KWEBEFILIPI 2:15 - IsiNdebele 2012 Translation

¹⁵ ukuze ningasoleki begodu nibe msulwa, nibe bantwana bakaZimu abanganabala hlangana nesizukulwana esiphambeneko nesikhohlakeleko, eniphazima hlangana naso njengeenkwekwezi ephasini.

KWEBEFILIPI 2:15 Iomraidhean Croise

AMARHUBO 122:5

EJerusalema kuneenhlalo zokugweba, iye, iinhlalo zendlu kaDavida.

U-EKSODUSI 34:35

ama-Israyeli aphele abona bonyana ubuso bakaMosi buyaphazimula. Yeke uMosi gade azigubuzesa ngesiyaya godu kufikela lapha ayokhuluma khona noSomnini.

IZAGA 4:18

Umzila wabalungileko ufana nomkhanyo welanga: Ukusukela ekuphumeni kwalo, umkhanyo lo ukhanya ukuya ngokuya bekube semini.

IZAGA 8:8

Woke amezwi womlomami alungile, alikho nalinye lawo eligwegwesileko namkha elonakeleko.

U-ISAYA 60:1

“Vuka ukhanye wena Jerusalema ngombana ukukhanya kwakho kuyeza; iphazimulo kaSomnini idarhile phezu kwakho.

UDANYELA 6:4

Lokho kwabangela abomengameli nababusi bona bafune isibambelelo sokumangalela uDanyela mayelana neendaba zombuso. Kodwana akhange bafunyane isibambelelo sokumumangalela namkha sesenzo sobukhohlakali ngombana bekathembekile begodu akhange kufunyanwe ubutjhapha namkha isici kuye.

UMATEWU 10:16

“Qalani, nginithuma njengezimvu hlangana neempisi. Ngalokho hlakaniphani njengeenyoka, nibe msulwa njengamazuba.

UMATEWU 17:17

UJesu waphendula wathi: “Maye, nina sizukulwana esingakholwako nesonakeleko! Ngizokuhlala nani bekube kunini na? Kuzabe kube nini ngininyamezelela na? Letha indodana leyo kimapha!”

UMATEWU 5:45

ukuze nibe bantwana bakaYihlo osezulwini ngombana wenza ilanga lakhe liphumele abambi nabalungileko, anise nezulu kabalungileko nabakhohlakeleko.

UMATEWU 5:48

Yeke yibani ngabapheleleko njengombana noYihlo osezulwini aphelele!”

ULUKASI 1:6

Bobabili bebalungile phambi koZimu, balandela yoke imiyalo neemiso zakaSomnini.

ULUKASI 6:35

Nje-ke nina thandani izitha zenu nizenzele okulungileko, zibolekeni ningafuni imbuyiselo. Yeke umvuzo wenu uzakuba mkhulu bese niba madodana wongoPhezulu ngombana yena ulungile kilabo abangathokoziko nabakhohlakeleko.

UJWANISI 5:35

UJwanisi bekanjengesibani, sivutha sikhanyisa, navuma isikhatjhana ukuzitika ngomkhanyo wakhe.

IZENZO ZABAPOSTOLI 2:40

Wafakaza nangamanye amezwi amanengi wabakhalima wathi: “Zisindiseni nina ngokwenu esizukulwaneni esonakelekwesi!”

IZENZO ZABAPOSTOLI 20:30

Ngitjho naphakathi kwenu kuzakuvela abanye abahlanakezela iqiniso ukuze bawunge abafundi babalandele.

KWEBEROMA 16:19

Boke sebezwile ngokuzithoba kwenu, nje-ke ngithabe khulu kwamambala ngani. Kodwana ngithanda bona nihlakaniphe kokuhle, nibe msulwa kokumbi.

1 KWEBEKORINTE 1:8

IKosi izoniqinisa bekube sekupheleni ukuze ningabi nomlandu ngelanga leKosi yethu uJesu Krestu.

2 KWEBEKORINTE 6:17

Ngalokho-ke: “Phumani phakathi kwabo, nizahlukanise nabo; ningathinti ilitho elisilapheleko, yeke ngizakuza kini. Kutjho uSomnini.

