ISILILO 3:40 - IsiNdebele 2012 Translation

⁴⁰ Asihloleni iindlela zethu sizizizinye, sibuyeleni kuSomnini.

ISILILO 3:40 Iomraidhean Croise

2 IINKRONIKE 30:6

Ngomyalo wekosi, kwaphuma iingijimi zaya kilo loke lakwa-Israyeli nakwaJuda ziphethe iincwadi ezibuya ekosini kanye neenkhulwini zayo zitlolwe ukuthi: Bantu bakwa-Israyeli, akhese nibuyele kuSomnini uZimu waka-Abrahamu, ka-Isaka no-Israyeli. Nanenza njalo naye uzakubuyela kini nina eniseleko neniphunyurhe ezandleni zamakhosi we-Asiriya.

2 IINKRONIKE 30:9

Lokha nanibuyela kuSomnini, abathumbi babafowenu nabantwabenu bazakuba nesisa phezu kwabo ukuze babuyele enarheni le. Iye, uSomnini uZimenu unomusa nesirhawu, yeke angeze anifulathela lokha naniphendukela kuye.

AMARHUBO 119:59

Iindlela zami ngizicabangisisile, yeke ngizokulandela ubufakazi bakho godu.

AMARHUBO 4:4

Yazini bonyana uSomnini, uphatha othembekileko kuhle; uSomnini uyangizwa lokha nangilila kuye.

U-ISAYA 55:7

Isikhohlakali asilahle indlelaso embi nowenza okumbi alahle amaqhingakhe. Akaphendukele kuSomnini, uzakuba nomusa kuye, iye, kuZimethu ngombana yena uyathethelela nokuthethelela.

UHEZEKIYELI 18:28

Ngebanga lokobana abonile waphenduka kizo zoke iimphambeko azenzileko, mbala uzakuphila, angeze afa.

UHOSIYA 12:6

Awa Israyeli, kuzakufanela bonyana ubuyele kuZimakho: Thembeka ubulunge imiyalwakhe; uthembele kuZimakho ngeenkhathi zoke.

UHOSIYA 5:15

Yeke ngizakubuyela endawenami ngilinde bebavume umlandwabo. Bazakufuna ubuso bami; esizini labo bazangifuna bebangifunisise.”

UHOSIYA 6:1

Abantu bathi: “Nambani sibuyele kuSomnini, Nanyana asirathulile nje, kodwana uzosipholisa; nanyana asikhubazile nje, kodwana uzakubopha amancebethu.

IZENZO ZABAPOSTOLI 26:20

Kodwana ngathoma ukumemezela kabaseDamaseku, kwaba seJerusalema nakiyo inarha yeJudiya ngitjho nakwabatjhili bonyana baphenduke ezonweni babuyele kuZimu, benze imisebenzi ekhambisana nokuphenduka.

1 KWEBEKORINTE 11:28

Umuntu kumele azihlolisise ngaphambi kobana agome isikwa abe asele nekapho.

1 KWEBEKORINTE 11:31

Kodwana nakube besizigweba thina, besingeze sagwetjwa.

2 KWEBEKORINTE 13:5

Zihlolisiseni bona nisaphila ekukholweni na. Zizizinyeni. Kanti anilemuki bonyana uJesu Krestu ungaphakathi kwenu na? Nakungasinjalo khona-ke kutjho bona anikayiphumeleli ihlolo.

UDUTERONOMI 4:30

Lokha nanisematshwenyekweni bese zoke izintwezi zehlela phezu kwenu emalangeni wokugcina, nizakubuyela kuSomnini uZimenu nilalele ilizwi lakhe,