ISILILO 2:14 - IsiNdebele 2012 Translation

¹⁴ Abaphorofidi bakho bakuvezele ikohliso nelize, azange bembule icala lakho kobana batjhugulule ubujamo bakho. Kunalokho bakulethele imilayezo eyikohliso nedurhisako.

ISILILO 2:14 Iomraidhean Croise

U-ISAYA 58:1

USomnini uthi: “Rhuwelela, ungazibambi! Phakamisa ilizwi lakho njengepalapala. Memezela ebantwini bami iimphambeko zabo nekumbeni kaJakopo izono zayo.

UJOROMIYA 2:8

Abaphristi azange bebabuze bathi, ‘Uphi uSomnini!’ Labo abafundisako azange bangazi, abelusi bangihlubuka. Abaphorofidi baphorofida ngoBhali, badlhemadlhema ngemva kwezinto ezinganabubhadekelo.”

UJOROMIYA 20:6

Wena-ke Phatjhirhuri nabo boke abahlala kwakho bazakuya ekuthunjweni. Uzakuya eBhabheli, ufele lapho bewubulungwe khona, wena nabo boke abangani bakho obaphorofidele amanga.’ ”

UJOROMIYA 23:22

Kodwana nakube bebajame ebandla lami, bebazokumemezela amezwami ebantwini bami bebababuyisele eendleleni zabo ezimbi nezenzweni zabo ezimbi.

UJOROMIYA 23:36

Nakumamezwi athi, ‘umlayezo kaSomnini’ ningabe nisawakhuluma godu. Umlayezo kaSomnini uzakuba ngewomuntu welizwi lakhe ngombana nina nitjhugulule amezwi kaZimu ophilako, uSomnini uMninimandlawoke, uZimethu.

UJOROMIYA 28:15

Yeke umphorofidi uJoromiya wathi kumphorofidi uRhananiya: “Lalela lapha wena Rhananiya! USomnini akakakuthumi, kodwana wena uyenge isizwesi kobana sethembe amala.

UJOROMIYA 29:21

Nakhu okutjhiwo nguSomnini uMninimandlawoke, uZimu wakwa-Israyeli ngo-Arhabi umsa kaKholaya kanye noTsedekhiya umsa kaMaseya, abaphorofida amala kini ngebizo lami: “Qalani, sele ngizobanikela kuNebukadiretsari ikosi yeBhabheli, yena-ke uzababulalela phambi kwamehlwenu.

UJOROMIYA 37:19

Baphi abaphorofidi benu abaniphorofida bonyana ikosi yeBhabheli angeze yanisahlela namkha isahlele inarha le, na?

UJOROMIYA 5:31

Abaphorofidi baphorofida ngehloso yamanga, abaphristi babusa ngegunya labo; nje-ke abantu bami bathanda khona lokho. Alo-ke, yini okhunye enizokwenza emva kwalokhu na?”

ISILILO 4:13

Kwenzeka ngebanga lezono zabaphorofidi balo namacala wabaphristi balo, abathulula iingazi zabalungileko ngaphakathi kwalo.

UHEZEKIYELI 13:22

Ngamanga nibangele abalungileko iinhlungu ehliziyweni, iye, abantu ebengingafuni bona bezwe ubuhlungu. Nikhuthaze abakhohlakeleko kobana bangaphenduki eendleleni zabo zobukhohlakali ngokusindisa ipilwabo.

UHEZEKIYELI 22:25

Kunobukhwebetjhana hlangana namakhosana enarheni leyo: Afana namabhubezi abhodlako nadabula inyamazana. Wona-ke sele arhiribidele iimpilo zabantu; athethe umnotho nezinto ezimagugu. Iye, amakhosana lawo abange abahlolokazi abanengi ngaphakathi kwayo.

UHEZEKIYELI 22:28

Abaphorofidi enarheni leyo basitha iinkhulu ngokubona imibono engekho bebathukule ngamanga bathi, ‘Nakhu okutjhiwo nguSomnini uSomandla’, khisibe uSomnini akhange akhulume.

UHEZEKIYELI 23:36

USomnini wathi kimi: “Ndodana yomuntu, u-Ohola no-Oholiba uzabagweba na? Yeke, memezela kibo iinkghabhudlho zabo

UHOSIYA 9:7

Amalanga wokuhlunguphazwa afikile; amalanga wokulungisa afikile! U-Israyeli uzazizwela. Nithi: “Umphorofidi udlhayele, umuntu kaZimu uyarhapha!” Vele unjalo, wenziwa zizonokazi zenu ezinengezi, nobutha benu obesabekako!

UMIKHA 2:11

Nami bengingaphorofida kini ngewayini nangotjwala obunengi; kodwana umuntu kaMoya akaleyi amala. Nokho isigungu sabaphorofidi benwesi sithi:

UMIKHA 3:8

Kodwana mina ngizaliswe ngamandla, nangoMoya kaSomnini, ngokulunga nangegunya; kobana ngitjele uJakopo ngemitjhapho yakhe no-Israyeli ngezono zakhe.

UZEFANIYA 3:4

Abaphorofidi balo abazisi, bababantu abangathembekiko. Abaphristi balo basilaphaza okucwengileko begodu bephula umyalo.