ISILILO 3:38 - IsiNdebele 2012 Translation

³⁸ Emlonyeni wongoPhezulu akuveli okumbi, kodwana okuhle kodwa.

ISILILO 3:38 Iomraidhean Croise

2 USAMYELA 16:10

Kodwana ikosi yathi: “Niyithenga ngani indaba le, nina besa bakaTseruya? Ayithukane! Mhlamunye uSomnini uyivumele bona ingithuke. Besibobani-ke thina bonyana singabuza sithi, ‘Ungenwe yini lo?’ ”

UJOBHO 2:10

Kodwana yena wathi kuye: “Ukhuluma njengesidlhadlha somfazi. Kanti sizakwamukela okuhle kwaphela kuZimu singasamukela nokumbi na?” Kikho koke lokho uJobho azange one begodu azange akhulume litho elimbi.

AMARHUBO 75:7

Iye, ukuphakanyiswa komuntu akuveli epumalanga namkha etjingalanga, ngitjho nerhalawumbeni,

IZAGA 29:26

Abanengi bafuna umusa wombusi, kodwana ukulunga kufunyaneka kuSomnini kwaphela.

UMTJHUMAYELI 7:14

Ngesikhathi esihle, jabula, kodwana ngesikhathi esimbi, yelela ngombana uZimu ukwenze kokubili ukuze umuntu angazi litho ngelingomuso lakhe.

U-ISAYA 45:7

Ngimi owenza umkhanyo, ngibuye ngidale ubumnyama. Ngiletha ukuzotha ngibuye ngidale ihlekelele. NginguSomnini owenza koke lokho.

UJOROMIYA 32:42

“Ngambala, nakhu engikutjhoko mina Somnini, ‘Njengombana ngehlisele phezu kwabantwaba yoke ihlekelele ekulu le, ngokunjalo ngizakwehlisela koke okuhle engakukhuluma ngabo.

U-AMOSI 3:6

Nakulila ipalapala edorobheni, abantu abathuthumeli na? Lokha idorobho nalivelelwa yihlekelele, vane kungasi nguSomnini olinikeleleko na?