ISILILO 2:4 - IsiNdebele 2012 Translation

⁴ Ucuphe umsebakhe njengesitha, ngesidla sakhe wawuthiya njengenaba. Ubulele koke okukara amehlo ngetendeni lendodakazi yeZiyoni; Uthulule ilaka lakhe njengomlilo.

ISILILO 2:4 Iomraidhean Croise

2 IINKRONIKE 34:21

“Khambani niyosibuzela kuSomnini, mina nemisalela yakwa-Israyeli nakwaJuda, ngokutlolwe encwadini efunyenweko le. Maye, yikulu kangangani itukuthelo kaZimu phezu kwethu ngebanga labobamkhulu abangazange balonde ilizwi lakaSomnini! Azange benze njengokutjho kwakho koke okutlolwe encwadinapha.”

2 IINKRONIKE 34:25

Ngizokwenza lokhu ngombana bangihlubukile bebatjhisela abosingazimu itjhwalo ukuze bangihlabekise ngazo zoke iinthombe abazenze ngezandla zabo. Yeke ubukhali bami ngizabuthululela endaweni le begodu angeze bacinywa mumuntu.’

UJOBHO 19:11

Ungivuthelise ngetukuthelwakhe, wangibalela kabajamelene naye.

UJOBHO 6:4

Ngambala imisubela kaZimu oSabekako ingihlabile, ummoyami urhamula isihlungu sayo, ukwesabeka kwakaZimu kuyangiqoba.

AMARHUBO 37:14

Iinkhohlakali zirhwatjha isabula, zigobe imisubazo, kobana ziwise abachakileko nabadududu bezirhayile abaneendlela eziqotho.

AMARHUBO 7:13

Ngambala uzakubuya godu, alole isabulakhe, acuphe umsebe wakhe kobana ulunge.

U-ISAYA 42:25

Nje-ke wathululela itukuthelwakhe evuthako phezu kwawo okuyipi esabekako. Amalangabi wepi awaqothula mahlangothi woke, khonapho akhange alemuke; iye, awababula, nalapho azange acabangisise.

U-ISAYA 63:10

Kodwana bona bahlubuka bebakhubekisa uMoyakhe oCwengileko. Yena-ke waphenduka isitha sabo, yena ngokwakhe walwa nabo.

U-ISAYA 63:6

Ngapitliza abantu ngetukuthelwami, ngokufutheka kwami ngabaqoba, ngathululela iingazi zabo phasi.”

UJOROMIYA 10:20

Kodwana itende lami litjhabalalisiwe, zoke iintambo zalo ziqhusukile. Abantwabami bangitjhiyile, abasekho; akusenamuntu ozakujamisa itende lami, namkha alembelelise amatjhila wami.

UJOROMIYA 21:12

nina kumba kaDavida! Nakhu okutjhiwo nguSomnini: “Gwebani ngokulunga ekuseni, nenyele odlelezelweko esandleni saloyo omgandelelako. Nakungasinjalo, itukuthelwami izakuqubuka ngebanga lobumbi enibenzileko, itjhise njengomlilo kungabi nomcimi.

UJOROMIYA 21:5

Mina ngokwami ngizakulwa nani ngengalo eyeluliweko nangesiphanga, iye, ngetukuthelo, ngelaka nangobukhali obukhulu.

UJOROMIYA 30:14

Zoke iinthandwa zakho zikukhohliwe, azikukhathaleli nakancani. Mbala, ngikubethe iduma lesitha, iye, isibetho sonelunya ngombana icala lakho likhulu, nezono zakho zinengi.

UJOROMIYA 36:7

Mhlamunye bangendlala iinghonghoyilo zabo kuSomnini; iye, mhlamunye omunye nomunye wabo angatjhuguluka endlelenakhe yobukhohlakali ngombana itukuthelo nokusilingeka uSomnini akhuluma ngakho phezu kwabantwaba, kukhulukhulu.”

UJOROMIYA 4:4

Zisokeni kube kuSomnini, nisuse amajwabu weenhliziyo zenu nina bantu bakwaJuda nebeJerusalema! Nakungasinjalo itukuthelwami izakuqubuka ngebanga lobumbi enibenzileko bese itjhise njengomlilo kungabi nomcimi.”

UJOROMIYA 42:18

Mbala, nakhu okutjhiwo nguSomnini uMninimandlawoke, uZimu wakwa-Israyeli, ‘Njengombana itukuthelo nokusilingeka kwami kwehlele phezu kwabahlali beJerusalema, ngokunjalo ukusilingeka kwami kuzakwehlela phezu kwenu nakube niya eGibhide. Nizakuba sithuko nesimanga, iye, into yokunikelelwa neyokurhubutjhwa; angeze benisayibona godu indawo le.’

