ISILILO 2:21 - IsiNdebele 2012 Translation

²¹ Abadala nabatjha balele phasi eendledlaneni, amatlawu namasokanami abulewe ngesabula. Wena wawabulala ngelanga letukuthelwakho, wawarhayila ngaphandle kwesirhawu.

ISILILO 2:21 Iomraidhean Croise

2 IINKRONIKE 36:17

UZimu wabanikelela ngekosi yamaKasidi eyabulala amasokanabo ngesabula endaweni ecwengileko. Yona azange irhawukele amasokana, abantazana, abalupheleko neengoga. UZimu wabanikela boke njalo esandleni sakaNebukadinetsari.

U-ESTA 3:13

Iincwadi zathunyelwa ngeengijimi eemfundeni zoke zekosi kobana kubhujiswe, kubulawe, kupheliswe woke amaJuda, abakhulu nabancani, abafazi nabantwana bekuphangwe nepahlawo. Lokho kwenziwe ngelanga elilodwa, mhlana zilitjhumi nantathu enyangeni yetjhumi nambili okuyinyanga ka-Adari.

U-ISAYA 27:11

Nasele iingala zakhona zomile, ziyephuka; abafazi bazitheze bayokubasa umlilo ngazo. Izakhamuzi zedorobheli azinangqondo, yeke owazidalako angeze azirhawukela, owazibumbako angeze aba nomusa kizo.

UJOROMIYA 11:22

Iye, nakhu engikutjhoko, ‘Ngizowahlunguphaza. Amasokana azakufa ngesabula, amadodana namadodakazawo abulawe yindlala.

UJOROMIYA 13:14

Ngizabaphahlaza omunye phezu komunye, aboyise nabantwana ngokufanako. Angeze ngabancenekela, ngibaqale ngesisa namkha ngibarhawukele kobana ngingabatjhabalalisi.’ ”Kutjho uSomnini.

UJOROMIYA 18:21

Yeke, nikelela abantwababo ngendlala, ubafuthele emandleni wesabula. Abafazi babo ababe ziinyumba, babe bahlolokazi ngombana amadodabo abulewe namasokana wakhona arhayilwe ngesabula epini.

UJOROMIYA 21:7

Ngemva kwalapho, ngizakunikela uTsedekhiya ikosi yakwaJuda esandleni sakaNebukadiretsari ikosi yeBhabheli. Godu ngizakunikela iinduna zakhe kanye nabantu abangedorobheneli abasinde ematshwenyekweni, esabuleni nendlaleni, ezandleni zezitha zabo, iye, kilabo abazumana nepilwabo. Yona izababulala ngesabula, angeze ibababalele, irhawuke namkha ibazwele ubuhlungu.’ Kutjho uSomnini.

UJOROMIYA 4:31

Mbala, ngezwa isililo inga ngesomfazi onemirhelo, silisizi njengaloyo obeletha izibulo; iye, isililo sendodakazi yeZiyoni elwela ukuphefumula, yelula izandla isithi: “Maye mina, ngiyatsirimezeka, ipilwami inikelwe esandleni sababulali.”

UJOROMIYA 51:22

ngawe ngiphohloza indoda nomfazi, ngawe ngiphohloza omdala nomutjha, ngawe ngiphohloza isokana nomntazana,

UJOROMIYA 6:11

Kodwana ngigcwele ilaka lakaSomnini, yeke angikghoni ukulibamba. USomnini uthi: “Lithululele phezu kwabantwana endledlaneni naphezu kwesiqhema samasokana, umfazi nendoda bazakubambeka bobabili, ngitjho neqhegu kanye nabaluphele khulu.

UJOROMIYA 9:20

“Yeke nina bafazi, yenizwe ilizwi lakaSomnini, vulani iindlebe zenu nilalele ilizwi lomlomakhe. Fundisani amadodakazenu ukukhihla ingoma yesililo iye, ngitjho nabomakhelwana benu.

UJOROMIYA 9:21

Mbala, ukufa kungene ngamafesiderethu, kwangena ngemibhotjhongwenethu kwabulala abantwana eendledlaneni namasokana ematatawini.”

ISILILO 1:15

USomandla ulahle abosaziwako bami ngaphakathi kwami; wamemezela isikhathi sokuvuna phezu kwami kobana abhule amasokanami. USomandla ugadange itlawu lakwaJuda, njengebutlhodlhelweni bewayini.

ISILILO 1:18

USomnini ulungile ngombana ngihlubuke ilizwi. Lalelani noke nina zizwe, niyelele isizi lami: Amatlawu namasokanami asiwe ekuthunjweni.

