ISILILO 1:9 - IsiNdebele 2012 Translation

⁹ Ukusilaphala kwalo bekuseemvunulweni zalo, lokha nalonako azange licabange ngekusasa lalo. Ukuwa kwalo bekuphazamisa khulu ngombana belinganamduduzi. Lathi: “Maye Somnini, akhe uqale iinhlungu zami ngombana isitha singihlulile!”

ISILILO 1:9 Iomraidhean Croise

2 USAMYELA 16:12

Mhlamunye uSomnini uzakubona iinhlupheko zami bese ungibuyiselela ngobuhle godu phezu kwamanikelela engiwabona namhlanjesi la.”

2 AMAKHOSI 14:26

Lokhu kwenzeka ngombana uSomnini wabona isihlungu u-Israyeli agade agandelelwe ngaso; bekunganamenyeli namunye kwa-Israyeli.

UNERHEMIYA 9:32

“Nje-ke Zimethu, wena unguZimu omkhulu, onamandla nowesabekako, ogcina isivumelwano nokwethembeka, sibawa bona boke ubudisi obasehlela, bungabonakali bulula emehlwenakho. Iye, ngitjho ubudisi obehlele phezu kwethu, amakhosethu, abarholi, abaphristi, abaphorofidi nabobaba kanye naphezu kwabantu boke kusukela esikhathini samakhosi we-Asiriya bekube kunamhlanje.

AMARHUBO 119:153

Yelela isizi lami, ungisindise ngombana akhange ngiwukhohlwe umthethwakho.

AMARHUBO 140:8

Somnini, Somandla, msindisami onamandla, usithe ihlokwami ngelanga lepi.

AMARHUBO 25:18

Yelela ukuhlupheka nokubandezelwa kwami, ungicolele zoke izono zami.

AMARHUBO 69:21

Iinhlamba ziyephulile ihliziywami, ayiselapheki. Ngalindela ukutlhuwelwa, kodwana do nokurhawukelwa, kodwana akhange ngikufunyane.

U-EKSODUSI 3:17

Nje-ke sengithembise ukunikhupha esizini leGibhide nginise enarheni yamaKanana, amaRhithi, ama-Amori, amaPerizi, amaRhivi namaJebusi, inarha egeleza ibisi neliju.’

U-EKSODUSI 3:7

Godu uSomnini wathi: “Ngambala ngibonile amatlhuwiso wabantu bami eGibhide. Ngisizwile isililo sabo ngebanga labatjhotjhozeli. Iye, ngiyalazi isizi labo.

U-EKSODUSI 4:31

yeke bakholwa. Kuthe lokha nabezwa bonyana uSomnini utshwenyekile ngabo nokobana ubonile isizi labo, badumisa ngokuguqa bahlome iinhloko phasi.

UMTJHUMAYELI 4:1

Godu ngaqala ngabona loke igandelelo ebegade lenzeka ngaphasi komthunzi welanga: Qala bekuneenyembezi zabagandelelweko, gade banganamduduzi; amandla alele kubagandeleli, ngalokho abagandelelweko batlhoga umduduzi.

U-ISAYA 3:8

“Mbala, iJerusalema ikhutjiwe, uJuda uwile. Ngamezwi nangezenzo bahlanuke uSomnini, badelela nobukhona bephazimulwakhe.

U-ISAYA 37:17

Awu, Somnini, akhese ubeke indlebe ulalele, uvule namehlwakho Somnini bese uyabona. Akhese uthi uyalalela woke amezwi uSanirheribu awathumele bona aphoqe uZimu ophilako.

U-ISAYA 37:23

Ngubani omphoqileko bewamethuka na? Bewurhuwelela bani bewumphakamisele iinhlonze na? Wenze lokho koCwengileko ka-Israyeli!

U-ISAYA 37:29

Njengombana ungibhavumulela nje nokuzikhakhazisa kwakho ngikulemukile, ngizokufaka isikghopholo sami epumulwenakho netomu lami ngemlonyenakho. Ngizokwenza ubuyele emuva ngendlela oze ngayo.

U-ISAYA 37:4

Mhlamunye uSomnini uZimakho uwezwile woke amezwi akhulunywe mkhulumeli, ogade athunywe mphathakhe ikosi ye-Asiriya bonyana azokuphoqa uZimu ophilako. Kungenzeka bona uSomnini uZimakho azibuyiselele ngamezwi awezwileko lawo. Yeke wena thandazela abantu abaseleko.’ ”

U-ISAYA 40:2

“Khulumani kuhle neJerusalema, nimemezele kilo bona lifezile umsebenzalo okatelelako necala lalo selihlawuliwe. Mbala, lamukele esandleni sakaSomnini isibetho esibuyelelweko ngebanga lazo zoke izono zalo.”

U-ISAYA 47:7

Wathi: ‘Ngizakuhlabela phambili nini nanini, ngibe yindlovukazi isiphelani.’ Kodwana azange ucabangisise ngezintwezi, utjheje umphumela wazo.

