ISILILO 1:20 - IsiNdebele 2012 Translation

²⁰ Qala Somnini, ngisesizini! Isisu sami siyasika nehliziyo ngaphakathi kwami iwurubajekile ngombana ngihlubuke khulu. Endledlaneni isabula ingilobisele abantwana, ngekumbeni kunokufa kwaphela!

ISILILO 1:20 Iomraidhean Croise

UJOBHO 30:27

Ukuwurubajeka okungaphakathi kwami akuthuli, ngehlelwa malanga wamahlungu.

UJOBHO 33:27

Umuntu loyo uzakusuka aye ebantwini athi, ‘Ngonile, ngahlanakezela okulungileko, azange ngifumane okungifaneleko.

AMARHUBO 22:14

Zingikhamisele imilomazo njengengonyama ebhodlako efuna ukudabudabula.

AMARHUBO 38:8

Iye, idini lami liqaqamba khulu nepilo ayikho enyamenami.

IZAGA 28:13

Ofihla iimphambeko zakhe akaphumeleli, kodwana ozivumako abe azitjhiye ufunyana isirhawu.

U-ISAYA 16:11

Ngalokho ihliziywami ilila njengeharibha ngoMowabi, nomphefumulwami utlhuwela iKhiri-Rheresethi.

U-ISAYA 38:14

Ngalila njengekonjani, ngabubula njengezuba. Ngafiphaza amehlwami ngiqale emazulwini. Ngisesizini Somandla, yewungenyele!

UJOROMIYA 14:18

Nangiya emmangweni qala, napo abarhayilwe yisabula, nangingena ngedorobheni, qala, napo abaguliswa yindlala! Abaphorofidi ngitjho nabaphristi baye enarheni abangayaziko.

UJOROMIYA 14:20

Somnini, siyabuvuma ubukhohlakali bethu kanye necala labobaba: Ngambala, sonile kuwe.

UJOROMIYA 2:35

Nokho uthi, ‘Awa, mina anginamlandu, itukuthelo kaZimu ikude nami.’ Qala-ke, ngizakugweba ngombana uthi, ‘Mina anginasono.’ ”

UJOROMIYA 3:13

Kwaphela vuma icala lakho bonyana uhlubuke uSomnini uZimakho, ukhambe wehla wenyuka nabatjhili ngaphasi kwayo yoke imithi ehlaza, azange ulalele ilizwi lami.

UJOROMIYA 31:20

U-Efrayimu yindodanami ethandekako kimi, iye, umntwana othokozelwa nguyise: Njengombana vane ngikhulume ngaye, ngihlala ngimkhumbula. Ngebanga lalokho ihliziywami ibethela eduze ngaye. Mbala, ngizakuba nesisa kuye.” Kutjho uSomnini.

UJOROMIYA 4:19

Maye iinsizi zami, iinsizi zami! Ngisebuhlungwini! Maye, ukubethela eduze kwehliziywami! Iye, ihliziywami iyathukuza angikwazi ukuthula. Ngizwile ukulila kwepalapala, ngezwa nengoma yepi.

UJOROMIYA 48:36

“Ihliziywami ililela uMowabi njengamanghwani, iye, ililela abantu beKhiri-Rharesethi njengamanghwani. Inzuzo abayizuzileko inyelele.

ISILILO 1:11

Boke abantu balo bayabubula nabafunana nesikwa, banana amagugwabo ngokugoma ukuze bavuselele umphefumulo. Qala Somnini, ubone kobana angisenabubhadekelo.

ISILILO 1:18

USomnini ulungile ngombana ngihlubuke ilizwi. Lalelani noke nina zizwe, niyelele isizi lami: Amatlawu namasokanami asiwe ekuthunjweni.

ISILILO 1:8

IJerusalema lone khulu, nje-ke, sese liphenduke isihlekiso. Boke ebebalihlonipha sele balidelela ngombana balibonele. Nalo ngokwalo liyaquma, lifulathele.

ISILILO 1:9

Ukusilaphala kwalo bekuseemvunulweni zalo, lokha nalonako azange licabange ngekusasa lalo. Ukuwa kwalo bekuphazamisa khulu ngombana belinganamduduzi. Lathi: “Maye Somnini, akhe uqale iinhlungu zami ngombana isitha singihlulile!”

ISILILO 2:11

Amehlwami afiphala ngeenyembezi, isisu sami siyasika, inyongwami ichithekela equlwanini ngebanga lokuphodlheka kwabantu bami: Amasana nabantwana baphela amandla, eendledlaneni zedorobho.

ISILILO 5:16

Isihlohlo siwile eenhloko zethu. Maye thina ngombana sonile!

UHEZEKIYELI 7:15

Isabula ingaphandle ngaphakathi kunezifo nendlala. Loyo osemasimini ufa ngesabula; osedorobheni ubhujiswa zizifo nendlala.

UDANYELA 9:5

Sonile, senza ubumbi besakhamba ngekohlakalo begodu sahlubuka; iye, sitjhidile emiyalwenakho nemithethwenakho.

UHOSIYA 11:8

“Ngizokuliselela njani, wena Efrayimu? Ngikulahleleni, wena Israyeli? Ngizokuphatha njani njenge-Adima? Ngikwenze njani ufane neTseboyimu? Ihliziywami ingiphendukele, isirhawu sami siyavutha.

URHABAKHUKHU 3:16

Nangizwa lokho, amathumbami adlhabhaza, iimbhena zomlomami zahlengezela ngetjhadelo, umzimbami wakoropana, amadolwami ageba. Ngarhawuka ngebanga lelanga lamatlhuwo, ngebanga lezehlo ezizokwehlela abasahleli.

UDUTERONOMI 32:25

Endleleni isabula izabathathela abantwana, emizinabo kubuse ukwesaba. Kuzakubhubha amasokana kanye namatlawu, amasana kanye nabathukgheleko.