ISILILO 5:7 - IsiNdebele 2012 Translation

⁷ Abobaba abonako abasekho, nje-ke thina sibhesele icala labo.

ISILILO 5:7 Iomraidhean Croise

UGENESISI 42:13

Kodwana baphendula bathi: “Emanyeni iinceku zakho gade zibabafo abalitjhumi nambili, amadodana wendoda yinye ehlala enarheni yeKanana. Ubuphetjhani gadesi nje busele nobaba, kanti omunye akasekho.”

UGENESISI 42:36

UJakopo uyisabo wathi kibo: “Ningemuke abantwabami. UJosefa akasekho, uSimiyoni naye uthethwe. Gadesi sele nifuna ukungithathela uBhenjamini! Maye mina, iphasi lingijikele!”

UJOBHO 7:21

Alo, kubayini ungacoleli isiphambeko sami, ususe isono sami na? Qala, sele ngizaziyela kwamhlaba, uzangifuna kodwana ngizabe ngingasekho.”

UJOBHO 7:8

Ilihlo elingiqalileko alisazongibona; amehlwakho azangifuna angasangifumani.

U-EKSODUSI 20:5

Ungazikhothameli izintwezo, ungazilotjhi ngombana mina Somnini nginguZimakho. NginguZimu onesikhwele owehlisela isibetho sezono zaboyise phezu kwabantwababo besizukulwana sesithathu nesesine salabo abangenzi intandwami.

UJOROMIYA 14:20

Somnini, siyabuvuma ubukhohlakali bethu kanye necala labobaba: Ngambala, sonile kuwe.

UJOROMIYA 16:11

Uzakuthi kibo, ‘USomnini wathi: Kungombana aboyihlo bangidela, badlhemadlhema ngemva kwabosingazimu, babalotjha bebabakhothamela. Iye, bangidela, azange balonde umthethwami.

UJOROMIYA 16:12

Kodwana nakungini-ke khona nithuwelele kunaboyihlo. Qalani, omunye nomunye wenu ukhamba ngokukhunyalala kwehliziyo embi ngaphandle kokungilalela.

UJOROMIYA 31:15

Nakhu okutjhiwo nguSomnini: “Ilizwi lizwakele eRama, isililo nokurhahlawula okulisizi. URarheli ulilela abantwabakhe, akafuni ukutjhiriywa ngabo ngombana abasekho.”

UJOROMIYA 31:29

“Emihleni leyo abantu angeze basathi, ‘Abobaba bagome amadiribe angakavuthwa, nje-ke amazinyo wabantwana ayatjhelela.’

UHEZEKIYELI 16:58

Wena uzokuthwala umphumela wokuziphatha kwakho ngameswe neenkghabhudlho zakho.’ Kutjho uSomnini.

UHEZEKIYELI 18:2

“Vane nitjho ukuthini lokha nanidzubhula isagesi ngenarha yakwa-Israyeli, nisithi, “ ‘Abobaba bagome amadiribe angakavuthwa, nje-ke amazinyo wabantwana ayatjhelela’?

UZAKARIYA 1:5

“Kwenzekani-ke ngaboyihlomkhulu nabaphorofidi babo bamanga?

UNUMERI 14:18

‘USomnini ubuthaka ekusilingekeni, uzele ukwethembeka, ulibalela imilandu nemitjhapho, kodwana akazumlisa onomlandu. Wehlisela isibetho sezono zaboyise phezu kwabantwababo besizukulwana sesithathu nesesine.’