KWEBEFILIPI 2:6 - IsiNdebele 2012 Translation

⁶ owathi nanyana gade anejamo lakaZimu, azange azilinganise noZimu njengento yokuphangwa.

KWEBEFILIPI 2:6 Iomraidhean Croise

U-ISAYA 7:14

Ngalokho-ke, uSomandla ngokwakhe uzonenzela isibonakaliso: Qala, iqhakazana lisidisi, lizakubeletha indodana, liyithiye ibizo bona ngu-Imanuweli.

U-ISAYA 8:8

Izakukhiphizela iphalalele kwaJuda, irhurhule ukufikela entanyeni. Ngambala, amaphethelo wamanzi azakunaba agcwale ububanzi benarhakho, wena Imanuweli!”

U-ISAYA 9:6

Mbala, sibelethelwe umntwana, siphiwe indodana. Umbuso uzakuba semahlombayo, izakubizwa bona nguMlulekimmangalisi, uZimumandla, uBabasiphelani noKosikuthula,

UJOROMIYA 23:6

Emihlenakhe uJuda uzakusindiswa bese u-Israyeli aphile ngokuphepha. Nanti ibizo azakubizwa ngalo: USomnini ukulunga kithi.”

UMIKHA 5:2

Nje-ke uSomnini uzakunikela abantu beJerusalema ezandleni zezitha; kufikela lapha kubelethwa khona othileko, bese abafowabo abasekuthunjweni babuye bazihlanganise namanye ama-Israyeli.

UZAKARIYA 13:7

USomnini uMninimandlawoke uthi: “Phaphama wena sabula, ujamelane nomelusami; iye, ujamelane nomrholi webandla lami. Kghedlha umelusi ukuze izimvu ziphadlhalale. Ngizakujika isandla sami sibe naphezu kokuncancazana.

UMATEWU 1:23

“Qala, itlawu lizakuba sidisi, libelethe indodana; izakubizwa bona ngu-Imanuweli.” Nakutjhugululwako lokhu kutjho bona “uZimu unathi”.

UJWANISI 1:18

Akakho noyedwa owakhe wabona uZimu, ngaphandle kweNdodanakhe ebelethwe yodwa esesifubeni sakaYise, ngiyo kwaphela embonakalisileko.

UJWANISI 10:30

Mina noBaba simunye.”

UJWANISI 10:33

Bamphendula bathi: “Akusingebanga lento nayinye yalezi esenza sikukhande, kodwana kungebanga lokuhlambalaza ngombana umumuntu nje, nalapho uzenza uZimu!”

UJWANISI 10:38

Kodwana nangabe ngiyayenza, nanyana ningakholwa mina, okungasenani-ke kholwani izenzo, khona nizakwazi benizwisise bonyana uBaba ukimi nami ngikuye.”

UJWANISI 14:28

Ningizwile ngisithi kini, ‘Ngiyakhamba kodwana ngizakubuya kini.’ Ngathana beningithanda, benizokuthaba bona ngiya kuBaba ngombana uBaba mkhulu kunami.

UJWANISI 14:9

UJesu waphendula wathi: “Isikhathi eside benginani Flebhe, utjho bona awungazi na? Loyo ongibonileko, ubone uBaba. Utjho njani bona, ‘Sikhombisa uBaba’ na?

UJWANISI 17:5

Kwanjesi Baba, ngiphazimulise phambi kwakho ngephazimulo egade nginayo kuwe iphasi lingakabi ukubakhona.

UJWANISI 20:28

UTomasi wamphendula wathi: “Kosami, Zimami!”

UJWANISI 5:18

Ngokutjho lokho kwarhagalisa amaJuda bona afune ukumbulala ingasingombana wephule iSabatha kwaphela, kodwana ngombana ubize uZimu ngoyise, ngebangelo uzenze bona alingane noZimu.

UJWANISI 5:23

ukuze boke bahloniphe iNdodana njengombana bahlonipha uYise. Ngiloyo naloyo ongahloniphi iNdodana akamhloniphi noYise oyithumileko.

KWEBEROMA 9:5

Bayinzalo yabokhokho lapha kuvela khona uMesiya ngokwenyama, ongikho koke, obusiswe nguZimu isiphelani. Amen.

2 KWEBEKORINTE 4:4

Uzimu wesikhathesi ufiphaze imikhumbulo yabangakholwako ukuze bangaboni umkhanyo wevangeli lephazimulo kaKrestu omfuziselo kaZimu.

2 KWEBEKORINTE 8:9

Niyawazi umusa weKosi yethu uJesu Krestu kobana nanyana bekanjingile, kodwana ngebanga lenu waba sichaka ukuze kuthi ngobuchaka bakhe nina ninjinge.

1 UTHIMOTHI 1:17

Kiyo iKosi yesiphelani, engasoze yafa, engabonwako, enguZimu yedwa, akube lidumo nephazimulo nini nanini. Amen.

1 UTHIMOTHI 3:16

Ngaphandle kokuzaza, yikulu ifihlo yokukholwa kwethu ethi: Owazibonakalisa enyameni, walungisiswa ngoMoya, wabonwa ziingilozi, wamenyezelwa hlangana nabatjhili, ephasini abantu bakholwa kuye, wenyuselwa ephazimulweni.

UTITOSI 2:13

Iye, lokho sikwenze nasilokhu sisalindele ithemba elibusisiweko nokwambulwa kwephazimulo kaZimethu omkhulu noMsindisi wethu uJesu Krestu,

AMAHEBHERU 1:3

Yona isibonakaliso sephazimulo kaZimu nomfuziselo wamambala wobuyena bakhe; iphethe izinto zoke ngelizwi layo elinamandla. Lapho sele ikwenzile ukuhlanjululwa kwezono, yahlala ngesigomeni sakaSomandla ezulwini.

AMAHEBHERU 1:6

Godu kwathi lokha uZimu nakaletha izibulo lakhe ephasinapha, wathi: “Zoke iingilozi zakaZimu azililotjhe.”

AMAHEBHERU 1:8

Kodwana ngeNdodana uthi: “Isihlalo sakho, Zimu, ngesanini nanini nokulunga kuzakuba yintonga yobukhosi bakho.

AMAHEBHERU 13:8

UJesu Krestu unguye izolo, namhlanje nanini nanini.

ISAMBULO 21:6

Nje-ke wathi kimi: “Sekwenziwe! Mina ngingu-Alfa no-Omega, ukuthoma nokuphela. Owomileko ngizamseza amanzi ngesihle emthonjeni wamanzi wokuphila.