ISILILO 1:21 - IsiNdebele 2012 Translation

²¹ Somnini, yizwa ukububula kwami ngombana anginamduduzi. Zoke izitha zami zezwa ngamatshwenyekwami, zajabula kobana nguwe owangehlisela wona. Ilanga owalimemezelako ulilethile. Nazo azibe njengami.

ISILILO 1:21 Iomraidhean Croise

AMARHUBO 35:15

Kodwana ekukhutjhweni kwami bona bajabula babuthana ndawonye. Babuthana kobana bangibethe ngingakatjheji, bangidabula bangasakhawula.

AMARHUBO 37:13

kodwana uSomandla uyasihleka, uyazi bonyana ilanga laso liyeza.

AMARHUBO 38:16

Kodwana ngiqalelele kuwe Somnini, nguwe Somandla Zimami ozangiphendula.

U-ISAYA 14:5

USomnini wephule idondolo labakhohlakeleko, iye, intonga yababusi.

U-ISAYA 14:6

Elakeni labo, baphobola abantu amaduma anganamkhawulo. Ebukhalini babo, babusa izizwe ngelandelela enganasirhawu.

UJOROMIYA 30:16

Ngalokho-ke boke abakurhiribidelako, bazakurhiribidelwa; woke amanabakho, okutjho elinye nelinye lawo, azakusiwa ekuthunjweni; labo abakuphangako bazakuphangwa nalabo abakudlelezelako bazakudlelezelwa.”

UJOROMIYA 48:27

U-Israyeli azange abe sisiga sokuhlekwa kuwe na? Ingabe wabanjwa hlangana namasela kobana ungabeze uthintithe ihloko njalo lokha nawukhuluma ngaye na?

UJOROMIYA 50:11

Ngebanga lokobana nina maKasidi niyajekezela benithabile, nina baphangi belifa lami, nituna njengethole nalibhula ikoroyi, nilile njengeenjomani eziduna,

UJOROMIYA 50:15

Hlokomani kuzwakale ngehla kwalo ncazoke nithi: “Lizinikele, imibhotjhongwalo iwile, amabodalo agiriziwe.” Lokhu kukuzibuyiselela kwakaSomnini. Ngalokho zibuyiseleleni kilo, nenze kilo lokho elakwenza kabanye.

UJOROMIYA 50:29

“Bizelani abosomsebe eBhabheli, iye, boke abacupha umsebe! Livimbezeleni mahlangothi woke, akungabikho namunye ophunyurhako! Libuyiseleleni ngezenzo zalo, nenze kilo lokho elakwenza kabanye ngombana lazikhukhumezela uSomnini, oCwengileko ka-Israyeli.

UJOROMIYA 50:31

“Qala, ngijamelene nawe, wena ozikhukhumezako!” Kutjho uSomnini oyiKosi uMninimandlawoke. “Ngambala ilanga lakho lifikile, ilanga lokobana ngikuhlunguphaze.

UJOROMIYA 51:24

“Ngizakubuyiselela iBhabheli nabo boke abahlali benarha yamaKasidi ngebanga lakho koke okumbi abakwenze phambi kwenu eZiyoni.” Kutjho uSomnini.

UJOROMIYA 51:49

“IBhabheli nalo kufanele liwe ngebanga labakwa-Israyeli ababuleweko, njengombana ababuleweko bephasi loke bawe ngebanga leBhabheli.

ISILILO 1:16

Ngiyalila ngezintwezi, ilihlo, iye, ilihlo lami liwuluka iinyembezi; mbala, umduduzi ukude nami, okunguye ongavuselela umphefumulo. Abantwabami abanabuyo ngombana isitha sihlulile.

ISILILO 1:2

Ebusuku likhihla isililo, iinyembezi zehle emihlathinalo. Phakathi kwazo zoke iinthandwa zalo, asikho nesisodwa esiliduduzako. Boke abangani balo balirhwalile, baphenduke izitha zalo.

ISILILO 1:22

Akuthi zoke izenzo zazo ezimbi zibe phambi kwakho nazo uzenze owasenza kimi ngebanga lazo zoke iimphambeko zami. Mbala, ukububula kwami kukhulu nehliziywami idanile.

ISILILO 1:4

Iindlela eziya eZiyoni ziyalila ngombana akakho oza eminyanyeni; woke amasangwalo akanabantu, abaphristi balo bayaquma, amatlawanalo ayabubula, nalo linobumunyu.

ISILILO 1:8

IJerusalema lone khulu, nje-ke, sese liphenduke isihlekiso. Boke ebebalihlonipha sele balidelela ngombana balibonele. Nalo ngokwalo liyaquma, lifulathele.

ISILILO 2:15

Boke abadlula ngendlela bakuthintithela izandla. Bayakukhuza bebakuthintithele iinhloko wena ndodakazi yeJerusalema, bathi: “Ingabe leli lidorobho ebelibizwa bonyana ngunobuhle, ithabo lephasi loke na?”

ISILILO 2:16

Zoke izitha zakho zikhuluma khulu ngawe. Ziyababaza, zihline, zirhuwelele zithi: “Siyirhiribidele! Ngambala leli lilanga ebesililindile, sesifikile kilo, sekunjalo-ke!”

UHEZEKIYELI 26:2

“Ndodana yomuntu, njengombana iTirosi likhulume mayelana neJerusalema lathi, “ ‘Arha! Lidilikile iJerusalema okulisango labantu. Ipahlalo izakulethwa kimi, ngizakuzuza ngombana limarubhi!’

UJUWELI 3:14

Iinqubuthu ngeenqubuthu zisemrhobeni wokugwebela ngombana ilanga lakaSomnini litjhidele ngemrhobeni lowo.

ISAMBULO 18:6

Liphatheni njengombana nalo lenzile; libuyiseleleni ngokubuyelelweko kilokho elikwenzileko; niqarhe ngokubuyelelweko ekatjheni elayiqarhako.