ISILILO 2:9 - IsiNdebele 2012 Translation

⁹ Amasango weJerusalema acwila equlwanini, uSomnini watjhabalalisa bewephula iinqabo zalo. Ikosi namakhosanalo aphakathi kwezizwe, akusenamthetho wabaphristi, ngitjho nabaphorofidi bakhona abasafunyani imibono kuSomnini.

ISILILO 2:9 Iomraidhean Croise

2 AMAKHOSI 25:7

Amadodana kaTsedekhiya abulawa phambi kwakhe aqalile. Emva kwalokho bagobhodlha amehlwakhe, bambopha ngamakhamandela wekoporo bamusa eBhabheli.

2 IINKRONIKE 15:3

U-Israyeli uhlezi isikhathi eside anganaZimu owazisako, anganamphristi ongamfundisa begodu anganamthetho.

UNERHEMIYA 1:3

Bona bangiphendula bathi: “Amasalela ahlala ngesifundeni sakwaJuda nekungilawo asindako ekuthunjweni, akhungathwe lisizi nokurhubutjhwa okukhulu. Imithangala yeJerusalema igiriziwe namasango wakhona atjhiswe ngomlilo.”

AMARHUBO 74:9

Amatshwaywethu asiwaboni; njengombana kungekho umphorofidi akakho kithi owaziko bona kuzabe kube nini kunjalo.

U-ISAYA 24:12

Okusele ngedorobheni kuliququ, amasango aphohloziwe.

UJOROMIYA 14:14

Nje-ke uSomnini wathi kimi: “Abaphorofidi baphorofida amanga ngebizo lami. Angikabathumi, angikabayali begodu azange bengikhulume nabo. Baphorofida kini amanga ngemibono, ngokubhula okungekho nangekohliso yemikhumbulwabo.

UJOROMIYA 23:16

Nakhu okutjhiwo nguSomnini ebantwini bakwaJuda: “Ningalaleli lokho abaphorofidi abakuphorofida kini; bona bayanikhohlisa.” Iye, bakhuluma imiyalezo yemikhumbulwabo ingasi evela emlonyeni kaSomnini.

UJOROMIYA 39:2

Ngelanga lethoba lenyanga yesine emnyakeni wetjhumi nanye wokubusa kwakaTsedekhiya, umthangala wedorobho waphundluswa.

UJOROMIYA 39:8

AmaKasidi atjhisa isigodlo kanye neenkumba zabantu abe agiriza nemithangala yeJerusalema.

UJOROMIYA 51:30

Iingorho zeBhabheli zilisile ukulwa; zihlezi ngeemphephelweni. Amandlazo aphelile, sese zifana nabafazi. Imizi yeBhabheli ithungelelwe ngomlilo, iinqabo zamasangwayo zephuliwe.

UJOROMIYA 52:14

Loke ibutho lamaKasidi elalingaphasi komphathi wobuzimba lephula umthangala ozombeleze iJerusalema.

ISILILO 1:3

UJuda uye ekuthunjweni ngeenhlungu nangokusebenza nzima. Gadesi uhlala hlangana nezizwe, angafunyani indawo yokuphumula; boke abamgijimisako bamthelekela aseensizini zakhe.

ISILILO 4:15

“Sukani! Nisilaphele!” Iye, abantu bathi kibo: “Sukani! Sukani! Ningasithinti!” Nje-ke basuka, bazulazula. Hlangana nezizwe abantu bathi: “Bangasakhonza lapha!”

ISILILO 4:20

Ozesiweko kaSomnini, okuphila kwethu, wabanjwa emgodini wezifu zabo; iye, esadlumbana ngaye bona emthunzinakhe sizakuhlala hlangana nezizwe.

UHEZEKIYELI 12:13

Ngizokweneka inedami phezu kwayo, iye, izakubanjwa ngesifwini sami. Ngizayiletha eBhabheli enarheni yamaKasidi, kodwana yona angeze yakubona lokho begodu izakuhlongakalela lapho.

UHEZEKIYELI 17:20

Ngizokweneka inedami phezu kwayo, iye, izakubanjwa ngesifwini sami. Ngizoyiletha eBhabheli ngiyigwebe khonapho ngebanga lokungathembeki kwayo kimi.

UHEZEKIYELI 7:26

Kuzakuba yihlekelele phezu kwehlekelele, amarhemurhemu alandelwe marhemurhemu; bazasoloko bafuna umbono emphorofidini; ifundiso iphele emphristini neenluleko zabadala.

UHOSIYA 11:6

Ngebangelo-ke zizokubenya emadorobhenabo, iinqabo zamasangwabo zipheliswe namaqhingabo atjhabalaliswe.

UHOSIYA 3:4

Lokhu kuzabalitshwayo bonyana ama-Israyeli kuzawathatha amalanga amanengi anganakosi, anganababusi, anganamihlabelo nanyana amatje akhethekileko, atlhoge nomlayezo wakaZimu.

U-AMOSI 1:5

Ngizakwephula isiqabo seDamaseku; ngibhubhise ikosi yeBikhadi-Aveni ephethe intonga yobukhosi eBhethe-Edeni. Abantu beSiriya bazakusiwa ekuthunjweni eKiri.”

UDUTERONOMI 28:36

USomnini uZimu uzanithatha nekosi enizibekele yona inise esizweni eningasaziko nina naboyihlomkhulu. Lapho-ke nizakulotjha abosingazimu besigodo nebelitje.

UDUTERONOMI 28:63

Njengombana uSomnini athabela ukunenzela okuhle abe anandise, ngokunjalo uzakuthabela ukuniqeda abe anirhayile. Nizakuqotjhwa enarheni eningena kiyo bona niyithumbe.

1 USAMYELA 28:6

Wabuza kuSomnini, kodwana uSomnini akhange amphendule ngitjho ngamabhudango nanyana nge-urimi nangabaphorofidi.