ISILILO 2:22 - IsiNdebele 2012 Translation

²² Umeme abangisahlelako mahlangothi woke kwanga lilanga lomnyanya. Ngelanga letukuthelo kaSomnini akakho namunye owaphunyurha namkha wasinda. Labo engibasingathileko bengabakhulisa, isitha sami sibaqedile.

ISILILO 2:22 Iomraidhean Croise

2 IINKRONIKE 36:17

UZimu wabanikelela ngekosi yamaKasidi eyabulala amasokanabo ngesabula endaweni ecwengileko. Yona azange irhawukele amasokana, abantazana, abalupheleko neengoga. UZimu wabanikela boke njalo esandleni sakaNebukadinetsari.

AMARHUBO 31:13

Nginjengofileko: angisakhumbuleki; ngaba ngofana nesitja esephukileko.

U-ISAYA 28:19

Njalo ekuseni nasidlulako, sizaniphephula, sizakuvunguza ubusuku nemini ngamalanga. Kwesabeka khulu nakuzwakala umlayezo othi:

UJOROMIYA 11:11

Ngalokho nakhu okutjhiwo nguSomnini, ‘Qalani, sele ngizobehlisela ihlekelele abangeze baphunyurha kiyo. Nanyana bangalila kimi, angizobalalela.

UJOROMIYA 14:19

Somnini, ulahle uJuda ngokupheleleko na? Unyaza iZiyoni na? Usihlunguphazeleni kobanyana singasaphola na? Besirhuluphele ukuthula nesikhathi sokupholiswa kodwana akunabuhle obusehleleko, kwaba ziinkathazo kwaphela.

UJOROMIYA 20:3

Ngelanga elilandelako, lokha uPhatjhirhuri namtjhaphulula emakhamandeleni, uJoromiya wathi kuye: “USomnini akakubizi ngoPhatjhirhuri kodwana unguKwesaba okusiZombileko,

UJOROMIYA 21:7

Ngemva kwalapho, ngizakunikela uTsedekhiya ikosi yakwaJuda esandleni sakaNebukadiretsari ikosi yeBhabheli. Godu ngizakunikela iinduna zakhe kanye nabantu abangedorobheneli abasinde ematshwenyekweni, esabuleni nendlaleni, ezandleni zezitha zabo, iye, kilabo abazumana nepilwabo. Yona izababulala ngesabula, angeze ibababalele, irhawuke namkha ibazwele ubuhlungu.’ Kutjho uSomnini.

UJOROMIYA 44:7

“Nje-ke nakhu okutjhiwo nguSomnini uZimu uMninimandlawoke, uZimu wakwa-Israyeli, ‘Kubayini nizibangele ihlekelele engaka ngokususa amadoda nabafazi, abantwana namasana kwaJuda, nisale ningasenamisalela na?

UJOROMIYA 46:5

Ngibonani na? Bayesaba, bayahlehla, iingorho zabo zihlakaziwe. Nakukubaleka, bayabaleka abasaqali nemva, kunokwesaba mahlangothi woke.” Kutjho uSomnini.

UJOROMIYA 6:25

besathi: “Ningaphumi niye emasimini namkha nikhambakhambe eendleleni ngombana isitha sihlome ngesabula, ukwesaba kusizombe mahlangothi woke.

UDUTERONOMI 28:18

Kuzakunikelelwa iimbeletho zenu, iinthelo zequlwanenu, iinkomo, izimvu neembuzi zenu.