatjha ubaphathe njengabodadwenu ngobumsulwa obupheleleko.

UTITOSI 1:8

kunalokho kufanele abe ngophatha kuhle abayeni, othanda okulungileko, oziphethe kuhle, oqotho, ohlanzekileko nozikhalimako.

UTITOSI 2:14

owazinikela ngebanga lethu ukuze asihlenge ekukhohlakaleni koke, azihlambululele abantu bakhe abatjhisekela imisebenzi emihle.

UTITOSI 2:2

Tjela amadoda amadala bona abe nesizotha, ahlonipheke, abe ngabhadlileko, azwisiseke ekukholweni okuphilileko, ethandweni nekunyamezeleni.

UTITOSI 2:7

Wena-ke zibonakalise kikho koke usibonelo semisebenzi emihle; ekufundiseni kwakho ubonise ubuqotho nokuncama,

UTITOSI 3:14

Abantu bethu kufanele bafunde ukuzinikela ekwenzeni imisebenzi emihle, khona bazakwazi ukusiza lapho kuhlongeka khona, bangabi ngabanganazo iinthelo.

AMAHEBHERU 11:2

Ngakho abokhokho bamukela ubufakazi obuhle.

AMAHEBHERU 13:18

Sithandazelani ngombana siyazi bona sinesazela esimsulwa begodu sithanda bona siphile ipilo ehloniphekileko kikho koke.

UJAKOPO 1:27

Ukukholwa okumsulwa nokungikho phambi kwakaZimu onguBaba ngilokhu: kukhambela iintandani nabahlolokazi ekubandezelekeni kwabo nokuzilonda ungasilaphazwa liphasi.

UJAKOPO 3:17

Kodwana ubuhlakani obuvela ezulwini, kokuthoma nje bumsulwa, bunokuthula, bunobumnene, buthobekile, bunobubele neenthelo ezihle, abunakuzaza nokuzenzisa.

1 UPITROSI 1:22

Nje-ke, njengombana senihlambulule imiphefumulwenu ngokuthobela iqiniso ukuze nibe nobudlelwano bethando lamambala kubazalwana benu, yeke thandanani omunye nomunye ngehliziyo epheleleko.

1 UPITROSI 2:12

Philani ipilo elungileko hlangana nabangakholwako ukuze kuthi nanyana banisola ngokwenza okumbi, babone imisebenzenu emihle badumise uZimu ngelanga lamatlhuwo.

1 UPITROSI 4:8

Kikho koke lokhu, thandanani ngombana ithando lisibekela izono ezinengi.

2 UPITROSI 3:1

Bathandekako, le sele kuyincwadi yesibili enginitlolele yona. Kizo zombili ngilingile ukuvusa imicabango yenu ehluzekileko ngokunikhumbuza;

1 UJWANISI 3:18

Bantwana, asingabi nethando ngamezwi namkha ngekulumo kodwana ngeqiniso nangezenzo.

1 UJWANISI 3:3

Ngiloyo naloyo onethemba leli kuye uyazihlambulula njengombana yena ahlambulukile.

1 UJWANISI 4:1

Bathandekako ningakholwa yoke imimoya, kodwana hlolisisani nakube ivela kuZimu ngombana banengi abaphorofidi bamanga abaphumele ephasini.

URUTE 3:11

Yeke ungesabi, ndodakazami; ngizokwenzela koke okubawako. Zoke iinhlobo zami emzinapha ziyazi bonyana umfazi ovuthiweko.