ISILILO 3:39 - IsiNdebele 2012 Translation

³⁹ Kubayini umuntu ophilako anghonghoyila ngomphumela wezono zakhe na?

ISILILO 3:39 Iomraidhean Croise

2 AMAKHOSI 3:13

U-Elitjha wathi ekosini yakwa-Israyeli: “Alo, wena-ke ngihlangene ngani nawe? Iya emphorofidini kayihlo nanyana wakanyoko.” Ikosi yakwa-Israyeli yaphendula yathi: “Awa, qala nguZimu osihlanganise sobathathu bonyana asinikele esandleni samaMowabi!”

2 AMAKHOSI 6:32

U-Elitjha gade ahlezi ngendlinakhe nabaphathi bomuzi. Ikosi yathumela ngaphambili isithunywa sayo kuye. Kodwana kuthe singakafiki kuye, u-Elitjha wathi ebaphathini bomuzi: “Nithi niyangibonisa nje bonyana umbulali lo uthumele isithunywa sakhe kobana sizongiqunta ihloko? Qalani la, lokha isithunywa nasifikako, nivale umnyango wesango, niwubambe sivaleleleke ngaphandle. Angithi ikosaso iseenthendeni zaso?”

2 AMAKHOSI 6:33

Kuthe asakhuluma nabo njalo, mbala nasi ikosi ivela yehlela ngakuye idlumbana ithi: “Angithi nguZimu osehlisele ihlekelele engaka le. Alo, ngizabe ngisamlindelelani bona asisize?”

U-EZRA 9:13

“Emva kwakho koke okusehleleko ngenca yezenzo zethu ezimbi nangebanga lecala lethu elikhulu, nokho wena Zimu usibethe ngesibetho esingaphasi kwesono esisifaneleko begodu usitjhiyele amasalela wabantu abanjengalaba.

UJOBHO 11:6

Inga angakwembulela iimfihlakalo zokuhlakanipha! Ukuhlakanipha kwakhe kunepumelelo epheleleko. Nje-ke, uzakwazi bona isibetho sakaZimu kuwe sincani kunomlandwakho.

UJOBHO 15:13

ummoyakho bewufulathele uZimu, kuphume amezwi anjalo emlonyenakho na?

AMARHUBO 107:17

Abanye baphila ngobudlhayela ngebanga lendlela yeemphambeko zabo, bahlupheka ngenca yamacalabo.

IZAGA 19:3

Ubudlhadlha bomuntu buhlakaza indlelakhe, ngalokho ihliziywakhe ilwisana noSomnini.

U-ISAYA 51:20

Abantabakho batsirimezeka, barabhalala emajikeni wazo zoke iindledlana, kwanga yinyamazana ebanjwe enedeni, bagubuzeswa bukhali bakaSomnini nokukhalima kwakaZimakho.

UJOROMIYA 10:19

Inarha yakwaJuda izakuthi: “Maye mina ngebanga lokulimala kwami! Inceba lami alelapheki! Mina ngadlumbana ngathi, ‘Lokhu sekugula nje, yeke ngizakubhesela.’

UJOROMIYA 30:15

Maye umkhosi owuhlaba ngokurhayilwa kwakho! Ubuhlungu bakho abelapheki ngebanga lobukhulu becala lakho. Iye, ngebanga lobunengi bezono zakho ngenze lokhu kuwe.

ISILILO 3:22

Kungebanga lokwethembeka kwakaSomnini kobana singabhujiswa, iye, kungenca yesirhawu sakhe esingapheliko.

ULEVITIKUSI 26:41

kangangobana nami ngaphambana nabo bengabanikela eenarheni zezitha zabo. Nangabe bathoba iinhliziyo zabo ezikhunyaleleko begodu bamukele isibetho sezono zabo,

ULEVITIKUSI 26:43

Inarha kufuze khebayitjhiye ukuze iphumule, ithabele iminyaka yamaSabathayo ngokungabikho kwabo kiyo, nje-ke bona kufuze bamukele isibetho sezono zabo ngombana bahlubuka imithethwami bebakghabhudlhwa ziimiso zami.

UMIKHA 7:9

Ngebanga lokobana ngitjhaphele uSomnini, ngizakugugubala ngaphasi kobukhali bakhe, bekube kumhla angikhupha emlandwini; mhlana abuyisa ilungelo lami. Uzangikhuphela ekukhanyeni; ngizakubona ukulunga kwakhe.

UNUMERI 11:11

Nje-ke wabuza uSomnini wathi: “Kubayini uSomnini aphathe incekwakhe ngesihluku esingaka? Somnini awusangithandi na, kobana ungabeze uthwese umthwalo wabantwaba phezu kwami?

UNUMERI 16:41

Ngakusasa kwamhlokho umkhambathi woke wama-Israyeli wanghonghoyila ngoMosi no-Aroni wathi kibo: “Nina, nibulele abantu bakaSomnini!”

UNUMERI 17:12

Ama-Israyeli athi kuMosi: “Qala siyafa, siphelile nasinje, iye siphele sokanyana nje.

ISAMBULO 16:9

batjha ngomtjhiso obukhali kodwana bathuka ibizo lakaZimu okunguye ogade alawula phezu kweenhlupheko lezo; begodu azange baphenduke bona bamdumise.