ISILILO 1:8 - IsiNdebele 2012 Translation

⁸ IJerusalema lone khulu, nje-ke, sese liphenduke isihlekiso. Boke ebebalihlonipha sele balidelela ngombana balibonele. Nalo ngokwalo liyaquma, lifulathele.

ISILILO 1:8 Iomraidhean Croise

UGENESISI 3:7

Ngalokho bobabili amehlwabo avuleka, bazibona bakhamba hlubule. Nje-ke bazithungela iimvunulo ngamakari wamakhiwani.

1 AMAKHOSI 9:6

“Kodwana nange wena namkha amadodanakho ningihlanukela bese aniphethi imiyalo nemithetho engininikele yona, nigijime niyokulotjha abosingazimu benibakhothamele,

1 AMAKHOSI 9:7

ngizokususa u-Israyeli enarheni engimnikele yona bengifulathele nethempeli engilicwengisele ibizo lami. U-Israyeli uzakuba sisaga nesiphoqo hlangana nabo boke abantu.

1 AMAKHOSI 9:9

Abantu bazakuphendula bathi, ‘Awa musi, angithi bahlanuke uSomnini uZimabo owakhupha aboyise eGibhide, badlhemadlhema ngemva kwabosingazimu, babakhothamela bebabalotjha. Ngikho uSomnini abehlisele ihlekelele engaka nje.’ ”

U-ISAYA 47:3

Ububhunubhunu bakho buzakuba semtarini, kwembuleke ihlazo lakho. Ngizazibuyiselela, kungabikhona ongivimbako.”

UJOROMIYA 13:22

Ngambala uzazibuza uthi, ‘Kubayini ngehlelwe ngilokhu na?’ Kungebanga lezonokazi zakho kobana ugutjululwe iinthimba, uhlukunyezwe iinkhondo.

UJOROMIYA 13:26

“Ngimi okugubulule iinthimba zakho ukuze ububhunubhunu bakho bube semtarini:

UJOROMIYA 15:4

“Ngizabenza babe sisethuso kiyo yoke imibuso yephasi ngebanga lalokho okwenziwa nguManase umsa kaHezekhiya ikosi yakwaJuda eJerusalema.

UJOROMIYA 24:9

Ngizabenza babe sisethuso nento embi kiyo yoke imibuso yephasi, iye, into yokurhubutjhwa nesiga, into yesiphoqo nesithuweleliso kizo zoke iindawo lapha ngibaqotjhela khona.

UJOROMIYA 32:23

Bangena bayithumba, kodwana azange bakulalele namkha balandele imithethwakho. Azange benze owabayala bonyana bakwenze. Nje-ke wehlisela yoke ihlekelele le phezu kwabo.

UJOROMIYA 34:17

“Ngalokho-ke nakhu okutjhiwo nguSomnini, ‘Nina azange ningilalele kobana omunye nomunye amemezele itjhaphuluko yabafowabo nabantu bekhabo. Yeke, gadesi nginimemezelela itjhaphuluko, iye, itjhaphuluko yokobana ngininikelele ngesabula, ngamatshwenyeko nangendlala, nibe sisethuso kiyo yoke imibuso yephasi.’ Kutjho uSomnini.

UJOROMIYA 4:31

Mbala, ngezwa isililo inga ngesomfazi onemirhelo, silisizi njengaloyo obeletha izibulo; iye, isililo sendodakazi yeZiyoni elwela ukuphefumula, yelula izandla isithi: “Maye mina, ngiyatsirimezeka, ipilwami inikelwe esandleni sababulali.”

UJOROMIYA 6:28

Boke bamahlubuka akhunyaleleko, bakhamba bahleba. Baqine njengekoporo nesimbi, boke babanga umonakalo.

ISILILO 1:11

Boke abantu balo bayabubula nabafunana nesikwa, banana amagugwabo ngokugoma ukuze bavuselele umphefumulo. Qala Somnini, ubone kobana angisenabubhadekelo.

ISILILO 1:17

IZiyoni likhongozele, kodwana alinamduduzi. USomnini uyale ngoJakopo kobana abamzombileko babe zizitha; iJerusalema sele lisinyenyiso phakathi kwabo.

ISILILO 2:10

Abaphathi bendodakazi yeZiyoni bahlezi equlwanini bathulile, bazithele ngethuli eenhloko bembatha iinzilo. Amatlawu weJerusalema ahlome iinhloko phasi.

ISILILO 4:21

Jekezela uthabe ndodakazi ye-Edomu; wena ohlala enarheni ye-Utsi. Kodwana nakuwe ikapho izakufika; uzakudakwa, uzihlubulise.

UHEZEKIYELI 23:29

Bona bazakuphatha ngezondo, bathathe zoke iinthukuthuku zomsebenzakho, bakutjhiye ubulanzi, iye, ubhunubhunu ukuze ubungwadla bakho nawuzinekileko bube semtarini. Ukuziphatha kwakho ngameswe nobungwadla bakho

UHEZEKIYELI 23:46

“Yeke, nakhu okutjhiwo nguSomnini uSomandla: ‘Butha ihlangano ejamelene nabo, benze babe sisiga sokwesatjwa nepango.

UHEZEKIYELI 39:23

Nezizwe zizakwazi bonyana indlu yakwa-Israyeli yaya ekuthunjweni ngebanga lecala layo ngombana akhange yethembeke kimi. Nje-ke ngabufihla ubuso bami ebantwini bakwa-Israyeli ukuze ngibanikelele esandleni samanababo ngalokho boke bawe ngesabula.

UHOSIYA 2:10

“Nje-ke ngizomhlubulisa phambi kweenthandwa zakhezo, abe atlhoge nomenyeli.

UHOSIYA 2:3

Nakungasinjalo bekumele ngimhlubulise abe bhunubhunu njengamhlana abelethwako. Bengizamenza abe njengerhalawumba, athunye njengebhudu, ngimbulalise ngokoma.

ISAMBULO 3:18

Ngalokho ngiyakweluleka bona uthenge kimi igolide elicoliswe ngomlilo khona uzakuba ngonjingileko; thenga nezambatho ezimhlophe khona uzakwembatha ufihle ihlazo lobubhunubhunu bakho; iye, uthenge nesizelo ongasitjhatjha emehlwenakho ukuze ubone.

1 USAMYELA 2:30

“Nje-ke mina Somnini, uZimu wakwa-Israyeli ngithi ngathembisa bonyana indlwakho nendlu kayihlo nizakusebenza e-aldarini lami ngeenkhathi zoke. Kodwana kwanjesi nginisuthi ngombana ngidumisa abangidumisako nginyaze abanginyazako.