KWEBEFILIPI 4:6 - IsiNdebele 2012 Translation

⁶ Ningakhathazeki ngalitho kodwana kikho koke, iimbawo zenu azaziwe nguZimu ngomthandazo nangokuncenga okunokuthokoza.

KWEBEFILIPI 4:6 Iomraidhean Croise

1 AMAKHOSI 8:28

Nanyana kunjalo Somnini, Zimami, nokho bengithi uSomnini akatjheje umthandazo wencekwakhe kanye nesibawo sayo sesirhawu. Lalela isililo kanye nomthandazo othandazwa yincekwakho phambi kwakho namhlanjesi.

2 IINKRONIKE 32:20

Ikosi uHezekhiya kanye nomphorofidi u-Isaya umsa ka-Amosi balilela uZimu ezulwini ngomthandazo ngendaba le.

AMARHUBO 51:15

Ngifuna ukufundisa abaphambukako iindlela zakho ukuze izoni ziphendukele kuwe.

AMARHUBO 55:17

Mina ngilila kuZimu, nje-ke uSomnini uzangisindisa.

AMARHUBO 55:22

Ilimu lakhe libutjhelelezi kunamafutha wepehlo, kodwana ihliziywakhe inelunya; amezwakhe athambile kunamafutha, kodwana ayisabula erhwatjhiweko.

AMARHUBO 62:8

KukuZimu ukusindiswa nokwaziwa kwami; idwala lobuphephelo nerholo lami nguZimu.

IZAGA 15:8

Umhlabelo weenkhohlakali usinyenyiso kuSomnini, kodwana uthokoziswa mthandazo wabaqotho.

IZAGA 16:3

Nawunikela okwenzako kuSomnini, amasu wakho azakuphumelela.

INGOMA YEENGOMA 2:14

Zuba lami elisemipharwini yedwala, endaweni esithekileko yeliwa akhese ungitjengise ubuso bakho, ngizwise iphimbo lakho! Kazi iphimbo lakho libutjhelelezi nobuswana bakho buyakarisa.

UJOROMIYA 32:16

“Ngemva kobana nginikele uBharurhu umsa kaNeriya isivumelwano sentengo, ngathandaza kuSomnini:

UJOROMIYA 33:3

‘Nawungibizako, ngizakuphendula bengikutjele izinto ezikulu nezifihlakeleko ongazaziko.’

UDANYELA 3:16

UTjhedreke, uMitjhaka no-Abhedinigo baphendula ikosi bathi: “Nebukadinetsari, akudingeki bona thina sikuphendule ngendaba le.

UDANYELA 6:10

Kuthe lokha uDanyela nalemuka bonyana incwadi itlikitliwe, wenza njengesiqhelo: Wangena ngendlinakhe waya elawini elingehla, elinefesidere elivulekela nca ngeJerusalema. Waguqa kathathu ngelanga wathandaza athokoza uZimakhe.

UMATEWU 10:19

Lokha nabanibambako, ningakhathazeki kobana nizokuthini namkha niyibeke njani indaba, nakufika isikhathi nizanikukelwa bona nithini

UMATEWU 13:22

Owamukela imbewu eyawela hlangana nameva ngiloyo ozwa ilizwi, kodwana amatshwenyeko wepilo le, kanye nokuyengwa bugwili, kwayiminyanisa bekwayenza yangaba neenthelo.

UMATEWU 6:34

Yeke ningakhathazeki ngelingomuso ngombana ilingomuso lizakukhathalela kwalo. Elinye nelinye ilanga lineenkathazo zalo ezaneleko.”

UMATEWU 6:8

Ningabi njengabo ngombana uYihlo wazi enikudingako ningakambawi.

ULUKASI 10:41

IKosi yamphendula yathi: “Marta, Marta-ke! Ukhathazeka bewuwurubajeke ngezinto ezinengi,

ULUKASI 12:22

UJesu wathi ebafundini bakhe: “Yeke-ke ngiyanitjela bona ningatshwenyeki ngepilwenu ukobana nizokugomani namkha nitshwenyeke ngemizimbeni ukobana nizokwembathani.