U-ISAYA 51:19

Wehlelwa matlhuwo abuyelelweko. Ngubani ozakuzwela ubuhlungu na? Wabhujiswa, wagirizwa, abahlali bakho babulawa yindlala, barhayilwa yisabula. Ngubani ozakududuza na?

U-ISAYA 54:11

“Wena othotjisiweko, owakhukhulwa ziinrhurhula, wangaduduzwa, qala, sele ngizokubeka amatjakho phezu kwedaka eliphazimako, ngenze iinsekelo zakho ngamatje wesafaya

UJOROMIYA 13:27

iinkanuko zakho zokuhlobonga nokurhuwelela kwakho njengengwadla, iye, ubungwadla bakho obulihlazo phezu kwemibundu yemmangweni. Ngibone izenzo zakho ezinyenyisako! Uzazizwa wena Jerusalema! Kuzabe kube nini ulokhu usilaphele na?”

UJOROMIYA 16:7

Akunamuntu ozakuhlephula isikwa abelane nozilileko kobana amtjhiriye ngohlongakeleko. Akunamuntu ozababela ikapho yokududuza ngitjho nanyana kungaba ngubaba namkha umma ohlongakeleko.

UJOROMIYA 2:34

Ezambathweni zakho kufunyanwa iingazi zabamsulwa, abadududu. Azange ubabambe bagqekeza, kodwana phezu kwakho koke lokhu ube nesandla.

UJOROMIYA 48:26

“Idakise ngombana idelele uSomnini. IMowabi ayigonyuluke ngamahlanzayo, nayo ayibe sisiga sokuhlekwa.

UJOROMIYA 5:31

Abaphorofidi baphorofida ngehloso yamanga, abaphristi babusa ngegunya labo; nje-ke abantu bami bathanda khona lokho. Alo-ke, yini okhunye enizokwenza emva kwalokhu na?”

UJOROMIYA 50:29

“Bizelani abosomsebe eBhabheli, iye, boke abacupha umsebe! Livimbezeleni mahlangothi woke, akungabikho namunye ophunyurhako! Libuyiseleleni ngezenzo zalo, nenze kilo lokho elakwenza kabanye ngombana lazikhukhumezela uSomnini, oCwengileko ka-Israyeli.

ISILILO 1:17

IZiyoni likhongozele, kodwana alinamduduzi. USomnini uyale ngoJakopo kobana abamzombileko babe zizitha; iJerusalema sele lisinyenyiso phakathi kwabo.

ISILILO 1:21

Somnini, yizwa ukububula kwami ngombana anginamduduzi. Zoke izitha zami zezwa ngamatshwenyekwami, zajabula kobana nguwe owangehlisela wona. Ilanga owalimemezelako ulilethile. Nazo azibe njengami.

ISILILO 2:13

Ngizakufanisa nasiphi isibonelo, ngikulinganise nani, wena ndodakazi yeJerusalema na? Ngizakufanisa nani ukuze ngikududuze wena tlawu leZiyoni na? Ngambala ukuphodlheka kwakho kubanzi njengelwandle. Ngubani ongakwelapha na?

ISILILO 4:1

Maye, igolide elidarhileko lifiphele, iye, igolidembala! Amatje acwengileko arhatjhekile emajikeni wazo zoke iindledlana.

ISILILO 5:1

Khumbula Somnini, lokho okwenzeke kithi, qala, uyelele ihlazo lethu.

UHOSIYA 2:14

“Nakanjani ngizamsomasoma, ngimdosele erhalawumbeni, ngikhulume naye kuhle.

UZEFANIYA 2:10

Ngikhokhu abazakufumana ngokuzikhukhumeza kwabo nokuthuka bebaqhukuluze abantu bakaSomnini uMninimandlawoke.

UJWANISI 11:19

AmaJuda amanengi bekeze ukuzokutjhiriya uMarta noMariya ngokufa komfowabo.

UDUTERONOMI 26:7

Salila kuSomnini uZimu wabobamkhulu. USomnini wasizwa isililo sethu, wabona isizi lethu, ubudisi nokuhlunguphazwa kwethu.

UDUTERONOMI 32:27

kodwana azange ngifune ukuzwa isiphoqo sesitha sabo: Abajamelani babo bebazazitjhaya ngamanga, bathi, ‘Izandla zethu ngizo ezihlulileko; akusinguSomnini owenze koke lokhu.’ ”

UDUTERONOMI 32:29

Nangathana bebahlakaniphile, bebazakghona ukuzwisisa lokhu, bahlole bona siyini isiphetho sabo.

1 UPITROSI 4:17

Sekusikhathi sokobana ukugwetjwa kuthome endlini kaZimu. Alo, nakube kuthoma ngathi sizokuba yini isiphetho salabo abangalaleli ivangeli lakaZimu?

1 USAMYELA 1:11

Wafunga isifungo wathi: “Somnini, Mninimandlawoke! Nange nangambala ungaqala ukutshwenyeka kwencekukazakho godu ukhumbule ungakhohlwa incekukazakho bese upha incekukazakho umntwana womsana, ngizambuyisela kuSomnini ipilwakhe yoke notjhefana angathinti ehlokwakhe.”