KWEBE-EFESU 5:27

begodu waliletha kuye lilibandla elinephazimulo, elinganachaphazi, ukutjhwabana namkha umphambo wananyana yini kodwana licwengile begodu limsulwa.

UDUTERONOMI 32:5

Kodwana abantwabakhe baziphethe ngameswe, kusukela kwakade basizukulwana esiphambeneko nesikhohlakeleko.

KWEBEFILIPI 1:10

ukuze nikwazi ukuhlolisisa okulungileko, nibe msulwa beningasoleki bekube lilanga lakaKrestu.

KWEBEFILIPI 3:6

Ngokokutjhisekela, ngingowazumana nebandla, nakukulungisiswa ngokomthetho, ngimsulwa.

1 KWEBETHESALONIKA 5:23

Sengathi uZimu wokuthula ngokwakhe anganicwengisa ngokupheleleko, ummoya wenu, umkhumbulo kanye nomzimba wenu ulondeke begodu ube msulwa ekubuyeni kweKosethu uJesu Krestu.

1 UTHIMOTHI 3:10

Akahlolisiswe ntangi, kuthi nangasolekiko avunyelwe ukuba magosa.

1 UTHIMOTHI 3:2

Nje-ke umbonisi akabe ngongasolekiko, onomfazi munye, onommoya ophasi, ovuthiweko, ohloniphekako, ophatha kuhle iinkhambi nonekghono lokufundisa.

1 UTHIMOTHI 5:14

Nje-ke bengingathanda bona abahlolokazi abasesebatjha babuye bende babelethe, baphathe kuhle imizabo, khona inaba lethu lingazukufumana ithuba lokukhuluma kumbi ngathi.

1 UTHIMOTHI 5:20

Abonako ubakhalimele phambi kwabo boke, khona nabanye bazakusaba.

1 UTHIMOTHI 5:7

Yewuyale ngezintwezi ukuze bangasoleki.

UTITOSI 1:6

kube mumuntu ongasolekiko, onomfazi munye, onabantwana abakholwako nabangasoleki ngobukhohlakali nokungezwa;

UTITOSI 2:10

zingabebeli kodwana zikhombise ukuthembeka okupheleleko ukuze kuthi ezintweni zoke zihlobise ifundiso kaZimu uMsindisi wethu.

UTITOSI 2:15

Fundisa izintwezo; ukhuthaze bewukhalime ngegunya loke. Akungabikhona namunye okunyazako.

AMAHEBHERU 7:26

Nje-ke mbala kwasifanela thina bona sibe nomphristi omkhulu onje, ocwengileko, ongasolekiko, onganamphambo, owahlukaniswe kwabazizoni bewaphakanyiswa ngaphezu kwamazulu.

1 UPITROSI 2:12

Philani ipilo elungileko hlangana nabangakholwako ukuze kuthi nanyana banisola ngokwenza okumbi, babone imisebenzenu emihle badumise uZimu ngelanga lamatlhuwo.

1 UPITROSI 2:9

Kodwana nina nisisizwe esikhethiweko, ubuphristi bobukhosi, isizwe esicwengileko, abantu ekungebakaZimu kobana nitjhumayele imisebenzi yamandla yaloyo owanibiza bona niphume ebumnyameni nize ekukhanyeni kwakhe okukarisako.

2 UPITROSI 3:14

Ngalokho-ke bathandekako, njengombana nilindele lokhu, tjhisekelelani bona nifunyanwe nguye ninokuthula begodu ninganabala namkha umphambo,

ISAMBULO 2:5

Khumbula lapho uwe khona, uphenduke wenze imisebenzi ebewuyenza ekuthomeni. Nakungasinjalo ngizokuza kuwe, ngisuse ilithi lesibani endawenalo nawungaphendukiko.

ISAMBULO 3:9

Labo abalisinagogi lakaSathana, abathi bamaJuda khisibe abasiwo kodwana baleya amanga, ngizobenza beze bazokuguqa eenyaweni zakho bebalemuke bonyana ngikuthandile wena.