ISILILO 2:20 - IsiNdebele 2012 Translation

²⁰ Awu, Somnini, akhe uqale bewuyelele! Ukwenze kubani godu lokhu na? Kumele abafazi badle iinthelo zabo, abantwana ababasingathileko na? Kumele abaphristi nabaphorofidi babulawe endaweni ecwengileko kaSomandla na?

ISILILO 2:20 Iomraidhean Croise

2 IINKRONIKE 36:17

UZimu wabanikelela ngekosi yamaKasidi eyabulala amasokanabo ngesabula endaweni ecwengileko. Yona azange irhawukele amasokana, abantazana, abalupheleko neengoga. UZimu wabanikela boke njalo esandleni sakaNebukadinetsari.

AMARHUBO 78:64

Abaphristi babo bawa ngesabula; abahlolokazi babo akhange balile.

U-EKSODUSI 32:11

Kodwana uMosi wancancabeza kuSomnini uZimakhe wathi: “Maye Somnini, kuzakuba njani nasele ilaka lakaSomnini livutha phezu kwabantu bakhe abakhupha enarheni yeGibhide ngamandla amakhulu nangesandla sakhe esiqinileko na?

U-ISAYA 22:2

Usiphithiphithi sedorobho esizele itjhada iye, wena umumuzi osiyaluyalu. Kodwana abarhayiliweko bakho abakarhayilwa ngesabula begodu abakabulawelwa epini.

UJOROMIYA 19:9

Ngizabenza batle inyama yamadodana namadodakazabo, batlane bona esizini nebudisini abazabubangelwa zizitha zabo nalabo abazumana nepilwabo.’

UJOROMIYA 21:7

Ngemva kwalapho, ngizakunikela uTsedekhiya ikosi yakwaJuda esandleni sakaNebukadiretsari ikosi yeBhabheli. Godu ngizakunikela iinduna zakhe kanye nabantu abangedorobheneli abasinde ematshwenyekweni, esabuleni nendlaleni, ezandleni zezitha zabo, iye, kilabo abazumana nepilwabo. Yona izababulala ngesabula, angeze ibababalele, irhawuke namkha ibazwele ubuhlungu.’ Kutjho uSomnini.

UJOROMIYA 5:31

Abaphorofidi baphorofida ngehloso yamanga, abaphristi babusa ngegunya labo; nje-ke abantu bami bathanda khona lokho. Alo-ke, yini okhunye enizokwenza emva kwalokhu na?”

ISILILO 1:19

Ngabiza iinthandwa zami kodwana zona zangihlamuka. Abaphristi nabaphathi bami babhubhela ngedorobheni nabasazifunela kokugoma kobana bavuselele umphefumulwabo.

ISILILO 4:10

Izandla zabafazi abanesirhawu zapheka abantwababo; ababa kukudla kwabo lokha abantu bami nabaphodlhekako.

ISILILO 4:13

Kwenzeka ngebanga lezono zabaphorofidi balo namacala wabaphristi balo, abathulula iingazi zabalungileko ngaphakathi kwalo.

ISILILO 4:16

USomnini ngokwakhe ubahlakazile, akasazobatjheja. Abantu abasahloniphi abaphristi begodu abasathandi abaphathi.

UHEZEKIYELI 5:10

Ngaphakathi kwakho ababelethi bazakudla abantwababo nabantwana badle ababelethi. Ngizokwehlisela iingwebo phakathi kwakho bekuthi boke abaseleko kuwe ngibahlakazele emikhakheni yoke.

UHEZEKIYELI 9:7

Godu wathi kibo: “Silaphazani ithempeli, nizalise iinrhodlo ngababuleweko. Yeke khambani.” Ngalokho bahlabela phambili ngedorobheni babhubhisa.

ULEVITIKUSI 26:29

Nizokudla ngitjho nenyama yamadodanenu, iye neyamadodakazenu niyirhiribidele.

UDUTERONOMI 9:26

Ngathandaza kuSomnini ngathi: “Maye Somnini Somandla! Ungarhayili abantu bakho abalilifa lakho, owabahlenga ngobukhulu bakho, wabakhupha eGibhide ngesandla esinamandla.