ISILILO 1:4

Iindlela eziya eZiyoni ziyalila ngombana akakho oza eminyanyeni; woke amasangwalo akanabantu, abaphristi balo bayaquma, amatlawanalo ayabubula, nalo linobumunyu.

ISILILO 2:17

USomnini wenze akuhlosileko, uphumelelise ilizwi lakhe njengombana alijamisa kade. Ugirizile ngaphandle kwesirhawu; wajabulisa isitha ngawe, waphakamisa iphondo lamanabakho.

ISILILO 2:2

USomandla ugomojele woke amadlelo kaJakopo ngaphandle kwesirhawu; ngetukuthelwakhe ugirize zoke iimphephelo zendodakazi yakwaJuda. Umadlhe phasi bewasilaphaza umbuso neenkhulu zawo.

ISILILO 3:43

“Uzembese ngetukuthelo bewasigijmisa, warhayila ngaphandle kwesirhawu.

UHEZEKIYELI 24:21

‘Tjela indlu yakwa-Israyeli bonyana nakhu okutjhiwo nguSomnini uSomandla: Qalani, sele ngizokusilaphaza indawami ecwengileko, iye, ubuphephelo enizikhakhazisa ngabo, igugu lamehlwenu nokulangazelela komphefumulwenu. Amadodana namadodakazenu enawatjhiya eJerusalema azokubulawa ngesabula.

UHEZEKIYELI 5:11

Ngalokho, ngiyafunga ngokuphila kwami mina Somnini Somandla, ngizokuqoba bengikuphungule wena Jerusalema ngebanga lokobana usilaphaze ithempeli lami ngazo zoke iinyenyiso nangazo zoke iinkghabhudlho zakho. Mina ngokwami ngizokurhurhula koke. Amehlwami angeze ababalela begodu angeze ngaba nezwelo.

UHEZEKIYELI 7:4

Amehlwami angeze akubabalela namkha ngibe nezwelo. Ngizokubetha ngeentonga zakho iye, iinkghabhudlho zakho zizakuba phakathi kwakho. Nje-ke nizakwazi bonyana nginguSomnini.’

UHEZEKIYELI 7:9

Amehlwami angeze ababalela begodu angeze ngaba nezwelo. Ngizokubetha ngeentonga zakho, iye, iinkghabhudlho zakho zizakuba phakathi kwakho. Nje-ke nizakwazi bonyana nginguSomnini obethako.’

UHEZEKIYELI 8:18

Ngalokho, nami ngizokuphendula ngelaka. Amehlwami angeze ababalela begodu angeze ngaba nezwelo. Nanyana bangapongoloza ngesililo esikhulu phambi kwami, angekhe ngibalalele.”

UHEZEKIYELI 9:10

Nje-ke nakungimi, amehlwami angeze ababalela begodu angeze ngibe nezwelo, kodwana ngizobabetha ngeentonga zabo.”

U-AMOSI 4:10

“Ngathumela amatshwenyeko phakathi kwenu njengombana ngenza ebantwini beGibhide. Ngabulala amasokanenu ngesabula, iinjomani zenu zathunjwa. Ngazalisa iinkampa zenu ngesivunda seendumbu. Kodwana azange niphendukele kimi.” Kutjho uSomnini.

U-AMOSI 8:13

“Mhlokho kuzakuphuma imidzidlha emihle neentsitsirimba zakhona, zigelagele bezitsirimezeke ngebanga lomrhawu.

UZAKARIYA 11:6

Nange ngingasenasirhawu ngabantu benarha le begodu ngibaliselele bona badlane uboya bengibaliselele nangekosabo, bazakubhubhisa inarha. Kuzakuba njalo nange ngingabasindisi emandlenabo.” Kutjho uSomnini.

UDUTERONOMI 28:50

isizwe esinelunya nesingekhe sarhawukela umuntu omdala namkha sibe nomusa ebantwaneni.

UDUTERONOMI 32:25

Endleleni isabula izabathathela abantwana, emizinabo kubuse ukwesaba. Kuzakubhubha amasokana kanye namatlawu, amasana kanye nabathukgheleko.

UJOTJHUWA 6:21

babhubhisa koke okukilo, amadoda nabafazi, abatjha nabadala, iinkomo, izimvu kanye nabodumbana ngesabula.

1 USAMYELA 15:3

Yewukhambe-ke, ufese usahlele ama-Amalekhi bewubhubhise koke okungekwawo. Ungawababaleli; ubulale kwandoda, kwamfazi, kwamntwana ngitjho namasana, iinkomo, kwamvu, kwakamela ngitjho nabodumbana bakhona.’ ”