ISILILO 4:11 - IsiNdebele 2012 Translation

¹¹ USomnini uphelelise itukuthelwakhe, uthulule ilaka lakhe elivuthako: Uvuthise umlilo eZiyoni oqothule iinsekelo zalo.

ISILILO 4:11 Iomraidhean Croise

U-ISAYA 51:20

Abantabakho batsirimezeka, barabhalala emajikeni wazo zoke iindledlana, kwanga yinyamazana ebanjwe enedeni, bagubuzeswa bukhali bakaSomnini nokukhalima kwakaZimakho.

UJOROMIYA 13:14

Ngizabaphahlaza omunye phezu komunye, aboyise nabantwana ngokufanako. Angeze ngabancenekela, ngibaqale ngesisa namkha ngibarhawukele kobana ngingabatjhabalalisi.’ ”Kutjho uSomnini.

UJOROMIYA 17:27

Kodwana nakube aningilaleli ngokungagcini iSabatha licwengile, nithwale imithwalo naningena ngamasango weJerusalema ngelanga leSabatha, khona-ke ngizavuthisa umlilo ongasoze wacinywa emasangweni weJerusalema, uqothule imibhotjhongo yakhona.’ ”

UJOROMIYA 21:14

Ngizanihlunguphaza ngokufanelene nezenzo zenu, kutjho uSomnini. Ngizakuthungelela umlilo emahlathini wedzaba lenu uqothule koke okulizombileko.”

UJOROMIYA 36:7

Mhlamunye bangendlala iinghonghoyilo zabo kuSomnini; iye, mhlamunye omunye nomunye wabo angatjhuguluka endlelenakhe yobukhohlakali ngombana itukuthelo nokusilingeka uSomnini akhuluma ngakho phezu kwabantwaba, kukhulukhulu.”

UJOROMIYA 7:20

Ngalokho-ke nakhu okutjhiwo nguSomnini uSomandla, ‘Itukuthelwami nelaka lami lizokuthulukela phezu kwenarha le, phezu kwabantu neenlwana, phezu kwemithi yesivande naphezu kwesithelo semasimini. Izakuvutha ingacimi.’ ”

ISILILO 2:1

Maye etukuthelwenakhe uSomandla uyibhibeze kangangani indodakazi yeZiyoni! Kuthe ubuphaziphazi bakwa-Israyeli busemkayini, wabuphosela phasi. Azange akhumbule isenabelo seenyawo zakhe ngelanga letukuthelwakhe.

ISILILO 2:17

USomnini wenze akuhlosileko, uphumelelise ilizwi lakhe njengombana alijamisa kade. Ugirizile ngaphandle kwesirhawu; wajabulisa isitha ngawe, waphakamisa iphondo lamanabakho.

ISILILO 2:3

Ngetukuthelo evuthako uqunte zoke iimpondo zaka-Israyeli. Ususe isidla sakhe lokha isitha nasizako. Uvuthe njengamalangabi kwaJakopo, waqothula yoke indawo.

ISILILO 2:4

Ucuphe umsebakhe njengesitha, ngesidla sakhe wawuthiya njengenaba. Ubulele koke okukara amehlo ngetendeni lendodakazi yeZiyoni; Uthulule ilaka lakhe njengomlilo.

ISILILO 2:8

USomnini wazimisela ukubhuruza umthangala wendodakazi yeZiyoni: Welula umuda, azange agodle isandla sakhe ekutjhabalaliseni, wabanga bonyana umbundu nomthangala kuzile, kwaphela amandla ndawonye.

ISILILO 4:22

Ndodakazi yeZiyoni, isibetho secala lakho siphelele; uSomnini akasazokwembula. Kodwana wena ndodakazi ye-Edomu, uSomnini uzakuhlunguphaza ngecala lakho, embule isono sakho.

UHEZEKIYELI 22:31

Ngalokho ngehlisela amanikelela phezu kwabo; ngibaqothule ngomlilo welaka lami; ngibabethe ngeentonga zabo.” Kutjho uSomnini uSomandla.

UHEZEKIYELI 36:18

Yeke ngathululela ilaka lami phezu kwabo ngebanga leengazi abazithulula enarheni nangebanga lamanyala okubosingazimu abasilaphaza ngawo inarha.

UHEZEKIYELI 6:12

Labo abakude bazakufa ngesifo, abaseduze bawe ngesabula. Boke abaseleko nabasindileko bazakufa ngendlala. Leyo-ke, yindlela engizakuvuthela ngayo ilaka lami phezu kwabo.

UDANYELA 9:12

Wazalisa amezwi awakhulumako ngokujamelana nathi nababusi bethu abasibusako ngokusehlisela iinhlekelele ezesabekako. Mbala, ngaphasi komthunzi welanga azange khekwenzeke okunjengalokho okwenzakalele iJerusalema.

ULEVITIKUSI 26:28

nami ngizokuphambana nani ngivutha ngobukhali. Ngizonibetha ngokubuyelelwe kalikhomba ngebanga lezono zenu:

UZEFANIYA 2:2

ngaphambi kobana isikhathi sequnto lakaSomnini sizaliseke, iye, isikhatheso siza ngokurhabileko! Zikhalimele ngaphambi kobana ilaka lakaSomnini elivuthako lehlele phezu kwakho!

UZAKARIYA 1:6

Ngambala amezwami nemiyalwami engayithumezela ngeenceku zami, abaphorofidi, yafika kiboyihlomkhulu. Kwafanela bona baphenduke bebavume bathi, ‘USomnini uMninimandlawoke usenzele okufanelana nemikhuba nezenzo zethu njengombana bekathe uzakwenza.’ ”

ULUKASI 21:22

Ngambala lesi kusikhathi sesibetho nokuzaliseka kwakho koke okutloliweko.