ULUKASI 12:29

“Yeke ningabeki iinhliziyo zenu ekuthini nizagomani namkha niseleni, ningatshwenyeki ngalokho

ULUKASI 18:1

Yeke uJesu watjela abafundi bakhe umfanekiso abakhombisa bonyana bafanele bahlale bathandaza njalo bangapheli amandla.

ULUKASI 18:7

Alo, nithi uZimu angeze abazwela abakhethiweko bakhe, abalilela kuye imini nobusuku na? Uzalokhu abaphayela ngeqadi na?

1 KWEBEKORINTE 7:21

Bewulikhoboka lokha nawubizwako na? Akungakutshwenyi lokho, nanyana-ke nange unethuba lokukhululeka kuhle bona wenze njalo.

1 KWEBEKORINTE 7:32

Ngifuna bona ningatshwenyeki ngalitho. Indoda engakathathi ikhathalela iindaba zeKosi, ifuna ukwazi bona ingayithabisa njani iKosi.

2 KWEBEKORINTE 1:11

njengombana nani nihlanganyele ekusisizeni ngemithandazo yenu. Nje-ke abanengi bazasithokozela malungana nomusa ongaka esiwuphiwe ngemithandazo yabanengi.

KWEBE-EFESU 5:20

nihlale njalo nithokoza uZimu uBaba ngakho koke, ebizweni leKosethu uKrestu Jesu.

KWEBE-EFESU 6:18

Thandazani nikuMoya ngeenkhathi zoke ngayo yoke imihlobohlobo yemithandazo kanye neembawo. Nisakhumbule lokho, yelelani begodu ngeenkhathi zoke hlalani nithandazela boke abacwengileko.

KWEBEKOLOSE 3:15

Ukuthula kwakaKrestu akubuse eenhliziyweni zenu, iye lokho enabizelwa kikho emzimbeni munye. Begodu yibani nokuthokoza.

KWEBEKOLOSE 3:17

Koke enikwenzako, kungaba ngelizwi namkha ngezenzo, kwenzeni koke ebizweni leKosi uJesu, ngayo nithokoze uZimu uBaba.

KWEBEKOLOSE 4:2

Zinikeleni ngokupheleleko emthandazweni, nilinde kiwo ngokuthokoza.

1 UTHIMOTHI 2:1

Kokuthoma ngiyabawa bona ukuncenga, ukuthandaza, ukubawela abanye nokuthokoza kwenzelwe abantu boke,

1 UTHIMOTHI 5:5

Umhlolokazi onganabani, osele asele yedwa, ubeke ithemba lakhe kuZimu, uhlala ekuncengeni nekuthandazeni ubusuku nemini.

1 UPITROSI 4:7

Ukuphela kwezinto zoke kubandamele, yeke ncamani nizikhuze ukuze nikwazi ukuthandaza.

1 UPITROSI 5:7

Fumbelani woke amatshwenyeko wenu kuye ngombana yena uyanikhathalela.

1 USAMYELA 1:15

UHana waphendula wathi: “Awa kosami! Ngimfazi onommoya owurubajekileko. Angikaseli iwayini nanyana utjwala. Bengizibubula phambi kwakaSomnini.

1 USAMYELA 30:6

UDavida gade asengozini ngombana abantu bebakhuluma ngokumkhanda ngamatje. Woke umuntu gade abilile emmoyeni ngebanga lamadodanabo namadodakazabo. Kodwana uDavida wafunyana amandla kuSomnini uZimakhe.

1 USAMYELA 7:12

USamyela wathatha ilitje walijamisa phakathi kweMitsipha neTjheni. Walithiya ibizo wathi yi-Ebheni-Ezeri asithi: “Bekube lapha uSomnini usisizile.”