ISILILO 2:17 - IsiNdebele 2012 Translation

¹⁷ USomnini wenze akuhlosileko, uphumelelise ilizwi lakhe njengombana alijamisa kade. Ugirizile ngaphandle kwesirhawu; wajabulisa isitha ngawe, waphakamisa iphondo lamanabakho.

ISILILO 2:17 Iomraidhean Croise

1 AMAKHOSI 9:7

ngizokususa u-Israyeli enarheni engimnikele yona bengifulathele nethempeli engilicwengisele ibizo lami. U-Israyeli uzakuba sisaga nesiphoqo hlangana nabo boke abantu.

AMARHUBO 35:24

Somnini, Zimami, ngimela ngokulunga kwakho! Ungabavumeli bajabule ngami.

AMARHUBO 35:26

Akuthi boke abathakasa ngesizi lami badaniswe bebakhene; labo abazikhukhumeza ngami, bembathiswe ihlazo neenhloni.

AMARHUBO 38:16

Kodwana ngiqalelele kuwe Somnini, nguwe Somandla Zimami ozangiphendula.

AMARHUBO 89:42

Boke abadlula ngendlela bayayiphanga; seyiphenduke isiphoqo sabomakhelwana.

AMARHUBO 89:43

Uphakamise isidla samanabayo, wenza zoke izitha zayo zathakasa

U-ISAYA 14:29

Noke nina eFilistiya ningajekezeli ngokuphuka kwentonga enimadlhako ngombana emsileni wenyoka kuzakuphuma imbedla nesithelo sayo kuzakuba yinyoka emhlwazi, emsinyana inga iyaphapha.

UJOROMIYA 18:11

“Nje-ke, wena Joromiya, tjela abantu bakwaJuda nabahlali beJerusalema bonyana uSomnini uthi, ‘Qalani, sele ngizonidalela ihlekelele, iye, ngineqhinga ngani. Ngalokho phendukani eendleleni zenu ezimbi, omunye nomunye wenu, nilungise iindlela zenu kanye nezenzo zenu.’

UJOROMIYA 4:28

Ngalokho iphasi liyalila namazulu phezulu ayafiphala. Ngebanga lokobana ngikhulumile, ngincamile, ngizakwenza lokho. Angeze ngazisola, asoze ngabuyela emuva.”

UJOROMIYA 40:3

Nje-ke uSomnini ukwenzile lokho; iye, njengombana atjho phambilini. Koke lokhu kungebanga lokobana nina bantu nonile phambi kwakaSomnini. Azange nimlalele, ngalokho kunehlele lokho.

ISILILO 1:5

Izitha zalo ziyihloko amanabalo ayaphumelela ngombana uSomnini ulihlunguphazile ngeemphambeko zalo ezinenginengi. Abantwabalo baye ekuthunjweni baragwa sisitha.

ISILILO 2:8

USomnini wazimisela ukubhuruza umthangala wendodakazi yeZiyoni: Welula umuda, azange agodle isandla sakhe ekutjhabalaliseni, wabanga bonyana umbundu nomthangala kuzile, kwaphela amandla ndawonye.

ISILILO 3:43

“Uzembese ngetukuthelo bewasigijmisa, warhayila ngaphandle kwesirhawu.

ISILILO 4:11

USomnini uphelelise itukuthelwakhe, uthulule ilaka lakhe elivuthako: Uvuthise umlilo eZiyoni oqothule iinsekelo zalo.

UHEZEKIYELI 5:11

Ngalokho, ngiyafunga ngokuphila kwami mina Somnini Somandla, ngizokuqoba bengikuphungule wena Jerusalema ngebanga lokobana usilaphaze ithempeli lami ngazo zoke iinyenyiso nangazo zoke iinkghabhudlho zakho. Mina ngokwami ngizokurhurhula koke. Amehlwami angeze ababalela begodu angeze ngaba nezwelo.

UHEZEKIYELI 8:18

Ngalokho, nami ngizokuphendula ngelaka. Amehlwami angeze ababalela begodu angeze ngaba nezwelo. Nanyana bangapongoloza ngesililo esikhulu phambi kwami, angekhe ngibalalele.”

UHEZEKIYELI 9:10

Nje-ke nakungimi, amehlwami angeze ababalela begodu angeze ngibe nezwelo, kodwana ngizobabetha ngeentonga zabo.”

UDANYELA 9:12

Wazalisa amezwi awakhulumako ngokujamelana nathi nababusi bethu abasibusako ngokusehlisela iinhlekelele ezesabekako. Mbala, ngaphasi komthunzi welanga azange khekwenzeke okunjengalokho okwenzakalele iJerusalema.

UMIKHA 2:3

Yeke uSomnini wathi: “Qala, nginitlamela ikohlakalo nina sigungu ndina. Kuzakuphela ukukhambela phezulu ngombana nizabe nibotjhelelwe ejogini isiphelani. Ngambala kuzabe kusikhathi esimasikizi kini.”

UZEFANIYA 1:2

“Ngizakurhurhula yoke into esebusweni bephasi.” Kutjho uSomnini.

UZAKARIYA 1:6

Ngambala amezwami nemiyalwami engayithumezela ngeenceku zami, abaphorofidi, yafika kiboyihlomkhulu. Kwafanela bona baphenduke bebavume bathi, ‘USomnini uMninimandlawoke usenzele okufanelana nemikhuba nezenzo zethu njengombana bekathe uzakwenza.’ ”