ISILILO 2:19 - IsiNdebele 2012 Translation

¹⁹ Vuka urhahlawule ebusuku, ekuthomeni kwesikhathi sabalindi! Thulula ihliziywakho njengamanzi, phambi kobukhona bakaSomandla! Phakamisela izandla zakho kuye ngebanga lepilo yabantwabakho, abatsirimezwa yindlala emajikeni wazo zoke iindledlana.

ISILILO 2:19 Iomraidhean Croise

UJOBHO 3:24

Isibibithwana sami kwanga sisikwa kimi, nokububula kwami kugobhoza njengamanzi.

AMARHUBO 119:55

Ebusuku ngikhumbula ibizo lakho, Somnini, ngilonda umthethwakho.

AMARHUBO 134:2

Phakamiselani izandla endaweni ecwenge khulu, nidumise uSomnini.

AMARHUBO 141:2

Umthandazwami awube njengetjhwalo kuwe; izandla engiziphakamisileko zibe njengomnikelo wakusihlwa.

AMARHUBO 142:2

Ngirhuwelela uSomnini, ngelizwi lami ngizincengela kuye.

AMARHUBO 142:3

Ngithululela ukububula kwami kuye, ngibika ikingami phambi kwakhe;

AMARHUBO 28:2

Yizwa ilizwi lesibawo sami, lokha nangilila kuwe Somnini; iye, lokha nangiphakamisela izandla, endawenakho ecwenge khulu.

AMARHUBO 42:3

Umphefumulwami womele uZimu, iye, uZimu ophilako. Ngizakuya nini ngethempelini ngiyozizwela ubukhona bakaZimu na?

AMARHUBO 42:4

Ubusuku nemini, iinyembezi zami zikukudla kwami ngombana soke isikhathi abantu bathi kimi: “Njekhona uphi uZimakho?”

AMARHUBO 42:8

Ukuzika kumemeza ukuzika lapha kuhlokoma khona iimphoroma zakho! Woke amagagasi namagwimbakho eqe ngaphezu kwami!

AMARHUBO 62:8

KukuZimu ukusindiswa nokwaziwa kwami; idwala lobuphephelo nerholo lami nguZimu.

AMARHUBO 63:4

Iimbhena zami zizakuvuma zikubabaze ngombana ukwethembeka kwakho kungcono kunepilo.

U-ISAYA 26:9

Ebusuku umphefumulwami uyakulangazelela, ngitjho nommoyami ngaphakathi uyakufunisisa. Lokha iingwebo zakho nazisephasini, abahlali belizwe bafunda okulungileko;

U-ISAYA 51:20

Abantabakho batsirimezeka, barabhalala emajikeni wazo zoke iindledlana, kwanga yinyamazana ebanjwe enedeni, bagubuzeswa bukhali bakaSomnini nokukhalima kwakaZimakho.

UJOROMIYA 14:18

Nangiya emmangweni qala, napo abarhayilwe yisabula, nangingena ngedorobheni, qala, napo abaguliswa yindlala! Abaphorofidi ngitjho nabaphristi baye enarheni abangayaziko.

UJOROMIYA 9:20

“Yeke nina bafazi, yenizwe ilizwi lakaSomnini, vulani iindlebe zenu nilalele ilizwi lomlomakhe. Fundisani amadodakazenu ukukhihla ingoma yesililo iye, ngitjho nabomakhelwana benu.

UHEZEKIYELI 5:10

Ngaphakathi kwakho ababelethi bazakudla abantwababo nabantwana badle ababelethi. Ngizokwehlisela iingwebo phakathi kwakho bekuthi boke abaseleko kuwe ngibahlakazele emikhakheni yoke.

UHEZEKIYELI 5:16

Lokha nangithumela imisubela yami emimbi yendlala phakathi kwabo izakuba ngeyokubhubhisa. Iye, ngizayithumela bona iniqede nina bantu beJerusalema lokha nangingezelela indlala, ngephule nomphekgho wesikwa senu.

UMIKHA 1:16

Gudani iinhloko zenu nina bantu beLarhitjhi; niziphale zibe butjhelelezi njengedlanga, nizilele imizana eniyithandako enibhodileko ngombana izakuthunjwa.

UNARHUME 3:10

Ngitjho neThebhesi beyibekelwe bonyana idingiswe, isiwe ekuthunjweni. Ngitjho namasanayo aphihlizelwa emasangweni wazo zoke iindlela. Iinkhulu zakhona zenzelwa ifumbe, kwathi boke abarholi bakhona babotjhwa ngeenketani.

UMATEWU 14:25

Phakathi komlindo wesine ebusuku, uJesu waya ebafundini bakhe akhamba phezu kwamanzi.

UMARKOSI 1:35

Ngelanga elilandelako ngesamarimarima, kusese mnyama, uJesu wasikima, waphuma ngekumbeni waya endaweni enganamuntu lapha afika khona wathandaza.

UMARKOSI 13:35

Ngalokho-ke hlalani niqaphile ngombana anazi bona umninimuzi uzokufika nini, kungaba sentambama, phakathi kobusuku, ngamasa namkha ekuseni.

ULUKASI 6:12

Ngelinye lamalanga lawo uJesu wenyukela entabeni wayokuthandaza, wahlala lapho ubusuku boke athandaza kuZimu.

1 UTHIMOTHI 2:8

Nje-ke ngithanda bona eendaweni zoke amadoda athandaze aphakamise izandla ezicwengileko, anganalo ilaka nokuphikisana.

ABAKHOKHELI 7:19

Yeke uGidiyoni namadoda alikhulu agade akhamba naye bafika emaphethelweni wekampa ngesikhathi sabogadi baphakathi kobusuku, emva nje kokobana amaMidiyani abeke abogadi abanye. Bavuthela iimpalapala baphadlha imijeka esezandleni zabo.

1 USAMYELA 1:15

UHana waphendula wathi: “Awa kosami! Ngimfazi onommoya owurubajekileko. Angikaseli iwayini nanyana utjwala. Bengizibubula phambi kwakaSomnini.

1 USAMYELA 7:6

Bahlangana-ke eMitsipha bakha amanzi bawathululela phambi kwakaSomnini. Mhlokho bazila ukudla bebavuma izono zabo bathi: “Sonile kuSomnini.” USamyela wafundisa ama-Israyeli intando kaSomnini eMitsipha.