KWEBEFILIPI 1:10 - IsiNdebele 2012 Translation

¹⁰ ukuze nikwazi ukuhlolisisa okulungileko, nibe msulwa beningasoleki bekube lilanga lakaKrestu.

KWEBEFILIPI 1:10 Iomraidhean Croise

UGENESISI 20:5

Angithi ngu-Abrahamu othe kimi uSara ngudadwabo. Naye uSara loyo uthe iye, u-Abrahamu mnakwabo. Nje-ke ngenze lokhu ngesazelo esimsulwa nezandla zami zimhlophe.”

UJOBHO 12:11

Indlebe izizinya amezwi, njengelimu linandipha ukugoma.

UJOBHO 34:3

Mbala, indlebe izizinya amezwi njengombana nelimu linandipha ukugoma.

UMIKHA 3:2

Kodwana nihloya ukulunga, nithanda ikohlakalo. Nirathula abantu bekhethu isikhumba nidabula inyamabo emathanjenabo.

UMATEWU 16:23

Yeke uJesu waphenduka wathi kuPitrosi: “Suka kimapha, Sathana ndina! Usiqabo endlelenami ngombana imikhumbulwakho akusiyo yokukaZimu, kodwana ingeyabantu.”

UMATEWU 26:33

UPitrosi wathi: “Ngitjho nanyana bangakhubeka boke laba ngebanga lakho, mina angisoze!”

UJWANISI 1:47

UJesu wabona uNathaniyeli asiza kuye, wakhuluma ngaye wathi: “Nangu umIsrayeli wamambala, onganamanga.”

UJWANISI 3:20

Woke umuntu owenza okumbi, uwuhloyile umkhanyo, akezi emkhanyweni ngombana wesaba bona izenzo zakhe ezimbi zizakudaluleka.

IZENZO ZABAPOSTOLI 24:16

Yeke ngalinga ngamandlami woke bona ngibe nomkhumbulo otsengileko phambi koZimu nabantu.

KWEBEROMA 12:2

Ningaziphathi njengokwemikhuba yephaseli, kodwana tjhugululwani ngokwenziwa kabutjha emikhumbulweni yenu ukuze nikghone ukuhlukanisa okuyintando kaZimu; okuhle, okwamukelekako nokupheleleko.

KWEBEROMA 12:9

Ithando alibe ngelamambala; nyenyani ubumbi, nikakarele kokuhle.

KWEBEROMA 16:17

Ngiyanincenga bazalwana bona nibayelele labo ababanga ukwahlukana bese banibekela iinqabo endleleni yenu eziphikisana nesifundo enisifundileko. Khambelani kude nabo

KWEBEROMA 2:18

wazi intandwakhe bewuqunte nokobana ngikuphi okulungileko ngombana wena ukhamba ngomthetho;

KWEBEROMA 7:16

Nje-ke, nakube ngenza lokho engingakufuniko, kutjho bona ngiyavuma bonyana umthetho muhle.

KWEBEROMA 7:22

Emanyeni ngithatjiswa mthetho kaZimu ngaphakathi kwami,

KWEBEROMA 8:7

Ngesizathweso-ke umkhumbulo osenyameni ulinaba kuZimu; awuthobeli umthetho kaZimu, ngambala angekhe wakghona ukuwuthobela.

1 KWEBEKORINTE 1:8

IKosi izoniqinisa bekube sekupheleni ukuze ningabi nomlandu ngelanga leKosi yethu uJesu Krestu.

1 KWEBEKORINTE 10:32

Ningabangeli namunye bona akhubeke, kungaba mJuda, umGirigi namkha ibandla lakaZimu

1 KWEBEKORINTE 8:13

Yeke nakube lokho engikugomako kubanga bona umzalwana wami awele esonweni, angeze bengisakugoma ukuze ngingamkhubekisi.

