ISILILO 3:51 - IsiNdebele 2012 Translation

⁵¹ Engikubonako kungilethela isizi ngebanga lawo woke amadodakazi wedorobho lekhethu.

ISILILO 3:51 Iomraidhean Croise

UGENESISI 44:34

ngombana mina ngingaya njani kubaba khibe umsana lo akasinami? Angifuni ukubona amatlhuwiso azakwehlela ubaba!”

UJOROMIYA 11:22

Iye, nakhu engikutjhoko, ‘Ngizowahlunguphaza. Amasokana azakufa ngesabula, amadodana namadodakazawo abulawe yindlala.

UJOROMIYA 14:16

Abantu abaphorofida kibabo bona bazakulahlelwa eendledlaneni zeJerusalema ngebanga lendlala nesabula. Akunamuntu ozababulunga, bona nabafazi babo, amadodana namadodakazabo. Ngizokurhutjhulela ubukhohlakali babo phezu kwabo.

UJOROMIYA 14:18

Nangiya emmangweni qala, napo abarhayilwe yisabula, nangingena ngedorobheni, qala, napo abaguliswa yindlala! Abaphorofidi ngitjho nabaphristi baye enarheni abangayaziko.

UJOROMIYA 19:9

Ngizabenza batle inyama yamadodana namadodakazabo, batlane bona esizini nebudisini abazabubangelwa zizitha zabo nalabo abazumana nepilwabo.’

ISILILO 1:18

USomnini ulungile ngombana ngihlubuke ilizwi. Lalelani noke nina zizwe, niyelele isizi lami: Amatlawu namasokanami asiwe ekuthunjweni.

ISILILO 2:11

Amehlwami afiphala ngeenyembezi, isisu sami siyasika, inyongwami ichithekela equlwanini ngebanga lokuphodlheka kwabantu bami: Amasana nabantwana baphela amandla, eendledlaneni zedorobho.

ISILILO 2:21

Abadala nabatjha balele phasi eendledlaneni, amatlawu namasokanami abulewe ngesabula. Wena wawabulala ngelanga letukuthelwakho, wawarhayila ngaphandle kwesirhawu.

ISILILO 3:50

kufikela lapha uSomnini aqala khona phasi, abone asezulwini.

ISILILO 3:52

Izitha zami zangizuma njengenyoni, ngaphandle kwesizathu.

ISILILO 5:11

Abafazi bagagadlhelwe eZiyoni namatlawu emizini yakwaJuda.