ISILILO 2:8 - IsiNdebele 2012 Translation

⁸ USomnini wazimisela ukubhuruza umthangala wendodakazi yeZiyoni: Welula umuda, azange agodle isandla sakhe ekutjhabalaliseni, wabanga bonyana umbundu nomthangala kuzile, kwaphela amandla ndawonye.

ISILILO 2:8 Iomraidhean Croise

2 USAMYELA 8:2

Waragela phambili wamadlha nebakwaMowabi. Wabalalisa umjeje phasi ehlabathini wabalinganisa ngentambo. Boke abalinganiseka ngobude bentambo kabili bebabulawa bese kuthi abalinganiseke kanye baliswe. Yeke amaMowabi asebenzela uDavida abe aletha nemithelo kuye.

2 AMAKHOSI 21:13

Ngilinganisile iJerusalema ngalihlola. Yeke isibetho salo sizakuba njengeSamariya nanjengesibetho engabetha ngaso indlu ka-Arhabi. Isitja esisilapheleko siyasulwa sigutjuzwe. Ngizokwenza okufanako ngeJerusalema: Ngizoyithanyela ngiyiphendukezele!

UJOBHO 13:21

Isandla sakho asibe kude nami, ukwesabeka kwakho kungangethusi.

U-ISAYA 22:5

Mbala, liyeza ilanga levalo, ukugadangana nokuhlangahlangana; kulilanga lakaSomandla onguSomnini uMninimandlawoke. Emrhobeni wombono kuzakuba nokurhahlawula nokulilela isizo entabeni yeZiyoni.

U-ISAYA 28:17

Ngizakwenza ubulungiswa bube silinganiso, nokulunga kube sinqophisamakho. Isinanja sizakumadlha isiphephelo samala namanzi awulukele phezu kobusithelo.

U-ISAYA 3:26

Amasango weZiyoni azakulila abibitheke; libe dududu, lihlale phasi ehlabathini.”

U-ISAYA 34:11

Izakuba lilifa lemihlobohlobo yeenrhulurhulu namagubulu ahlale kiyo. USomnini uzakwelula phezu kwe-Edomu, intambo yesilinganiso sehlangahlangano, namatje wesibekiso sokubhujiswa.

U-ISAYA 5:5

Nje-ke, ngizonitjela bona ngizokwenzani ngesidiribe samesi: Ngizokususa isibiyelo saso bona sidliwe; ngigirize nomthangalaso bona sirathwe.

UJOROMIYA 14:2

UJuda uyabibitheka, amadorobhakhe ayawohloka; abantu bambethe iinzilo, bahlezi phasi, isililo seJerusalema siyakhuphuka.

UJOROMIYA 5:10

“Khuphukelani embundwini, eendiribeni zakwaJuda bese niyarhayila; ningakhawuli ukubhubhisa. Phulani iingala zeendiribe ngombana abantwaba abasi ngebakaSomnini.

UJOROMIYA 52:13

wafese wathungelela ithempeli lakaSomnini, isigodlo nezindlu zoke zeJerusalema ngomlilo. Waqothula nezakhiwo zoke eziqakathekileko.

ISILILO 2:17

USomnini wenze akuhlosileko, uphumelelise ilizwi lakhe njengombana alijamisa kade. Ugirizile ngaphandle kwesirhawu; wajabulisa isitha ngawe, waphakamisa iphondo lamanabakho.

ISILILO 2:18

Iinhliziyo zabantwana zililela uSomandla. Wena mthangala wendodakazi yeZiyoni wulula iinyembezi, zehle njengomlanjana ubusuku nemini! Ungaziphi ukuphumula, nethoro yelihlo lakho ingaledlhi.

ISILILO 2:2

USomandla ugomojele woke amadlelo kaJakopo ngaphandle kwesirhawu; ngetukuthelwakhe ugirize zoke iimphephelo zendodakazi yakwaJuda. Umadlhe phasi bewasilaphaza umbuso neenkhulu zawo.

ISILILO 2:5

USomandla ube njengesitha, ugomojele u-Israyeli! Iye, ugomojele yoke imibhotjhongo yeJerusalema, wonakalisa amadorobho anemithangala kwa-Israyeli. Wandisa ukulila nokuzila endodakazini yakwaJuda.

UHEZEKIYELI 20:22

Kodwana ngazibamba, ngenza lokho ngebanga lebizo lami ukuze lingasilaphazwa emehlweni wezizwe, engabakhupha zibaqalile.