2 KWEBEKORINTE 1:12

Iye, nakhu ukuzigqaja kwethu: Unembeza wethu uyafakaza bonyana ephasinapha, khulukhulu mayelana nobudlelwano bethu nani, saziphatha ngokucwenga nangokuthembeka okuvela kuZimu. Senza njalo ingasi ngokokuhlakanipha kwephaseli kodwana ngokomusa kaZimu.

2 KWEBEKORINTE 2:17

Thina asisinjengabo abanengi, asikhambi sikhangisa ngelizwi lakaZimu ukuzenzela inzuzo. Kodwana kuKrestu sikhuluma phambi koZimu ngobuqotho njengabantu abathunywe nguye.

2 KWEBEKORINTE 6:3

Asibeki isiqabo endleleni yomuntu ukuze kungafunyanwa iphoso emsebenzini wethu.

2 KWEBEKORINTE 8:8

Akutjho bona nginibethela umthetho kodwana nginitjengisa bona abanye bakhuthele kangangani. Ngithanda bona nani nibonakale bonyana ithando lenu likhulu kangangani.

KWEBEGALATIYA 5:11

Bazalwana, nakube ngisatjhumayela ukusoka, alo ngisazunyelwani na? Ngaleyondlela isikhubekiso sesiphambano siphelisiwe.

KWEBE-EFESU 4:15

Esikhundleni salokho, asikhulumeni iqiniso ngethando, ngakho koke sikhulele kiloyo oyihloko okunguKrestu

KWEBE-EFESU 5:10

bese nifunyane bona yini okuthokozisa iKosi.

KWEBE-EFESU 5:27

begodu waliletha kuye lilibandla elinephazimulo, elinganachaphazi, ukutjhwabana namkha umphambo wananyana yini kodwana licwengile begodu limsulwa.

KWEBE-EFESU 6:24

Akube mumusa kibo boke abathanda iKosethu uJesu Krestu ngalo loke ithando elingapheliko.

KWEBEFILIPI 1:16

Laba besibili bakwenza ngethando, basazi bonyana ngibekwe lapha kobana ngivikele ivangeli.

KWEBEFILIPI 1:6

Ngineqiniso bona loyo owathoma umsebenzi omuhle phakathi kwenu, uzawuraga abe awuqedelele bekube lilanga lakaKrestu Jesu.

KWEBEFILIPI 2:16

Kungebanga lokukakarela kwenu elizwini lokuphila ukobana ngizikhakhazise ngelanga lakaKrestu ngokuthi ukugijima namkha ukujuluka kwami azange kube lilize.

1 KWEBETHESALONIKA 3:13

IKosi ayiniphe amandla ngokweenhliziyo kikho ukucwenga ukuze nibe msulwa phambi koZimethu nonguBaba, ekufikeni kweKosethu uJesu nabo boke abacwengileko.

1 KWEBETHESALONIKA 5:21

kodwana hlolisisani koke, nibambelele kokulungileko.

1 KWEBETHESALONIKA 5:23

Sengathi uZimu wokuthula ngokwakhe anganicwengisa ngokupheleleko, ummoya wenu, umkhumbulo kanye nomzimba wenu ulondeke begodu ube msulwa ekubuyeni kweKosethu uJesu Krestu.

UJOTJHUWA 24:14

UJotjhuwa waraga wathi: “Ngalokho-ke yesabani uSomnini nimlotjhe ngokuzimisela nangokwethembeka. Lahlani abosingazimu ebebalotjhwa boyihlomkhulu ngaphetjheya komlambo iYufrathe neGibhide bese nilotjha uSomnini.

1 UJWANISI 4:1

Bathandekako ningakholwa yoke imimoya, kodwana hlolisisani nakube ivela kuZimu ngombana banengi abaphorofidi bamanga abaphumele ephasini.

ISAMBULO 2:2

Ngiyayazi yoke imisebenzi yakho, ukukhuthala nokunyamezela kwakho. Ngiyazi bona uyabhalelwa ukubanyamezelela abambi; kodwana wabalinga labo abathi bona babapostoli khisibe abasibo, wabafumana barhwaya amanga.