UJOROMIYA 7:20

Ngalokho-ke nakhu okutjhiwo nguSomnini uSomandla, ‘Itukuthelwami nelaka lami lizokuthulukela phezu kwenarha le, phezu kwabantu neenlwana, phezu kwemithi yesivande naphezu kwesithelo semasimini. Izakuvutha ingacimi.’ ”

ISILILO 1:13

Wathumela umlilo uvela phezulu, wawehlisela emathanjenami, wendlalela iinyawo zami inede, wangibuyisela emuva. Wangitjhiya nginganabuyo, imini yoke ngibuthakathaka.

ISILILO 2:5

USomandla ube njengesitha, ugomojele u-Israyeli! Iye, ugomojele yoke imibhotjhongo yeJerusalema, wonakalisa amadorobho anemithangala kwa-Israyeli. Wandisa ukulila nokuzila endodakazini yakwaJuda.

ISILILO 3:3

Ngambala, isandla sakhe singiphendukele kanenginengi, imini yoke.

ISILILO 4:1

Maye, igolide elidarhileko lifiphele, iye, igolidembala! Amatje acwengileko arhatjhekile emajikeni wazo zoke iindledlana.

ISILILO 4:11

USomnini uphelelise itukuthelwakhe, uthulule ilaka lakhe elivuthako: Uvuthise umlilo eZiyoni oqothule iinsekelo zalo.

UHEZEKIYELI 13:13

“Nakhu okutjhiwo nguSomnini uSomandla, ‘Ngobukhali bami ngizokuvusa isiwuruwuru sommoya, ngelaka lami kuwuluke izulu elikhulu, iye, ngobukhali bami kuzakuba nesinanja esikhulu esibhubhisako.

UHEZEKIYELI 20:34

‘Iye, ngesandla esinamandla, ngesiphanga nangelaka lami elithululiweko ngizonikhupha hlangana nabantu, nginibuthe eenarheni enihlakazekele kizo.

UHEZEKIYELI 22:22

Iye, njengombana isiliva lincithika ekehleni, ngendlela enjalo nani nizakuncithika phakathi kwalo. Nje-ke nizakwazi bonyana mina Somnini ngithululele ilaka lami phezu kwenu.’ ”

UHEZEKIYELI 24:25

“Nje-ke wena ndodana yomuntu, mhlana ngisusa kibo ubuphephelo babo, ithabo ledumo labo, igugu lamehlwabo nokulangazelela komphefumulwabo, ngitjho namadodana namadodakazabo;

UHEZEKIYELI 36:18

Yeke ngathululela ilaka lami phezu kwabo ngebanga leengazi abazithulula enarheni nangebanga lamanyala okubosingazimu abasilaphaza ngawo inarha.

UHEZEKIYELI 5:13

“ ‘Ukuthukuthela kwami kuzakwehla nelaka lami libohle ebantwini bakho nasele ngizibuyiselele. Nje-ke bazakwazi bonyana mina Somnini, ngikhulume ngisesikhweleni sami lokha nangivuthela ilaka lami phezu kwabo.

UHEZEKIYELI 6:12

Labo abakude bazakufa ngesifo, abaseduze bawe ngesabula. Boke abaseleko nabasindileko bazakufa ngendlala. Leyo-ke, yindlela engizakuvuthela ngayo ilaka lami phezu kwabo.

UHEZEKIYELI 7:14

“ ‘Bavuthele ipalapala, balungisa koke ukuya epini kodwana akakho oya epinapho ngombana ilaka lami liphezu komnotho woke wenarha.

ULEVITIKUSI 26:17

Ngizanifulathela ukuze izitha zenu zinimadlhe. Nizakubuswa ngabanizondako, nibaleke nanyana kungekho onigijimisako.

UNARHUME 1:2

USomnini unguZimu onesikhwele nozibuyiselelako; uSomnini uyazibuyiselela begodu uzele ngobukhali. USomnini uzibuyiselela kabajamelene naye begodu uhlala abukhali ezitheni zakhe.

UNARHUME 1:6

Ngubani ongajamelana nokukhalima kwakhe? Ngubani onganyamezelela ubukhali bakhe na? Ebukhalini bakhe ujikijela umlilo; amadwala akghephuke phambi kwakhe.

UDUTERONOMI 32:22

Lokha itukuthelwami nayivutha umlilo ubabule bekube sekuzikeni kwendawo yabafileko; uzakuqothula iphasi nesivuno salo, ukhothe isisekelo seentaba.

1 USAMYELA 28:16

USamyela wathi: “Alo, uzelani kimi nakube uSomnini ukuhlanukele waba sisitha sakho?